ల్యాండ్ లైన్ నుండి మొబైల్ ఫోన్‌కు షిఫ్ట్ అవుతున్న కాలం అది..! కొత్త ఫోన్‌ను కొనాలనుకున్నవారు షాప్‌లోకి వెళ్లి మోడల్ పేరు చెప్పాల్సిన పని లేదు. షాప్‌లోకి వెళ్లి మొబైల్ ఫోన్ గురించి అడిగిన వెంటనే ఒక ఫోన్‌ను ముందు పెట్టేవారు. అదే నోకియా. ఆ తర్వాత చాలాకాలం పాటు నోకియాకు పోటీగా ఏ మొబైల్ ఫోన్ మార్కెట్లోకి రాలేదు. అలాంటి నోకియా ఇప్పుడు తన రూపురేఖలను మార్చేసుకుంది. కొత్త రూపంలో అందరికీ అందుబాటులోకి రానుంది.
ముందుతరం వారిలో చాలామంది మొదటిగా ఉపయోగించిన మొబైల్ ఫోన్ నోకియా(NOKIA). అప్పట్లో ఈ ఫోన్ క్రేజ్‌కు హద్దులు లేవు. ఇందులో వచ్చే గేమ్స్ దగ్గర నుండి రింగ్‌టోన్స్ వరకు.. అన్ని ఫీచర్స్ ఇప్పటికీ చాలామందికి గుర్తున్నాయంటే నోకియా క్రియేట్ చేసిన ఇంపాక్ట్ అలాంటిది. కానీ మెల్లగా మార్కెట్లో మొబైల్ ఫోన్లకు పోటీ పెరిగిపోయింది. సరికొత్త డిజైన్లతో, కొత్త కొత్త మోడల్స్‌తో ఫోన్లు అందుబాటులోకి వచ్చాయి. ఆపై స్మార్ట్ ఫోన్స్ కూడా మార్కెట్లో హల్‌చల్ చేశాయి.
స్మార్ట్ ఫోన్స్‌కు వస్తున్న క్రేజ్‌ను గమనించిన నోకియా.. తాను కూడా కొన్ని స్మార్ట్ ఫోన్లను మార్కెట్లోకి విడుదల చేసిందిజ. కానీ ఇతర కంపెనీల పోటీకి తట్టుకోలేక ఎక్కువకాలం నిలబడలేకపోయింది. కొన్నాళ్లు నోకియా పేరు టెక్ ప్రపంచంలో వినిపించలేదు. ఇప్పుడు ఇన్నాళ్ల తర్వాత నోకియా.. అప్డేటెడ్ వర్షన్‌తో అందరికీ షాకిస్తోంది. 60 ఏళ్ల కాలంలో నోకియా తన లోగోను మార్చడం ఇదే మొదటిసారి. అంతే కాకుండా ఈరోజుల్లో మార్కెట్లో పోటీపడేలాగా కొత్త కొత్త వ్యూహాలతో నోకియా సిద్ధమయినట్టుగా తెలుస్తోంది.
నోకియా కొత్త లోగో చాలా కలర్‌ఫుల్‌గా కనిపిస్తోంది. ఒకప్పుడు ఇందులో కేవలం బ్లూ కలర్ మాత్రమే ఉండేది. కానీ అప్పటిలాగా ఇప్పుడు నోకియా కేవలం ఒక స్మార్ట్‌ఫోన్ కంపెనీ మాత్రమే కాదు.. ఒక బిజినెస్ టెక్నాలజీ కంపెనీ కూడా. యూజర్లకు మళ్లీ దగ్గరవ్వడానికి రీసెట్, యాక్సిలరేట్, స్కేల్ అనే వ్యూహంతో నోకియా సిద్ధమయ్యింది. తన టెలికాం బిజినెస్‌ను మెరుగుపరచడంతో పాటు పరికాలను ఇతర సంస్థలకు అమ్మే బిజినెస్‌లో కూడా నోకియా అడుగుపెట్టింది. 5జీ సర్వీసుల విషయంలో కూడా పెద్ద సంస్థలతో పోటీపడడానికి నోకియా సిద్ధమయినట్టుగా తెలుస్తోంది.
Share
Lithium-air batteries : లిథియం-ఎయిర్ బ్యాటరీ.. 4 రెట్లు మెరుగైన పనితీరు..
IND Vs AUS : రసపట్టులో ఇండోర్ టెస్టు.. ఆసీస్ ఆలౌట్. ఇక భారత్ బ్యాటర్లపైనే భారం..
