Bangladesh earthquake: బంగ్లాదేశ్ లో భూకంపం ( Bangladesh earthquake) కలకలం రేపింది. ఉన్నపలంగా ఇవాళ ఉదయం భూకంపం చోటు చేసుకుంది. ముఖ్యంగా ఢాకాలో ( Dhaka) ఈ భూకంపా తీవ్రత ఎక్కువగా నమోదు అయినట్లు చెబుతున్నారు. ప్రస్తుతం ఢాకాలోని షేర్ బంగ్లా నేషనల్ స్టేడియం ( Shere Bangla National Stadium, Dhaka) లో బంగ్లాదేశ్ వర్సెస్ ఐర్లాండ్ ( Bangladesh vs Ireland, 2nd Test ) మధ్య రెండో టెస్టు మూడవ రోజు కొనసాగుతున్న సంగతి తెలిసిందే. అయితే ఈ మ్యాచ్ జరుగుతున్న సమయంలోనే భూకంపం చోటు చేసుకుంది. దాదాపు 5.7 తీవ్రతతో భూకంపం వచ్చింది.
బంగ్లాదేశ్ వర్సెస్ ఐర్లాండ్ ( Bangladesh vs Ireland, 2nd Test ) మ్యాచ్ జరుగుతోన్న సమయంలో భూకంపం రావడంతో, మూడు నుంచి నాలుగు నిమిషాల పాటు ఏం జరిగిందో తెలియని పరిస్థితుల్లో ప్లేయర్లు ఉండిపోయారు. భూకంపం సంభవించిన వెంటనే మ్యాచ్ కూడా ఆపేశారు. అటు ప్రేక్షకులు కూడా భయంతో పరుగులు తీశారు. ఆటగాళ్లు, అంపైర్లు అందరూ పెవిలియన్ వైపు పరుగులు పెట్టారు. ఇక ఢాకా స్టేడియం దగ్గర ఉన్న మీడియా పాయింట్ కూడా ఖాళీ చేశారు. దాదాపు 15 నిమిషాల పాటు మ్యాచ్ ఆగిపోయినట్లు తెలుస్తోంది. ఇక పరిస్థితి చక్క బడిన తర్వాత తిరిగి మ్యాచ్ ప్రారంభమైంది. అదే సమయంలో కోల్కత్తా సహా వెస్ట్ బెంగాల్లో కూడా భూకంపం సంభవించింది.
బంగ్లాదేశ్ లో 5.7 తీవ్రతతో భూకంపం సంభవించిన నేపథ్యంలో భారీ ఆస్తి నష్టం తో పాటు ప్రాణ నష్టం కూడా జరిగింది. ఢాకా నుంచి తూర్పు ఆగ్నేయంగా 10 కిలో మీటర్ల దూరంలో భూకంప కేంద్రం ఉందని ఆ దేశం నేషనల్ సెంటర్ ఫర్ సిస్మోలజీ వెల్లడించింది. ఇక ఈ ప్రమాదంలో ఢాకాకు చెందిన ఆరు మంది అమాయకులు మరణించారు. మరో 65 మందికి తీవ్ర గాయాలు అయినట్లు అధికారులు వెల్లడించారు. ఓ బిల్డింగ్ కూడా కుప్పకూలినట్లు తెలుస్తోంది.
బంగ్లాదేశ్ వర్సెస్ ఐర్లాండ్ మధ్య ఆ ప్రస్తుతం రెండో టెస్టు కొనసాగుతోంది. ఈ టెస్ట్ మ్యాచ్ లో మొదట బ్యాటింగ్ చేసిన బంగ్లాదేశ్ ఫస్ట్ ఇన్నింగ్స్ లో ఏకంగా 476 పరుగులు చేసింది. ఆ తర్వాత మొదటి ఇన్నింగ్స్ ఆడిన ఐర్లాండ్ 265 పరుగులకు కుప్పకూలింది. ఈ నేపథ్యంలోనే ఇప్పుడు బంగ్లాదేశ్ రెండవ ఇన్నింగ్స్ ప్రారంభించింది. ఈ మ్యాచ్ లో ఇప్పటికే మూడు రోజులు పూర్తయింది. ప్రస్తుతం బంగ్లాదేశ్ 20 ఓవర్లు ఆడి 77 పరుగులు రెండు ఇన్నింగ్స్ లో సాధించింది. అంటే ఓవరాల్ గా 288 పరుగుల లీడ్ సంపాదించింది బంగ్లాదేశ్.
🎥 Scary moment in Mirpur!
The 2nd Test between Bangladesh 🇧🇩 vs Ireland 🇮🇪 was halted after a 5.2 magnitude earthquake struck at 10:38 AM local time.#BANvIRE #Cricket #Earthquake #Bangladesh pic.twitter.com/Xemt8RxBta
— Shadman Sakib Arnob (@arnuX05) November 21, 2025
Share
Earthquake: బంగ్లాదేశ్లో భూకంపం.. ఆరుగురు మృతి, కోల్కతాలోనూ ప్రకంపనలు
Type 2 Diabetes: టైప్- 2 డయాబెటిస్.. ఈ లక్షణాలు అస్సలు నిర్లక్ష్యం చేయొద్దు !
