CSK vs LSG : వర్షం కారణంగా చెన్నై, లక్నో మధ్య మ్యాచ్ రద్దైంది. దీంతో ఇరు జట్లకు చెరో పాయింట్ ఇచ్చారు. 19.2 ఓవర్లలో లక్నో టీమ్‌ 7 వికెట్ల నష్టానికి కేవలం 125 పరుగులు మాత్రమే చేయగలిగింది. అదే సమయంలో వర్షం పడటంతో ఆట నిలిచిపోయింది. 40 నిమిషాలకుపైగా మ్యాచ్‌కు అంతరాయం కలగడంతో.. లక్ష్యాన్ని 19 ఓవర్లలో 127 పరుగులుగా నిర్ధారించారు.
ముందుగా టాస్‌ గెలిచిన చెన్నై సూపర్‌ కింగ్స్‌ కెప్టెన్‌ ఎంఎస్‌ ధోనీ.. పిచ్‌పై తేమ అధికంగా ఉండడంతో లక్నో సూపర్‌ జెయింట్స్‌ జట్టును బ్యాటింగ్‌కు పిలిచాడు. బ్యాటింగ్‌కు దిగిన లక్నోకు ఇన్నింగ్స్‌లో నాలుగో ఓవర్లోనే చెన్నై బౌలర్ మొయిన్ అలీ నుంచి గట్టి స్ట్రోక్ ఎదురైంది. ఓపెనర్‌ కైల్‌ మేయర్స్‌‌ను 14 పరుగులకే ఔట్ చేశాడు. ఐదో ఓవర్లో మరో ఓపెనర్‌ మనన్‌ వోహ్రా, కెప్టెన్‌ కృనాల్‌ పాండ్యాలను చెన్నై బౌలర్ మహీశ్‌ తీక్షణ వరుస బంతుల్లో ఔట్ చేశాడు. అప్పటికి లక్నో స్కోర్ 6 ఓవర్లలో 3 వికెట్ల నష్టానికి 27 పరుగులు మాత్రమే. ఆ తర్వాత కూడా LSG వికెట్ల పతనం ఆగలేదు. ఏడో ఓవర్‌ ఐదో బంతికి రవీంద్ర జడేజా బౌలింగ్‌లో మార్కస్‌ స్టోయినిస్‌ ఔటయ్యాడు. 10వ ఓవర్లో కరన్‌ శర్మ.. మొయిన్ అలీకి రిటర్న్‌ క్యాచ్‌ ఇచ్చాడు. అప్పటికి లక్నో చేసిన స్కోరు 5 వికెట్ల నష్టానికి 44 పరుగులు. ఆ తర్వాత క్రీజులోకి వచ్చిన ఆయుష్‌ బదోనీ ధాటిగా ఆడాడు. 33 బంతుల్లో 59 పరుగులు చేసి జట్టుకు గౌరవప్రదమైన స్కోర్ అందించాడు. నికోలస్‌ పూరన్‌ 20 పరుగులు చేశాడు.
చెన్నై సూపర్‌ కింగ్స్‌ బౌలర్లలో మొయిన్ అలీ, మహీశ్‌ తీక్షణ, మతీశ పతిరన తలా రెండు వికెట్లు తీసుకున్నారు. రవీంద్ర జడేజాకు ఒక వికెట్‌ దక్కింది.
Share
Russia: పుతిన్ హత్యకు డ్రోన్లు.. గాల్లోనే పేల్చేసిన రష్యా.. ఉక్రెయిన్కు 'వార్'నింగ్...
Kedarnath: కేదార్నాథ్లో భారీ హిమపాతం.. గుర్రాలపై భక్తులు.. యాత్రకు బ్రేకులు..
