Pandya Gets Booed Again In Wankhede Rohit Comes For Support: ముంబై వాంఖేడి స్టేడియంలో జరిగిన మ్యాచ్ లో రకరకాల సంఘటనలు జరిగాయి. మ్యాచ్ ఓడిపోవడం పక్కన పెడితే హద్దులు దాటిన అభిమానంపై కూడా తీవ్ర విమర్శలు వినిపిస్తున్నాయి. ర్యాగింగ్ చేయవచ్చు కానీ, అది హద్దు దాటకూడదని అంటున్నారు. ఈ నేపథ్యంలో హార్దిక్ పాండ్యాపై ఒత్తిడి ఎంత ఉందో, అంతే ఒత్తిడి రోహిత్ శర్మపై కూడా ఉందని అంటున్నారు.
ఇంత జరుగుతున్నా సరే, రోహిత్ శర్మ తనకి సంబంధం లేదన్నట్టు ప్రవర్తిస్తున్నాడు. తనొక్క మాట చెబితే అభిమానులు కంట్రోల్ అవుతారు. కానీ తను ఆ మాట చెప్పడం లేదని నెట్టింట కామెంట్లు వినిపిస్తున్నాయి. తనెందుకు చెప్పాలని కొందరు సీరియస్ అవుతున్నారు. అంతటి సీనియర్ ని, జాతీయ జట్టుకి నాయకత్వం వహిస్తున్న కెప్టెన్ ని, ఐదుసార్లు ట్రోఫీని అందించిన నాయకుడిని ఇలాగేనా సాగనంపేదని సీరియస్ అవుతున్నారు.
హార్దిక్ ని తీసుకోవడం లో తప్పు లేదు, ఆ విషయం రోహిత్ శర్మతో చర్చించాలి. తనంగీకారంతోనే ముందుకు సాగాలి. సాఫ్ట్ వేర్ ఉద్యోగమా? సడన్ గా ఫైర్ అనడానికని అంటున్నారు. ఈ చర్చలు ఇలా సాగుతుండగా రాజస్తాన్ రాయల్స్ తో జరిగిన మ్యాచ్ లో రోహిత్ శర్మ లాంగ్ ఆన్ లో ఫీల్డింగ్ చేస్తున్నాడు.
Also Read: ‘భయపడ్డావా రోహిత్ భయ్యా’.. ఫ్యాన్ను చూసి ఉలిక్కిపడ్డ హిట్ మ్యాన్.. వీడియో వైరల్
గ్యాలరీ కి దగ్గరగా ఉన్న తనని చూసిన అభిమానులు మరింత రెచ్చిపోయారు. అప్పుడు రోహిత్ వారికి సైగలు చేస్తూ, కామ్ గా ఉండమని చెప్పడం విశేషం. దాంతో అభిమానులు శాంతించారు. అయితే టాస్ వేయడానికి పాండ్యా వెళ్లినప్పుడు అభిమానులు నిరసనలు వ్యక్తమవుతున్నా తను నవ్వుకుంటూ వెళ్లిపోయాడు.
ఈ గందరగోళంలో ఒక అభిమాని గేటు దాటుకుని రోహిత్ వద్దకు పరిగెత్తాడు. సడన్ గా తనని పట్టుకున్నాడు. మళ్లీ సెక్యూరిటీ సిబ్బంది వచ్చి అభిమానికి దేహశుద్ది చేసుకుంటూ తీసుకెళ్లారు.మరోవైపు నుంచి హార్దిక్ పాండ్యా వరుస ఓటములతో అతన్ని తప్పించాలనే డిమాండ్లు వినిపిస్తున్నాయి. మనోజ్ తివారీ ఇదే మాట చెప్పడంతో డిమాండ్లు మరింత ఊపందుకున్నాయి.
Share
AAP MP Sanjay Singh: మనీలాండరింగ్ కేసు.. ఆప్ ఎంపీ సంజయ్ సింగ్కు బెయిల్..
81% growth in Honda Sales: రికార్టుల మోత.. 48 లక్షల బైకులను సేల్స్ చేసిన హోండా..!
