IND VS PAK: ఆసియా కప్ రైజింగ్ స్టార్స్ 2026 టోర్నమెంట్ ( ACC Men’s Asia Cup Rising Stars 2026 ) నేపథ్యంలో టీమిండియా జూనియర్ జట్టును బీసీసీఐ ప్రకటించింది. ఈ జట్టుకు తెలుగోడు తిలక్ వర్మను ( Tilak Varma) కెప్టెన్ చేయగా, రజత్ పటిదార్ కు వైస్ కెప్టెన్సీ అందించారు. వికెట్ కీపర్లుగా కుమార్ కుశాగ్రా, ప్రభ్ సిమ్రన్ సింగ్ ను తీసుకున్నారు. అభిషేక్ శర్మ, షెహబాజ్ అహ్మద్, తనుష్ కోటియాన్, సూర్యాన్ష్ షెడ్గే, హర్ష్ దూబేలను ఆల్ రౌండర్లుగా తీసుకున్నారు. అటు బౌలర్లుగా హర్షిత్ రాణా, అర్షద్ ఖాన్, ప్రిన్స్ యాదవ్, విప్రాజ్ నిగమ్ లను తీసుకుంది బీసీసీఐ. ఈ మేరకు బీసీసీఐ 15 మంది సభ్యుల పేర్లను రిలీజ్ చేసింది.
ఆసియా కప్ రైజింగ్ స్టార్స్ 2026 టోర్నమెంట్ నవంబర్ 19వ తేదీ నుంచి 29వ తేదీ వరకు అంటే దాదాపు 10 రోజుల పాటు కొనసాగనుంది. ముఖ్యంగా పాకిస్తాన్ వర్సెస్ టీమిండియా (IND VS PAK) మధ్య నవంబర్ 22వ తేదీన మ్యాచ్ జరుగనుంది. ఈ క్రమంలోనే వైభవ్ సూర్యవంశీ (Vaibhav Sooryavanshi) పేరు సోషల్ మీడియాలో మారుమోగుతోంది. జపాన్ వేదికగా జరిగిన ఆసియా క్రీడలు 2026 ఫైనల్స్ సందర్భంగా వైభవ్ సూర్యవంశీని సైమ్ అయూబ్ ( Saim Ayub) రెచ్చగొట్టాడు.
వికెట్ తీసిన ఆనందంలో జోల పాట పాడుతూ వైభవ్ ను ట్రోల్ చేశాడు. 15 ఏళ్ల బుడ్డోడా అంటూ హేళన చేశాడు. అయితే, ఆ పగను తీర్చుకునే సమయం వైభవ్ కు వచ్చిందని చర్చ మొదలైంది. నవంబర్ 22వ తేదీన జరిగే మ్యాచ్ లో పాక్ బౌలర్లను ఉతికారేయాలని, సెంచరీ చేసి రివేంజ్ తీర్చుకోవాలంటూ ఇండియన్ ఫ్యాన్స్ పోస్టులు పెడుతున్నారు. ఎక్కడైతే అవమానం జరిగిందో, అక్కడే నిలబడి ప్రత్యర్థికి చుక్కలు చూపించాలని వైభవ్‌కు సూచనలు ఇస్తున్నారు. ఈ క్రమంలో వైభవ్ పేరు మళ్లీ మారుమోగుతోంది.
నవంబర్ 19వ తేదీ నుంచి ప్రారంభం కానున్న ఆసియా కప్ రైజింగ్ స్టార్స్ 2026 టోర్నమెంట్ వన్డే ఫార్మాట్ లో జరుగనుంది. 2027 వన్డే వరల్డ్ కప్ దగ్డర పడుతున్న తరుణంలో 50 ఓవర్ల ఫార్మాట్ లో ఆసియా కప్ నిర్వహిస్తున్నారు. ఈ టోర్నమెంట్ కు సంబంధించిన మ్యాచ్ లు ఖతార్ లోని దోహా వేదికగా జరుగుతాయి. ఇండియాలో ఈ మ్యాచ్ లను సోనీ స్పోర్ట్స్ నెట్ వర్క్ , సోనీ లివ్ యాప్ లలో లైవ్ చూడవచ్చును.
Share
ఉద్యోగులకు కొత్త కంపెనీ బంపర్ ఆఫర్.. ఏ టైమ్లోనైనా పనిచేయండి, ఇష్టమొచ్చినప్పుడు సెలవులు
