MS Dhoni : మహేంద్ర సింగ్ ధోనీ చాలా క్రమశిక్షణ కలిగిన ఆటగాడిగా అందరికీ సుపరిచితం. ఎప్పుడూ తను డ్రింక్స్ చేయడం, మిగిలిన క్రికెటర్లలా ఆ తరహా పార్టీలకు వెళ్లడం కనిపించదు. అంతేకాదు బయట కూడా ఎప్పుడూ హుందాగానే కనిపిస్తాడు. నలుగురికి ఆదర్శంగా ఉండాలని అనుకుంటాడు. ఒక హెయిర్ స్టయిల్ విషయంలో తప్ప, మరెందులోనూ ధోనీ తప్పు పట్టడానికి లేదు.
కానీ సడన్ గా హుక్కా పీలుస్తూ ఫొటోల్లో కనిపించే సరికి, నెట్టింట పెద్ద చర్చ మొదలైంది. ఏమిటి? ఎప్పుడూ లేనిది ధోనీ హుక్కా పీల్చడం ఏమిటని అంతా ఆరా తీయడం మొదలు పెట్టారు. తీరా చూస్తే తను రిషబ్ పంత్ సోదరి సాక్షి పంత్ వివాహానికి హాజరయ్యాడు. అప్పుడు కూడా సూట్ తోనే ఉన్నాడు.అందుకే అక్కడే బహుశా హుక్కా పీల్చి ఉంటారని మరికొందరు అంటున్నారు.
మరికొందరు అనేది ఏమిటంటే, తను యాడ్ ఫిల్మ్ షూటింగ్ లో పాల్గొన్నాడు. అందులో భాగంగానే హుక్కా పీల్చాడని మరికొందరు వ్యాఖ్యానిస్తున్నారు. అయినా పెళ్లిలో పదిమంది చూస్తుండగా ఇలా ఎవరైనా హుక్కా పీల్చుతారా? అని కొందరు వ్యాక్యానిస్తున్నారు. అది సింథటిక్ స్మోక్ అని కొందరు అంటున్నారు. వివరాలు తెలీకుండా మాట్లాడకూడదని కొందరు కామెంట్లు చేస్తున్నారు.
ఇటీవల ఎంసీ స్టాన్‌తో కలిసి ధోనీ యాడ్ షూటింగ్‌లో పాల్గొన్న విషయం తెలిసిందే. అప్పుడేమైనా అంటించాడా?అని కొందరు అంటున్నారు. ఎందుకంటే ఇప్పుడు ధోనీ హుక్కా పీల్చే ఫొటోల్లో వేసుకున్న సూట్, యాడ్ లో కూడా వేసుకున్నాడు. బహుశా అప్పుడే ఇది జరిగిందని అంటున్నారు.
చెన్నై సూపర్ కింగ్స్ తరఫున ఆడిన మాజీ ప్లేయర్ జార్జ్ బెయిలీ చేసిన వ్యాఖ్యలు తెరమీదకి వస్తున్నాయి. ”ధోనీకి హుక్కా తాగడం ఇష్టం. తన రూమ్‌లో ఇది కనిపించేదని చెప్పిన మాటలు గుర్తు చేస్తున్నారు. ఎవరైనా వస్తుంటే, తను వాటిని తీసి దాచేయాలని ఎప్పుడూ ప్రయత్నించలేదని బెయిలీ తెలిపాడు.
ధోనికి అత్యంత సన్నిహితంగా ఉన్నవారికి ఈ సంగతి తెలుసునని తెలిపాడు. ఒకవేళ కాల్చితే కాల్చాడు, పీల్చితే పీల్చాడు.. తప్పేంటి? అని కొందరంటున్నారు. సడన్ గా ఇలా కనిపించేసరికి షాక్ అయ్యామని మరికొందరు వ్యాక్యానిస్తున్నారు.
Share
Civet Coffee : పిల్లి మలంతో కాఫీ.. ప్రపంచంలోనే అత్యంత ఖరీదు.. ఎలా తయారు చేస్తారంటే?
KTR : లోక్ సభ ఎన్నికల బరిలో కేటీఆర్.. ఆ స్థానం నుంచి పోటీ..
