Tecno Pova 8 Pro: స్మార్ట్ఫోన్ మార్కెట్ ఎప్పుడూ కొత్త మోడళ్లతో సందడిగా ఉంటుంది. ఈ వారం కూడా భారతీయ వినియోగదారులను ఆకట్టుకోవడానికి సరికొత్త ఫీచర్లతో కొత్త ఫోన్లు మార్కెట్లోకి వస్తున్నాయి. ముఖ్యంగా గేమింగ్, ఫొటోగ్రఫీ, ఆర్టిఫిషియల్ ఇంటెలిజెన్స్ (AI) లవర్స్ను టార్గెట్ చేస్తూ ప్రముఖ బ్రాండ్లు తమ సరికొత్త మోడళ్లను లాంచ్ చేయడానికి సిద్ధమయ్యాయి.
ఈ వారంలో అందరి దృష్టిని ఆకర్షిస్తున్న ఫోన్లలో Tecno Pova 8 Pro ఒకటి. ఈ ఫోన్ ఆగస్టు 18న అధికారికంగా భారత్లో లాంచ్ కానుంది. ఫ్లిప్కార్ట్ ద్వారా ఇది వినియోగదారులకు అందుబాటులోకి రానుంది. ఇందులో 6.78 అంగుళాల హైపర్లక్స్ అమోలెడ్ డిస్ప్లే, 144Hz రీఫ్రెష్ రేట్ వంటి సదుపాయాలు ఉన్నాయి.
అలాగే స్క్రీన్ రక్షణ కోసం కార్నింగ్ గొరిల్లా గ్లాస్ 7i ని ఉపయోగించారు. గేమింగ్ ప్రియుల కోసం మీడియాటెక్ డైమెన్సిటీ 7400 అల్టిమేట్ 5G ప్రాసెసర్తో పాటు ప్రత్యేకమైన P1 గ్రాఫిక్స్ చిప్ను అందించారు. ఫోన్ వేడెక్కకుండా చూడటానికి ప్రత్యేకమైన కూలింగ్ సిస్టమ్ను కూడా అమర్చారు.
Also Read: సెప్టెంబర్లో లాంచ్.. భారీగా పెరగనున్న iPhone 18 Pro Max ధర, పూర్తి వివరాలు!
Tecno Pova 8 Proలో అత్యంత ఆకర్షణీయమైన అంశం దాని వెనుక వైపు ఉండే ‘ఎలైవ్ మ్యాట్రిక్స్ డిస్ప్లే’. దీనికోసం 177 చిన్న ఎల్ఈడీ లైట్లను ఉపయోగించారు. కాల్స్, మెసేజ్లు, గేమింగ్ లేదా ఫైల్ ట్రాన్స్ఫర్ వంటి దాదాపు 49 రకాల పరిస్థితులకు అనుగుణంగా ఈ లైట్లు స్పందిస్తాయి.
యూజర్లు తమకు నచ్చినట్లు ఈ లైటింగ్ ఎఫెక్ట్స్ను కస్టమైజ్ చేసుకోవచ్చు. ఇంతటి ఫీచర్లు ఉన్నప్పటికీ, ఈ ఫోన్ చాలా సన్నగా (7.39mm), తేలికగా (189 గ్రాములు) ఉంటుంది. ఇది గ్రాఫైట్ బ్లాక్, టుండ్రా గ్రీన్, ఆర్కిటిక్ వైట్ రంగుల్లో రానుంది.
ఇప్పటివరకు ఆడియో సాధనాలతో ఆకట్టుకున్న బోల్ట్ బ్రాండ్.. ఇప్పుడు తొలిసారిగా స్మార్ట్ఫోన్ రంగంలోకి అడుగుపెడుతోంది. ఆగస్టు 25న Bolt Ace 5G, Bolt Evo అనే రెండు మోడళ్లను ఫ్లిప్కార్ట్ వేదికగా మార్కెట్లోకి విడుదల చేయనుంది. Bolt Ace 5Gలో 64 మెగాపిక్సెల్ కెమెరా, Bolt Evoలో 50 మెగాపిక్సెల్ ప్రధాన కెమెరాలను అందించారు. రెండింటిలోనూ 8 మెగాపిక్సెల్ ఫ్రంట్ కెమెరా ఉంటుంది.
బోల్ట్ తమ ఫోన్లలో గూగుల్ ఏఐ సాంకేతికతకు పెద్దపీట వేసింది. ఫేస్ అన్బ్లర్, ఏఐ నైట్ మోడ్ వంటి ఫీచర్లు ఫొటోలను మరింత స్పష్టంగా, సహజంగా తీయడానికి తోడ్పడతాయి. ముఖ్యంగా వివిధ రకాల స్కిన్ టోన్లకు తగినట్లుగా సహజమైన ఫొటోలను అందించడం దీని ప్రత్యేకత.
దీంతో పాటు గూగుల్ జెమిని, సర్కిల్ టు సెర్చ్, గూగుల్ లెన్స్ వంటి ఫీచర్లు కూడా నేరుగా ఈ ఫోన్లలో లభిస్తాయి. గేమింగ్ ప్రియులను, ఫొటోగ్రఫీ ప్రేమికులను ఆకట్టుకోవడానికి ఈ రెండు బ్రాండ్లు తెస్తున్న కొత్త మోడళ్లు మార్కెట్లో మంచి పోటీని ఇచ్చే అవకాశం ఉంది.
Also Read: ఇదెక్కడి మాస్ డిస్కౌంట్ మావా.. Samsung Galaxy S26 Plusపై రూ.30,500 తగ్గింపు!
Share
విరాట్ కోహ్లీ వన్8 షూస్ పై వివాదం.. బొబ్బలు, స్కిన్ ఎలర్జీలు వస్తున్నట్లు పోస్టులు ?
కొండచిలువ లాంటి స్వభావం.. ఈ తేదీల్లో పుట్టినవారు సరైన టైమింగ్తో విజయం సాధిస్తారు
