Srilanka Cricket Board : శ్రీలంక ప్రపంచ కప్ ప్రదర్శన చూసి ఆ దేశ క్రీడా శాఖ మంత్రి రోషన్ రణసింఘే శ్రీలంక క్రికెట్ బోర్డును తొలగించారు. క్రీడా శాఖ మంత్రి రోషన్ రణసింఘే శ్రీలంక క్రికెట్‌ను తీవ్రంగా విమర్శించారు. శ్రీలంక క్రికెట్ బోర్డు చేసింది నమ్మకద్రోహం అని ఆరోపించారు. శ్రీలంక క్రికెట్ బోర్డు అవినీతితో కలుషితమైందని ఆయన ఆరోపించారు. వెంటనే బోర్డు సభ్యులు రాజీనామా చేయాలని కోరారు.ఆటగాళ్ల క్రమశిక్షణా సమస్యలు, మేనేజ్‌మెంట్ అవినీతి, మ్యాక్స్ ఫిక్సింగ్ ఆరోపణలపై ఫిర్యాదులతో శ్రీలంక క్రికెట్ కూరుకుపోయిందని అయన అన్నారు. దీని తరువాత, శ్రీలంక క్రికెట్ కార్యదర్శి, సంస్థలో రెండవ అత్యున్నత పదవిలో ఉన్న మోహన్ డి సిల్వా శనివారం రాజీనామా చేశారు. శ్రీలంక ప్రదర్శన చూసి అభిమానులు బోర్డు ప్రధాన కార్యాలయం వెలుపల నిరసన వ్యక్తం చేసారు.
ఇండియాపై గత మ్యాచ్ లో 302 పరుగుల తేడాతో పరాజయం పాలవడం ఆ దేశ ప్రజలు.. క్రీడాభిమానులు జీర్ణించుకోలేకపోతున్నారు. ఈ విషయంపై శ్రీలంక ప్రభుత్వం తీవ్రంగా స్పందించింది.
1996లో శ్రీలంక క్రికెట్ జట్టుకు ఏకైక ప్రపంచకప్ టైటిల్‌ను అందించిన అర్జున రణతుంగను బోర్డు తాత్కాలిక ఛైర్మన్‌గా నియమించినట్లు రణసింగ్ తెలిపారు. కొత్తగా ఏర్పాటైన ఏడుగురు సభ్యుల కమిటీలో సుప్రీంకోర్టు రిటైర్డ్ న్యాయమూర్తి, మాజీ బోర్డు అధ్యక్షుడు కూడా ఉన్నారు.
ప్రపంచ కప్ లో ఇప్పటివరకు ఏడు మ్యాచ్‌లు ఆడిన శ్రీలంక నాలుగు పాయింట్లు సాధించి పట్టికలో ఏడో స్థానంలో కొనసాగుతోంది. వారి రికార్డులో రెండు విజయాలు, ఐదు పరాజయాలు ఉన్నాయి. శ్రీలంక గౌరవనీయమైన నాల్గవ స్థానం సంపాదించాలంటే, వారు తమ మిగిలిన రెండు మ్యాచ్‌లను గెలవడమే కాకుండా, ఇతర గేమ్‌ల నుండి అనుకూల ఫలితాలు కూడా అవసరం. అయితే, ఈ సందర్భంలో ఈ దృష్టాంతాన్ని సాధించడం చాలా అసంభవంగా కనిపిస్తుంది.
Share
Indian Actress : హాలీవుడ్‌‌నూ మెప్పించిన మన తారలు
Kamareddy : బిగ్ టీవీ సర్వే.. పందెం కోళ్లు-2.. కామారెడ్డి కొదమసింహం ఎవరు?
