Silver Medalist Zhou Yaqin serving customers in Restaurant days after Paris olympics: ఒలింపిక్స్ లో రజత పతకం సాధించడం అంటే మాటలు కాదు, కోట్ల రూపాయలు వచ్చి పడతాయని అనుకుంటారు. అయితే చాలా మార్కెటింగ్ కంపెనీలు పోటీ పడి మరి, విజేతలను తమ వ్యాపార ప్రకటనలకు ఉపయోగిస్తుంటారు. మరి అలాంటిది రజతం సాధించిన ఓ జిమ్నాస్ట్.. ఒక రెస్టారెంట్ లో పనిచేస్తూ కనిపించింది. ఈ వీడియో ఇప్పుడు నెట్టింట వైరల్ గా మారింది. దీంతో అసలేం జరిగిందని నెటిజన్లు గందరగోళం పడుతుంటే, మొత్తానికి అసలు విషయం బయటపడింది.
ఇంతకీ ఆ రజత పతక విజేత మరెవరో కాదు చైనాకు చెందిన యాకిన్. తను హునాన్ ప్రావిన్స్ లోని హెన్ గ్యాంగ్ నగరంలో నివసిస్తోంది. అయితే అక్కడ వారికి సొంతంగా ఒక రెస్టారెంట్ ఉంది. ఇప్పుడు యాకిన్ ఒలింపిక్స్ లో పతకం సాధించిన తర్వాత సరాసరి ఇంటికి వెళ్లి, అమ్మానాన్నలు నిర్వహించే రెస్టారెంట్ లో వారికి సహాయ పడుతోంది.
18 ఏళ్ల యాకిన్ తొలిసారిగా పారిస్ ఒలింపిక్స్ లో ఆరంగేట్రం చేసింది. తొలి పోటీల్లోనే రజత పతకం సాధించి ఔరా అనిపించింది. అయితే పతకం గెలిచిన తర్వాత ఇక్కడ ఓ ట్విస్ట్ జరిగింది. అదేమిటంటే యాకిన్ కి ఇదే అంతర్జాతీయ తొలి పతకం. ఫస్ట్, సెకండ్, థర్డ్ వచ్చిన అందరూ కూడా పోడియం వద్ద నిలుచుని ఉన్నారు.
అయితే ఫస్ట్, థర్డ్ వచ్చిన వారిద్దరూ తమ పతకాలను నోటితో కొరికి పట్టుకున్నారు. యాకిన్ వారి పక్కనే ఉండి, వారిని చూసి, గతుక్కుమంది. వారిలాగే నేను కూడా అలా నోటితో పట్టు కోవాలేమోనని భావించి, సడన్ గా నోటి దగ్గర పెట్టుకుని ముద్దు పెట్టుకుంది. అలా చేసి తనంతట తానే సిగ్గుపడి పోడియం దిగి వెళ్లిపోయింది.
Share
CM Revanth Reddy counter: తెలంగాణ.. విగ్రహ రాజకీయాలకు సీఎం రేవంత్ చెక్
Darius Visser: యూవీ వరల్డ్ రికార్డు బద్దలు.. ఒకే ఓవర్‌లో 39 రన్స్ బాదిన విస్సెర్
