Sony Bravia Theatre: ఇంట్లోనే సినిమా థియేటర్ లాంటి అనుభూతిని సొంతం చేసుకోవాలనుకునే ఆడియో ప్రియుల కోసం ప్రముఖ ఎలక్ట్రానిక్స్ బ్రాండ్ సోనీ ఇండియా మార్కెట్లోకి సరికొత్త BRAVIA Theatre సిరీస్ను పరిచయం చేసింది. ఇందులో కంపెనీ తమ ఫ్లాగ్షిప్ మోడల్ అయిన బ్రావియా థియేటర్ ట్రియోతో పాటు రెండు అద్భుతమైన సౌండ్బార్లు, శక్తివంతమైన సబ్వూఫర్లు, వైర్లెస్ రియర్ స్పీకర్లను లాంచ్ చేసింది. వినసొంపైన డైలాగ్స్, మంచి బేస్, రూమ్ మొత్తం మార్మోగిపోయే సౌండ్ అందించడమే లక్ష్యంగా సోనీ వీటిని డిజైన్ చేసింది. జూలై 1వ తేదీ నుంచి సోనీ రిటైల్ స్టోర్స్, అమెజాన్ లలో ఇవి కొనుగోలుకు అందుబాటులోకి రానున్నాయి.
ఈ సిరీస్లో అత్యంత ప్రీమియం మోడల్ ‘బ్రావియా థియేటర్ ట్రియో’. సాధారణ సౌండ్బార్లకు భిన్నంగా ఇది మూడు ప్రత్యేక స్పీకర్ల (లెఫ్ట్, సెంటర్, రైట్) సెటప్తో వస్తుంది. ఇది విశాలమైన సౌండ్స్టేజ్ను క్రియేట్ చేస్తూ స్పష్టమైన డైలాగులను అందిస్తుంది. దీనిని సబ్వూఫర్, రియర్ స్పీకర్లతో కలిపినప్పుడు డాల్బీ అట్మోస్ సాయంతో ఏకంగా 24 వర్చువల్ స్పీకర్ల లాంటి థియేటర్ ఎఫెక్ట్ను లివింగ్ రూమ్లోనే ఆస్వాదించవచ్చు. దీని ధర రూ.2,39,990 కాగా.. బెస్ట్ బై ఆఫర్లో రూ.1,69,990కే లభిస్తుంది.
Also Read: ఇదేందయ్యా ఇది.. ఐఫోన్ డిజైన్తో కూల్ప్యాడ్ కొత్త ఫోన్.. రేటు మరీ ఇంత తక్కువా!
ఎక్కువ హంగామా లేకుండా ఒకే ఒక సౌండ్బార్తో ఇల్లంతా సౌండ్ నిండిపోవాలనుకునే వారి కోసం ‘బ్రావియా థియేటర్ బార్ 7’ అందుబాటులో ఉంది. 9 స్పీకర్ యూనిట్లు, డాల్బీ అట్మోస్, ఐమాక్స్ ఎన్హ్యాన్స్డ్ సపోర్ట్తో వచ్చే ఈ సౌండ్బార్ ధర ఆఫర్లో రూ.82,990గా ఉంది. ఇక బడ్జెట్లో ప్రీమియం ఆడియో కావాలనుకునే వారి కోసం ‘బ్రావియా థియేటర్ బార్ 5’ మోడల్ కూడా ఉంది. వైర్లెస్ సబ్వూఫర్, వాయిస్ జూమ్ లాంటి ఫీచర్లతో వచ్చే ఈ 3.1 ఛానల్ సౌండ్బార్ను కేవలం రూ.29,990 ఆఫర్ ధరకు సొంతం చేసుకోవచ్చు.
సినిమాల్లోని యాక్షన్ సీన్లకు, పాటలకు అసలైన ఊపు తెచ్చేందుకు సోనీ రెండు సబ్వూఫర్లను తెచ్చింది. 600 వాట్స్ పవర్తో వచ్చే థియేటర్ సబ్ 9 ధర రూ.79,990 కాగా.. 300 వాట్స్ కెపాసిటీ ఉన్న సబ్ 8 ధర రూ.34,990గా ఉంది. వీటితో పాటు సరౌండ్ సౌండ్ అనుభూతిని మరింత పెంచేందుకు రియర్ 9, రియర్ 8 అనే వైర్లెస్ వెనుక స్పీకర్లను కూడా లాంచ్ చేసింది.
ఈ కొత్త సిరీస్లో సోనీ తీసుకొచ్చిన మరో సూపర్ ఫీచర్ ‘బ్రావియా డైరెక్ట్ కనెక్ట్’. దీని ద్వారా ఎలాంటి సౌండ్బార్ అవసరం లేకుండానే, మన ఇంట్లోని బ్రావియా టీవీకి నేరుగా సబ్వూఫర్ను లేదా రియర్ స్పీకర్లను కనెక్ట్ చేసుకోవచ్చు. దీనివల్ల కస్టమర్లు తమ బడ్జెట్ను బట్టి, నచ్చిన విధంగా హోమ్ థియేటర్ సిస్టమ్ను మెల్లమెల్లగా బిల్డ్ చేసుకునే వెసులుబాటు కలుగుతుంది. మొత్తానికి హోమ్ ఆడియో మార్కెట్లో సోనీ మరోసారి తన మార్క్ చూపించడానికి సిద్ధమైంది.
Also Read: రియల్మీ నుంచి 8000mAh బ్యాటరీతో కొత్త ఫోన్.. బడ్జెట్ ధరలో వావ్ అనిపించే ఫీచర్లు!
Share
తుంగభద్ర డామ్ గేట్లు.. ముగ్గురు సీఎంలు రేవంత్-చంద్రబాబు-డీకే కలయిక, అతిథి గృహంలో మాటామంతీ
సీఎం రేవంత్ కర్ణాటక పర్యటన.. కవిత సంచలన వ్యాఖ్యలు!
