IND Vs AUS : ఇండోర్ టెస్టు ఆసక్తికరంగా మారింది. తొలి ఇన్నింగ్స్ లో ఆస్ట్రేలియా 197 పరుగులకు ఆలౌట్ అయ్యింది. దీంతో ఆ జట్టుకు తొలి ఇన్నింగ్స్ లో 88 పరుగుల ఆధిక్యం లభించింది. ఓవర్ నైట్ స్కోర్ 156/4 తో రెండో రోజు ఆట ప్రారంభించిన ఆసీస్ ను అశ్విన్ , ఉమేష్ కుప్పకూల్చారు. రెండో రోజు 41 పరుగులు మాత్రమే జోడించి ఆస్ట్రేలియా ఆలౌట్ అయ్యింది.
ఒకదశలో ఆస్ట్రేలియా స్కోర్ 186/4 . కానీ అదే స్కోర్ వద్ద పీటర్ హ్యాండ్ కాంబ్ ను అవుట్ చేసి అశ్విన్ భారత్ కు బ్రేక్ త్రూ అందించాడు. ఆ తర్వాత ఉమేష్ కామోరున్ గ్రీన్, మిచెల్ స్టార్క్ ను పెవిలియన్ కు పంపాడు. అలెక్స్ క్యారీ అశ్విన్ కు వికెట్ల ముందు దొరికిపోయాడు. ఇలా 6 పరుగుల తేడాలో మూడు వికెట్లు పడ్డాయి. ఆ తర్వాత చివరి 3 వికెట్లను 1 పరుగు తేడాతో ఆసీస్ కోల్పోయింది. తొలిరోజు ఆసీస్ టాప్ ఆర్డర్ లో నాలుగు వికెట్లు జడేజా కూలిస్తే ..రెండోరోజు అశ్విన్ , ఉమేష్ యాదవ్ ఆసీస్ బ్యాటర్ల భరతం పట్టారు. దీంతో ఆస్ట్రేలియా 11 పరుగుల వ్యవధిలో చివరి 6 వికెట్లు కోల్పోయింది.
ఆస్ట్రేలియా బ్యాటర్లలో ఉస్మాన్ ఖవాజా 60 పరుగులతో రాణించాడు. లబుషేన్ (31), స్టివ్ స్మిత్ (26), హ్యాండ్ కాంబ్ (19), గ్రీన్ (21) కాసేపు క్రీజులో నిలబడినా భారీ స్కోర్లు సాధించలేకపోయారు.
IND Vs AUS : కుప్పకూలిన భారత్.. ఆసీస్ స్పిన్నర్ల దాటికి విలవిల..
Husband : 13 ఏళ్లు ఇంట్లోనే భార్య బందీ.. ఓ భర్త ఉన్మాద చర్య..
Share
NOKIA: రూపురేఖలు మార్చిన నోకియా.. కొత్త వ్యూహంతో..
METAL : మెటల్‌ను తయారు చేయడానికి సులువైన మార్గం..
