Smart TV vs Projector: ఇంట్లోనే థియేటర్ లాంటి ఫీలింగ్ పొందాలని ప్రతి ఒక్కరూ కోరుకుంటారు. అయితే హోమ్ థియేటర్ సెటప్ చేసుకునేటప్పుడు ప్రొజెక్టర్ కొనాలా లేక పెద్ద స్మార్ట్ టీవీ తీసుకోవాలా అనే కన్ఫ్యూజన్ చాలామందిలో ఉంటుంది. ఈ రెండింటిలో దేని ప్రత్యేకతలు దానికున్నాయి. ఈ క్రమంలో రూమ్ సైజ్, బడ్జెట్, చూసే విధానాన్ని బట్టి ఏది బెస్ట్ అనేది ఈజీగా డిసైడ్ అవ్వచ్చు.
మీరు గనుక థియేటర్ లాంటి భారీ స్క్రీన్ అనుభవం కావాలనుకుంటే ప్రొజెక్టర్ సరైన ఛాయిస్. వంద ఇంచులు లేదా అంతకంటే పెద్ద సైజులో సినిమాలను ఎంజాయ్ చేయడానికి ప్రొజెక్టర్ బాగా సెట్ అవుతుంది. ఇంట్లో సినిమా హాల్ వాతావరణాన్ని ఇది తీసుకోగలదు. అదే టీవీ విషయానికి వస్తే.. చాలా పెద్ద సైజు స్క్రీన్స్ దొరుకుతాయి కానీ వాటి ధరలు చాలా ఎక్కువగా ఉంటాయి.
టీవీ లేదా ప్రొజెక్టర్ పెట్టుకునే గదిలో వెలుతురు ఎలా ఉంటుందనేది చాలా ముఖ్యం. సాధారణంగా లివింగ్ రూమ్లలో కిటికీల ద్వారా పగటిపూట వెలుతురు ఎక్కువగా వస్తుంది. ఇలాంటి రూమ్స్ కోసం ఎల్జీ లేదా శాంసంగ్ వంటి బ్రాండ్ల స్మార్ట్ టీవీలు బెస్ట్. ఎందుకంటే.. టీవీ స్క్రీన్ స్వయంగా కాంతిని ఇస్తుంది కాబట్టి.. వెలుతురులోనూ బొమ్మ స్పష్టంగా కనిపిస్తుంది. ప్రొజెక్టర్లు మాత్రం చీకటిగా ఉండే రూమ్లలోనే అద్భుతంగా పనిచేస్తాయి. వెలుతురు ఉంటే స్క్రీన్ వెలవెలబోయినట్టు అనిపిస్తుంది.
Also Read: రూ.2.30 లక్షల Foldable iPhone.. లాంచ్ అయినా చేతికి రావడం కష్టమే, ఎందుకో తెలుసా?
ఈ రోజుల్లో స్మార్ట్ టీవీలను వాడటం చాలా సులభం. జస్ట్ ప్లగ్ పెట్టి, వైఫై కనెక్ట్ చేస్తే చాలు.. నెట్ఫ్లిక్స్, యూట్యూబ్ లాంటి యాప్స్ అన్నీ వచ్చేస్తాయి. అదే ప్రొజెక్టర్కు అయితే విడిగా స్క్రీన్, సీలింగ్ మౌంట్, పొడవైన కేబుల్స్ అవసరమవుతాయి. కొన్ని ప్రొజెక్టర్లలో స్మార్ట్ ఫీచర్లు ఉన్నప్పటికీ.. టీవీ అంత సులభంగా ఉండవు. పైగా టీవీల్లో ఇన్-బిల్ట్ స్పీకర్లు బాగుంటాయి, కానీ ప్రొజెక్టర్ల కోసం విడిగా మంచి హోమ్ థియేటర్ సౌండ్ సిస్టమ్ పెట్టుకోవాల్సి ఉంటుంది.
ప్లేస్టేషన్ లాంటి వాటిలో గేమ్స్ ఎక్కువగా ఆడేవారైతే టీవీ వైపే మొగ్గు చూపడం మంచిది. ఎందుకంటే.. ఆధునిక టీవీలు గేమింగ్కు అవసరమైన స్పీడ్, తక్కువ లాగ్ టైమ్ను అందిస్తాయి. అయితే.. రేసింగ్ లేదా అడ్వెంచర్ గేమ్స్ పెద్ద స్క్రీన్పై ఆడాలనుకుంటే ప్రొజెక్టర్ కూడా కొత్త అనుభూతిని ఇస్తుంది. అలాగే పగటిపూట వచ్చే క్రికెట్ మ్యాచ్లు చూడటానికి టీవీ కంఫర్ట్గా ఉంటుంది.
ఇంట్లో అందరూ కలిసుండే హాల్లో, పగటిపూట కూడా వాడటానికి, ఈజీ సెటప్ కోసం టీవీని ఎంచుకోవచ్చు. అలా కాకుండా.. ప్రత్యేకంగా ఒక సినిమా రూమ్ లేదా బేస్మెంట్లో లైట్లు ఆపేసి, నిజమైన సినిమా థియేటర్ ఫీలింగ్ పొందాలనుకుంటే సోనీ వంటి బ్రాండ్ల ప్రొజెక్టర్ సిస్టమ్ తీసుకోండం సరైన నిర్ణయం.
Also Read: ఇక ఇంట్లోనే పబ్ ఫీలింగ్.. రూ.5 వేల లోపు 80W పవర్ఫుల్ సౌండ్తో బోట్ కొత్త స్పీకర్ లాంచ్!
Share
పర్యాటకానికి ‘ఫ్యూచర్’ కళ.. ఎకో టూరిజంపై సీఎం రేవంత్ కీలక సమీక్ష
POCSO Cases: తెలంగాణ రాష్ట్రాన్ని వణికిస్తున్న పోక్సో కేసులు.. లెక్కలు చూస్తే మైండ్ బ్లాకే..?
