Danish Kaneria: టి20 ప్రపంచ కప్ 2026 టోర్నమెంట్ ( T20 world Cup 2026 ) ఈ వారం చివరలో ప్రారంభం కానున్న సంగతి తెలిసిందే. ఫిబ్రవరి 7, శనివారం రోజున ఈ మెగా టోర్నమెంట్ ప్రారంభమవుతుంది. ఫిబ్రవరి 7వ తేదీన ప్రారంభం కానున్న టి20 ప్రపంచ కప్ 2026 టోర్నమెంట్ మార్చి 8వ తేదీ వరకు అంటే దాదాపు నెల రోజుల పాటు నిర్వహిస్తారు. ఇండియాతో పాటు శ్రీలంక వేదికగా ఈ టోర్నమెంట్ కు సంబంధించిన మ్యాచ్ లు జరగనున్నాయి. ఇలాంటి నేపథ్యంలో ఇండియాతో జరిగే మ్యాచ్ ను బహిష్కరిస్తూ సంచలన ప్రకటన చేసింది శత్రు దేశం పాకిస్తాన్. అయితే దీనిపై పాకిస్తాన్ మాజీ క్రికెటర్ డానిష్ కనేరియా ( Danish Kaneria ) స్పందించడం జరిగింది. ఉన్నఫలంగా ఇండియాతో జరిగే మ్యాచ్ ను బాయ్ కాట్ చేస్తే, పాకిస్తాన్ ప్లేయర్లు భయపడ్డారనే సంకేతం బయటకు పోతుందని వ్యాఖ్యానించారు డానిష్ కనేరియా. దీంతో డానిష్ కనేరియా చేసిన వ్యాఖ్యలు దుమారం రేపుతున్నాయి.
టి20 ప్రపంచ కప్ 2026 టోర్నమెంటులో భాగంగా ఇండియా వర్సెస్ పాకిస్తాన్ మధ్య మ్యాచ్ జరగనున్న సంగతి తెలిసిందే. ముందుగా షెడ్యూల్ ప్రకటించిన దాని ప్రకారం ఫిబ్రవరి 15వ తేదీన ఈ రెండు జట్ల మధ్య మ్యాచ్ జరగాల్సి ఉంది. అయితే నిన్నటి రోజున పాకిస్తాన్ కీలక ప్రకటన చేసింది. కొలంబో వేదికగా ఇండియాతో జరిగే మ్యాచ్ లో తమ జట్టు పాల్గొనడం లేదని వెల్లడించి, అందరికీ షాక్ ఇచ్చింది పాకిస్తాన్.
అయితే పాకిస్తాన్ తీసుకున్న ఈ నిర్ణయం పట్ల సొంత దేశపు మాజీ క్రికెటర్లు కూడా భిన్నంగా స్పందిస్తున్నారు. పాకిస్తాన్ తీసుకున్న నిర్ణయాన్ని తప్పుపడుతున్నారు. తాజాగా డానిష్ కనేరియా కూడా ఈ అంశంపై స్పందించారు. పాకిస్తాన్ జట్టుకు నిద్రలో కూడా ఇండియన్ భయంకరమైన బ్యాటింగ్ వణుకు పుడుతోందని సంచలన వ్యాఖ్యలు చేశారు డానిష్ కనేరియా. షెడ్యూల్ ఫైనల్ అయిన తర్వాత ఇప్పుడు బహిష్కరిస్తున్నట్లు పాకిస్తాన్ ప్రకటిస్తే… ఇండియా అంటే భయపడి పోయినట్లు బయటకు సంకేతం వెళ్తుందని చురకలు అంటించారు.
టి20 ప్రపంచ కప్ 2026 షెడ్యూల్ ప్రకారం నిర్వహించాల్సిన మొదటి మ్యాచ్ ను పాకిస్తాన్ బహిష్కరించింది… ఇందులో ప్రాబ్లం లేదు.. మరి ఇండియాతో ఫైనల్ జరిగితే ? అప్పుడు ఏం చేస్తారు అంటూ పాకిస్తాన్ క్రికెట్ బోర్డును నిలదీశారు కనేరియా. ఫైనల్ మ్యాచ్ పడితే పారిపోతారా ? లేక నిలబడతారా ? అంటూ ఓ రేంజ్ లో రెచ్చిపోయారు. క్రికెట్ ద్వారా దేశాల మధ్య సంబంధాలు మెరుగుపడతాయి… కానీ ఇండియాతో ఆడక పోవడం చాలా బాధాకరం అంటూ వ్యాఖ్యానించారు.
Watch: On Pakistan refusing to play the T20 World Cup match against India, Former Pakistan spinner Danish Kaneria says, "…People will feel Pakistan are scared of facing India, which is why they are refusing to play. In recent years, Pakistan have lost to India several times,… pic.twitter.com/NqjlQn7pUL
— IANS (@ians_india) February 2, 2026
Share
Manasa Varanasi: మిస్ ఇండియాకు ఈ హీరో హిట్టిస్తాడా?
Sankranthi 2027: ఈసారి సంక్రాంతి బరిలో చిరు, బాలయ్య, వెంకీ.. ఇది కదా పోటీ అంటే!
