Twitter.now: ట్విట్టర్ పేరు ఇక గతం అనుకుంటున్న సమయంలో అదే పేరుతో మరో సోషల్ మీడియా ప్లాట్‌ఫామ్ తెరపైకి వచ్చింది. అమెరికాకు చెందిన స్టార్టప్ Operation Bluebird, Twitter.now పేరుతో కొత్త సోషల్ మీడియా సర్వీస్‌ను ప్రారంభించింది. అయితే ఇది కేవలం కొత్త ప్లాట్‌ఫామ్ లాంచ్ మాత్రమే కాదు.. ట్విట్టర్ పేరుపై కొనసాగుతున్న ట్రేడ్‌మార్క్ వివాదం కారణంగా కూడా ఆసక్తికరంగా మారింది.
Twitter.nowను పాత ట్విట్టర్ అనుభూతిని గుర్తు చేసేలా రూపొందిస్తున్నారు. దీనిలో పోస్టులు, రిప్లైలు, రీపోస్టులు వంటి ఫీచర్లు ఉన్నాయి. ఆన్‌లైన్‌లో ప్రజలు తమ అభిప్రాయాలను స్వేచ్ఛగా పంచుకునే ఒక పబ్లిక్ స్క్వేర్‌గా దీన్ని అభివృద్ధి చేయాలని కంపెనీ భావిస్తోంది.
ఎలాన్ మస్క్ 2022లో ట్విట్టర్‌ను కొనుగోలు చేసిన తర్వాత, 2023లో కంపెనీని Xగా రీబ్రాండ్ చేశారు. పాత బర్డ్ లోగోతో పాటు ట్విట్టర్ పేరును కూడా క్రమంగా తొలగించారు. ఈ పరిణామాల కారణంగా పాత ట్రేడ్‌మార్క్ హక్కులు కొన్ని వదులుకున్నట్లుగా పరిగణించవచ్చని ఆపరేషన్ బ్లూబర్డ్ వాదిస్తోంది.
2026 ఏప్రిల్‌లో డెలావేర్‌లో జరిగిన విచారణ సందర్భంగా X కొన్ని పాత హక్కులను వదులుకుందా అనే అంశంపై న్యాయమూర్తి ప్రశ్నలు లేవనెత్తినట్లు నివేదికలు వచ్చాయి. అయితే ఇది ఆపరేషన్ బ్లూబర్డ్‌కు అనుకూలంగా వచ్చిన తుది తీర్పు కాదు. ట్రేడ్‌మార్క్ హక్కులపై అసలు నిర్ణయం ఇంకా రావాల్సి ఉంది.
Twitter.now ఇప్పుడు సోషల్ మీడియా మార్కెట్‌లోకి అడుగుపెట్టడంతో పాటు.. ప్రపంచవ్యాప్తంగా గుర్తింపు పొందిన ఒక పేరును ఉపయోగిస్తోంది. కమ్యూనిటీ, క్రియేటర్లు, రియల్‌టైమ్ సమాచారం, యూజర్ నమ్మకంపై దృష్టి పెడతామని కంపెనీ చెబుతోంది. అయితే చివరికి ట్విట్టర్ పేరును ఎవరు చట్టబద్ధంగా ఉపయోగించగలరనేది కోర్టు నిర్ణయంపైనే ఆధారపడి ఉంటుంది.
Share
నేపాల్కు కూతవేటు దూరంలో.. చైనా సిచువాన్ ప్రావిన్స్లో భూకంపం, తీవ్రత 5 కు పైగానే
ఓటీటీ స్ట్రీమింగ్ కి వచ్చేసిన డైరెక్టర్ కేకే ఆఖరి మూవీ.. ఎక్కడ చూడొచ్చంటే?
