1980s ఫోటో ట్రెండ్ వెనుక పెద్ద స్కామ్.. సైబర్ క్రైమ్ పోలీసులు స్ట్రాంగ్ వార్నింగ్!

80s Photo Trend: ప్రస్తుతం ఇంటర్నెట్‌ను షేక్‌ చేస్తోన్న 80s ట్రెండ్‌ తో అప్రమత్తంగా ఉండాలని హైదరాబాద్ సైబర్ క్రైమ్ పోలీసులు హెచ్చరించారు. ట్రెండింగ్ పేరుతో వచ్చే APK ఫైల్స్‌ను డౌన్‌లోడ్ చేయవద్దని సూచించారు. తెలియని యాప్స్ ఇన్ స్టాల్ చేస్తే ఫోన్ లోని ఫొటోలు, డేటా.. సైబర్ కేటుగాళ్ల చేతులోకి వెళ్లి దుర్వినియోగం అయ్యే ప్రమాదమని పేర్కొన్నారు. అటు వెబ్ సైట్లలోనూ వ్యక్తిగత ఫొటోలు అప్ లోడ్ చేసే విషయంలో జాగ్రత్తగా ఉండాలని హితవు పలికారు.

వ్యక్తిగత ఫొటోలు బయటకు వెళ్తే.. వాటిని మార్ఫింగ్ చేసి బెదిరింపులకు పాల్పడే అవకాశముందని సైబర్ పోలీసులు హెచ్చరించారు. దీనివల్ల మహిళలు మరింత ఎక్కువ సమస్యలు ఎదుర్కోవచ్చని పేర్కొన్నారు. ఏఐ టూల్స్‌తో ఫోటోలను మార్ఫింగ్ చేసి నకిలీ ఫోటోలు, వీడియోలు సృష్టించే ప్రమాదం ఉందన్నారు. మరోవైపు ఇతరుల ఫోటోలను వారి అనుమతి లేకుండా ట్రెండ్ పేరుతో పోస్ట్ చేయొద్దని సూచించారు.

“Want a 1980s Photo? Beware of Fake APK Apps!”

Fraudsters may send WhatsApp messages, social-media links, or APK files promising to transform your present-day photo into a 1980s/retro-era picture. The file may look like an AI photo editor, vintage camera, or photo-generation… pic.twitter.com/WfrmbOGVSi

— Cyber Crimes Unit Hyderabad (@CyberCrimeshyd) September 11, 2026

Also Read: 80’s సోకులు.. ఏఐతో హంగులు.. జెన్ జీ ఫుల్ ఫిదా, ఎందుకంటే?

మరోవైపు 1980s ఫోటో ట్రెండ్ కోసం వచ్చే అనుమానాస్పద లింకులను ఎట్టిపరిస్థితుల్లో క్లిక్ చేయవద్దని సైబర్ క్రైమ్ పోలీసులు సూచించారు. ట్రెండ్ పేరుతో APK ఫైల్ పంపించే వ్యక్తులు, వాట్సాప్ గ్రూపులు, సోషల్ మీడియా లింకుల విషయంలో జాగ్రత్తగా ఉండాలన్నారు. ఫోటోలు, ఎవరికి పడితే వారికి పంపి.. వ్యక్తిగత గోప్యతను ప్రమాదంలోకి నెట్టుకోవద్దన్నారు. ఇప్పటికే అనుమానాస్పద యాప్ డౌన్‌లోడ్ చేసి ఉంటే వెంటనే తొలగించి బ్యాంక్ ఖాతాలను చెక్ చేసుకోవాలన్నారు. ఒకవేళ సైబర్ మోసానికి గురైతే వెంటనే 1930 నెంబర్ కు కాల్ చేయాలని సూచించారు. లేదంటే సమీపంలోని సైబర్ క్రైమ్ పోలీసు స్టేషన్ లో ఫిర్యాదు చేయాలని హితవు పలికారు.

Also Read: చిరిగిన చొక్కాలు, చెరగని చిరునవ్వులు.. 80s నాటి ‘నేల టికెట్’ కిక్కే వేరబ్బా!