Abdullapurmet ACB Raid: రంగారెడ్డి జిల్లా అబ్దుల్లాపూర్‌మెట్ రెవెన్యూ కార్యాలయంలో అవినీతి పడగ విప్పింది. లేఅవుట్ జాయింట్ ఇన్‌స్పెక్షన్ సర్వే రిపోర్ట్ ఇవ్వడానికి ఏకంగా రూ. 20 లక్షలు లంచం డిమాండ్ చేసిన తహశీల్దార్, మండల సర్వేయర్‌లను యాంటీ కరెప్షన్ బ్యూరో (ఏసీబీ) అధికారులు రెడ్ హ్యాండెడ్‌గా అదుపులోకి తీసుకున్నారు. ఈ ఘటన స్థానికంగా తీవ్ర సంచలనం రేపింది.
రూ. 30 లక్షల నుంచి బేరం కుదిరిందిలా..
బాధిత నియోజకవర్గ వాసి నుంచి లేఅవుట్ సర్వే నివేదిక కోసం మొదట రూ. 30 లక్షలు డిమాండ్ చేసినట్లు ఏసీబీ అధికారుల విచారణలో తేలింది. బాధితుడు వేడుకోవడంతో చివరకు రూ. 20 లక్షలకు ఒప్పందం కుదిరింది. తహశీల్దార్ బి. సుదర్శన్ రెడ్డి ఆదేశాల మేరకే మండల సర్వేయర్ బటుక శ్రీనివాసులు ఈ భారీ మొత్తాన్ని లంచం రూపంలో స్వీకరిస్తుండగా ఏసీబీ అధికారులు పక్కా సమాచారంతో దాడులు నిర్వహించి పట్టుకున్నారు. సర్వేయర్ చేతివేళ్లకు నిర్వహించిన రసాయన పరీక్షలో నిర్ధారణ పాజిటివ్‌గా తేలింది.
అర్ధరాత్రి వరకు కొనసాగిన సోదాలు
పట్టుబడిన అధికారుల ఇళ్లలో ఏసీబీ బృందాలు ఏకకాలంలో సోదాలు చేపట్టాయి. ఎమ్మార్వో సుదర్శన్ రెడ్డి, సర్వేయర్ శ్రీనివాసులు నివాసాలలో అర్ధరాత్రి వరకు తనిఖీలు కొనసాగాయి. ఈ సోదాలలో పలు కీలక పత్రాలు, ఆస్తులకు సంబంధించిన డాక్యుమెంట్లను అధికారులు స్వాధీనం చేసుకున్నట్లు సమాచారం.
ప్రత్యేక కోర్టుకు నిందితులు
లంచం సొమ్మును స్వాధీనం చేసుకున్న ఏసీబీ అధికారులు, ఇద్దరు నిందితులను అదుపులోకి తీసుకుని విచారణ జరిపారు. సోమవారం నాడు నిందితులను నాంపల్లిలోని ఏసీబీ ప్రత్యేక కోర్టులో హాజరుపరచనున్నారు. రెవెన్యూ రంగానికి గుండెకాయ లాంటి తహశీల్దార్ కార్యాలయంలోనే ఏసీబీ దాడులు జరగడం, కోట్లలో కాకపోయినా లక్షల్లో లంచాలు తీసుకోవడం ప్రజలను విస్మయానికి గురిచేస్తోంది.
Also Read: ORRపై ఘోర ప్రమాదం.. ప్రముఖ మిమిక్రీ ఆర్టిస్ట్ మృతి!
Share
ఇకపై టీమిండియా చాలా జాగ్రత్తగా ఉండాలి..నా నుంచి దేవుడు కూడా కాపాడలేడు
సీఎం చంద్రబాబు-సీఎం విజయ్ మధ్య కీలక అంశం అదే.. డ్లికరేషన్ మాటేంటని వైసీపీ ప్రశ్నలు
