Vivo Price Hike: స్మార్ట్‌ఫోన్ ప్రియులకు వివో షాకిచ్చింది. ఇండియాలో తమ పాపులర్ ఫోన్ల ధరలను వివో సైలెంట్‌గా పెంచేసింది. Vivo V70, V70 Elite, Y400, Y21 మోడళ్లపై ఏకంగా రూ.4వేల వరకు ధరలు పెరిగాయి. పెరిగిన కొత్త ధరలు ఇప్పటికే కంపెనీ అధికారిక వెబ్‌సైట్‌లో కనిపిస్తున్నాయి. ధరల పెంపుపై కంపెనీ ఎలాంటి ప్రకటనా చేయనప్పటికీ.. గ్లోబల్ మార్కెట్‌లో చిప్‌ల కొరతే దీనికి ప్రధాన కారణమని తెలుస్తోంది.
ఈ సారి ధరల భారం ఎక్కువగా V సిరీస్ ఫోన్లపైనే పడింది. Vivo V70 Elite (8GB+256GB) వేరియంట్ ధర రూ.54,999 నుండి రూ.58,999కి చేరగా, 12GB వేరియంట్ ధర రూ.63,999కి పెరిగింది. అలాగే సాధారణ V70 మోడల్‌పై రూ.3వేల నుండి రూ.4వేల వరకు పెరిగింది. బడ్జెట్ రేంజ్ ఫోన్లయిన Vivo Y400 పై రూ.3వేలు, Vivo Y21పై రూ.వెయ్యి చొప్పున ధరలు పెరిగాయి.
ఈ ధరల పెంపునకు అసలు కారణం మెమొరీ చిప్‌ల కొరత. ప్రస్తుతం ఆర్టిఫిషియల్ ఇంటెలిజెన్స్ (AI) డేటా సెంటర్లకు డిమాండ్ పెరగడంతో, చిప్ తయారీ సంస్థలు తమ దృష్టిని అటువైపు మళ్లించాయి. దీంతో స్మార్ట్‌ఫోన్లకు వాడే డ్రామ్ (DRAM), నాండ్ (NAND) చిప్‌ల ధరలు విపరీతంగా పెరిగిపోయాయి. ఫలితంగా ఫోన్ల తయారీ ఖర్చు ఎక్కువై, కంపెనీలు ధరలు పెంచక తప్పడం లేదు.
Also Read: టైప్ చేసే పనిలేదు.. Google Gemini 3.5తో మాట్లాడితే చాలు, క్షణాల్లో 70 భాషల్లోకి అనువాదం!
ఈ ఏడాది కేవలం వివో మాత్రమే కాదు.. దాదాపు ఎనిమిదికి పైగా మొబైల్ బ్రాండ్లు తమ ఫోన్ల ధరలను పెంచాయి. నిరంతరం పెరుగుతున్న ఈ ధరల వల్ల మార్కెట్‌పై తీవ్ర ప్రభావం పడుతోంది. ధరలు భారీగా పెరుగుతుండటంతో కస్టమర్లు కొత్త ఫోన్లు కొనడానికి అంతగా ఆసక్తి చూపించడం లేదు. దీంతో దేశీయంగా స్మార్ట్‌ఫోన్ అమ్మకాలు దాదాపు 9 శాతం మేర పడిపోయాయని మార్కెట్ నిపుణులు చెబుతున్నారు.
ధరలు రోజురోజుకూ పెరుగుతున్న ఇలాంటి సమయంలో, కొత్త ఫోన్ కొనాలనుకునే వారు ఆలస్యం చేయకపోవడమే మంచిది. ఎందుకంటే రాబోయే రోజుల్లో ధరలు ఇంకా పెరిగే అవకాశాలు ఉన్నాయి. ఫోన్ కొనేటప్పుడు బ్యాంక్ ఆఫర్లు, ఎక్స్ఛేంజ్ డిస్కౌంట్లు లేదా పండుగ ఆఫర్లను ఉపయోగించుకోవడం ద్వారా కొంతవరకు డబ్బు ఆదా చేసుకోవచ్చు.
Also Read: 50 గంటల బ్యాటరీ లైఫ్‌తో హువావే కొత్త ఇయర్‌బడ్స్.. ఫ్లిప్‌కార్ట్‌లో సేల్, రేటు ఎంతంటే?
Share
గోల్డెన్ చారియట్ కు సరికొత్త కొత్త హంగులు.. 2026-27 సీజన్ రెడీ!
భారత్ గౌరవ్ రైల్లో నేపాల్ టూర్.. IRCTC అదిరిపోయే ప్యాకేజీ!
