Rahul Dravid Set to RR coach(Latest sports news telugu): టీమిండియా మాజీ కోచ్ రాహుల్‌ద్రావిడ్ సెకండ్ ఇన్నింగ్స్ మొదలు పెట్టనున్నాడా? ఐపీఎల్‌లో రీఎంట్రీ ఇచ్చేందుకు సిద్ధమవుతున్నాడా? రాజస్థాన్ రాయల్ టీమ్‌కి కోచ్‌గా రానున్నాడా? అవుననే సమాధానం వస్తోంది.
టీమిండియా మాజీ కోచ్ రాహుల్‌ద్రావిడ్ తన కెరీర్‌లో సెకండ్ ఇన్నింగ్స్ మొదలుపెట్టనున్నాడు. అంతా అనుకున్నట్లు జరిగితే వచ్చే ఏడాది ఐపీఎల్‌లో రాహుల్‌ద్రావిడ్ కోచ్ అవతారం ఎత్తే అవకాశం ఉంది. రాజస్థాన్ రాయల్ టీమ్ యాజమాన్యం ద్రావిడ్‌తో మంతనాలు జరిపినట్టు సమాచారం. తమ జట్టుకు హెడ్ కోచ్‌గా రావాలని కోరినట్టు తెలుస్తోంది. జట్టు యాజమాన్యం కోరిక మేరకు ద్రావిడ్ సుముఖంగా ఉన్నట్లు వార్తలు వస్తున్నాయి.
ద్రావిడ్‌కు రాజస్థాన్ జట్టుతో మంచి అనుబంధం ఉంది. గతంలో ఆ జట్టుకు 2012,2013 సీజన్లకు కెప్టెన్‌గా వ్యవహరించాడు. ఆ తర్వాత ఐపీఎల్ నుంచి తప్పుకున్నాడు. 2014-15 సీజన్లలో ఆ జట్టుకు మెంటార్‌గా పని చేశాడు కూడా. ఆ తర్వాత 2016-17 సీజన్లలో ఢిల్లీ క్యాపిటల్స్‌కు కోచ్‌గా వ్యవహరించాడు. అనంతరం 2019 నుంచి భారత అండర్-19 జట్టుకు కోచ్‌గా బాధ్యతలు చేపట్టాడు.
ALSO READ: శ్రీలంకలో టీమిండియా, నేటి నుంచి ప్రాక్టీసు.. ఆ తర్వాత రోహిత్, కోహ్లి..
ఇప్పుడు మరోసారి రాజస్థాన్‌కు జట్టుకు ద్రావిడ్ సేవలు అందించబోతున్నట్లు ఈ మేరకు జాతీయ మీడియా లో కథనాలు వస్తున్నాయి. ప్రస్తుతం రాజస్థాన్ రాయల్స్ జట్టుకు కుమార సంగక్కర కోచ్, మెంటార్‌గా వ్యవహరిస్తున్నాడు. ఇటీవల టీమిండియా కోచ్ పదవి నుంచి తప్పకున్న రాహుల్‌ద్రావిడ్, ప్రస్తుతం తాను నిరుద్యోగనని, ఏదైనా ఉద్యోగం కావాలని సరదాగా వ్యాఖ్యానించాడు. రాహుల్ నోటి నుంచి వచ్చిన మాటను తనకు అనుకూలంగా మలచుకుంది రాజస్థాన్ రాయల్ టీమ్ యాజమాన్యం.
Share
Madhya Pradesh: మధ్య ప్రదేశ్ విషాద ఘటన.. వరకట్న వేధింపులకు గర్భిణి బలి
Big Boss:బిగ్ బాస్ 3 ఓటీటీలో అశ్లీలం..శివసేన అగ్గిమీద గుగ్గిలం
