80s Floor Ticket Memories: అది 1980ల సమయం.. థియేటర్లో స్క్రీన్ కి దగ్గరగా నేల మీద లేదా ఇసుకలో కూర్చుని చూసే సీటింగ్ కే ‘నేల టికెట్’ అని పేరు. ఆ నేల టికెట్ జస్ట్.. రూపాయి లేదా రూపాయిన్నర. కానీ దాన్ని దక్కించుకోవడం కోసం చేసే యుద్దానికి మాత్రం వెల కట్టలేం. కిటికీ దగ్గర క్యూ లైన్లలో తోపులాటలు జరిగి చొక్కాలు చిరిగిపోయినా, చేతులు తెగినా సరే.. ఎలాగోలా టికెట్ చేతికి చిక్కితే ప్రపంచాన్ని జయించిన అలగ్జాండర్ కంటే గొప్ప ఫీల్ ఉండేది.
ఇక నేల టికెట్ మీద లోపలికి వెళ్లాక అసలు కథ స్టార్ట్ అయ్యేది. నేల మీద కూర్చుని పైన స్క్రీన్ వైపు చూస్తూ.. హీరో ఎంట్రీ ఇవ్వగానే డోలు దెబ్బలు, ఈలలు, కాగితాల తుంపర్లు ఎగరేస్తూ చేసిన రచ్చే వేరు. రేకుల షెడ్డు థియేటర్లు ఆడియన్స్ సౌండ్ కి దద్దరిల్లిపోయేవి. పక్కన ఎవడు కూర్చున్నాడో.. వాడికి మన కాలు తగులుతుందా? చేయి తగులుతుందా? అనేది అనవసరం.. హీరో కనిపిస్తే జై కొడుతూ విజిల్స్ వేసే ఆ మాస్ ఫీలింగ్, అప్పటి థియేటర్ వైబ్ కి మాత్రమే సొంతం
అయితే మారుతున్న కాలానికి అనుగుణంగా థియేటర్లు సైతం మార్పులకు లోనయ్యాయి. నేల టికెట్ కాస్త మెల్లగా ప్లాస్టిక్ చైర్లు, బెంచ్ క్లాస్, మల్టీప్లెక్స్ రీక్లైనర్ సోఫాలు దాటుకుని.. ఫైనల్ గా ఈ రోజుల్లో మన అరచేతిలోని స్మార్ట్ఫోన్ లో ప్రత్యక్షమైంది. Netflix, Prime, Aha అంటూ ఓటీటీలు రావడంతో.. ఎప్పుడు పడితే అప్పుడు, ఎక్కడ పడితే అక్కడ బెడ్ మీద పడుకుని పాజ్ కొడుతూ సినిమాలు చూసే కంఫర్ట్ వచ్చేసింది.
Also Read: ఇప్పుడు క్రేజ్ తగ్గినా.. అప్పట్లో అదొక సంచలనం.. 80’s లో మ్యాగీ మేనియా చూసొద్దామా?
ఒకప్పుడు గంటల తరబడి లైన్లో నిలబడి రూపాయి నేల టికెట్ కొని చూసిన సినిమాలో ఉన్న కిక్.. ఈరోజు మనం ఓటీటీలో చూసే అన్లిమిటెడ్ సినిమాల్లో దొరకదేమో! టెక్నాలజీ పెరిగి లైఫ్ చాలా ఈజీ అండ్ ప్రైవేట్ అయిపోయింది కానీ.. నలుగురితో కలిసి కేకలు వేస్తూ, తోటి ప్రేక్షకులతో కలిసి ఎంజాయ్ చేసిన నేల టికెట్ జ్ఞాపకాలు మాత్రం ఎప్పటికీ ఎవర్ గ్రీనే!
Also Read: ఇప్పటి ఆర్భాటాలు లేవు కానీ.. 80ల్లో వినాయకచవితి మజానే వేరు.. ఆ రోజులు మళ్లీ రావు!
Share
కాన్వాయ్ వద్దని.. రైలు ఎక్కిన ఆస్ట్రేలియా హైకమిషనర్, నెట్టింట వీడియో వైరల్!
ఇన్స్టాగ్రామ్లో అదిరిపోయే అప్డేట్.. ఫ్రెండ్స్ ట్యాగ్ చేసిన పోస్టులను మీ గ్రిడ్లో యాడ్ చేసుకోండిలా!
