HMD 102 4G Pro: ప్రముఖ HMD సంస్థ భారత మార్కెట్లో మరో కొత్త బడ్జెట్ ఫీచర్ ఫోన్‌ను త్వరలో లాంచ్ చేయనుంది. గతంలో వచ్చిన HMD 102 4G మోడల్‌కు అప్‌గ్రేడెడ్ వెర్షన్‌గా HMD 102 4G Pro పేరుతో ఈ ఫోన్ రాబోతున్నట్లు సమాచారం. ప్రముఖ టిప్‌స్టర్ ద్వారా ఈ ఫోన్‌కు సంబంధించిన కీలక వివరాలు ఆన్‌లైన్‌లో లీక్ అయ్యాయి. కంపెనీ ఇంకా దీనిపై అధికారిక ప్రకటన చేయనప్పటికీ.. ఇది త్వరలోనే మార్కెట్లోకి వచ్చే అవకాశం ఉంది.
ఈ HMD 102 4G Pro మోడల్‌లో ప్రధానంగా చెప్పుకోవాల్సింది బ్యాటరీ కెపాసిటీ గురించే. పాత మోడల్‌లో 1000mAh బ్యాటరీ ఉండగా.. ఈ కొత్త ఫోన్‌లో 1200mAh బ్యాటరీని అందించనున్నట్లు తెలుస్తోంది. దీంతో ఫోన్ ఛార్జింగ్ ఎక్కువ సమయం వస్తుంది. అంతేకాకుండా.. ఇప్పటి ట్రెండ్‌కు తగ్గట్టుగా ఇందులో టైప్-సి (USB-C) ఛార్జింగ్ పోర్ట్‌ను ఇవ్వబోతున్నారు. బడ్జెట్ ఫీచర్ ఫోన్లలో టైప్-సి పోర్ట్ రావడం వినియోగదారులకు చాలా ఉపయోగకరంగా ఉంటుంది.
Also Read: బడ్జెట్ ధరలో ఇంట్లోనే 200 అంగుళాల సినిమా హాల్.. మార్కెట్లోకి కొత్త ఆండ్రాయిడ్ 14 ప్రొజెక్టర్!
HMD 102 4G Pro ఫోన్ 2-అంగుళాల QQVGA ఎల్‌సీడీ డిస్‌ప్లేతో రానుంది. ఇది S30 ప్లస్ ఆపరేటింగ్ సిస్టమ్‌పై పనిచేస్తుందని, యూనిసోక్ 8910FF S ప్రోసెసర్‌ను ఉపయోగించనున్నారని సమాచారం. ఇక ర్యామ్ విషయానికొస్తే.. 24MB లేదా 48MB ఆప్షన్లు ఉండవచ్చు. పాటలు, వీడియోలు దాచుకోవడానికి వీలుగా మైక్రో ఎస్‌డీ కార్డ్ ద్వారా మెమరీని 32GB వరకు పెంచుకునే సదుపాయం కూడా ఇందులో ఉంటుంది.
ఫోన్ వెనుక వైపు 0.3 మెగాపిక్సెల్ కెమెరాను అందించే అవకాశం ఉంది. కనెక్టివిటీ కోసం డ్యూయల్ 4జీ ఎల్‌టీఈ, బ్లూటూత్ 4.2 వంటి ఫీచర్లు ఉంటాయి. సంగీత ప్రియుల కోసం 3.5mm హెడ్‌ఫోన్ జాక్, మీడియా ప్లేయర్ ఇచ్చారు. చిన్ననాటి జ్ఞాపకాలను గుర్తుచేసే క్లాసిక్ స్నేక్ గేమ్ కూడా ఇందులో రానుంది. అంతేకాకుండా.. ఈ ఫోన్‌కు ఐపీ52 (IP52) రేటింగ్ ఉండవచ్చని సమాచారం. దీనివల్ల దుమ్ము, చిన్న చిన్న నీటి చుక్కల నుండి ఫోన్‌కు రక్షణ లభిస్తుంది.
HMD 102 4G Pro ఫోన్.. డార్క్ బ్లూ, రెడ్, పర్పుల్ రంగుల్లో లభ్యమయ్యే అవకాశం ఉంది. ప్రస్తుతం మార్కెట్లో ఉన్న హెచ్‌ఎమ్‌డీ 102 4జీ ఫోన్ ధర దాదాపు రూ.2,199గా ఉంది. కొత్త ప్రో మోడల్ కూడా దాదాపు ఇదే బడ్జెట్ ధరలో వచ్చే అవకాశం ఉంది. అతి త్వరలోనే కంపెనీ ఈ ఫోన్ లాంచ్ తేదీ, అధికారిక ధరను వెల్లడించనుంది.
Also Read: ఫ్లాగ్‌షిప్ ఫోన్ల రేంజ్‌కు OPPO Reno 16 5G ధర.. భారీగా పెరిగిన విడిభాగాల భారం!
Share
మ్యూజిక్ పై ఏఐ ప్రభావం.. ఆ కష్టం బయటపెట్టిన మ్యూజిక్ డైరెక్టర్ అజయ్ అరసాడ!
ఏపీ శాసనమండలిలో సీన్ రివర్స్.. పయ్యావుల పంచ్లకు వైసీపీ సైలెంట్!
