Delhi Liquor Case: ఢిల్లీ లిక్కర్ పాలసీ కేసులో కీలక పరిణామం చోటు చేసుకుంది. ఈ కేసులో తెలంగాణ జాగృతి అధ్యక్షురాలు కల్వకుంట్ల కవితకు న్యాయస్థానంలో బిగ్ రిలీఫ్ లభించింది. ఆమెపై సీబీఐ దాఖలు చేసిన అభియోగాలకు తగిన ఆధారాలు లేవని తేల్చేసింది. ఈ మేరకు ఢిల్లీలోని రౌస్ అవెన్యూ కోర్టు ఈ కేసు నుండి ఆమెని డిశ్చార్జ్ చేసింది. దీంతో తెలంగాణ జాగృతి నేతలు పెద్ద ఊరట లభించింది.
ఢిల్లీ లిక్కర్ స్కామ్ కేసులో న్యాయస్థానం సంచలన తీర్పు
న్యాయస్థానం తీర్పు తర్వాత హైదరాబాద్లో మీడియాతో మాట్లాడారు కవిత. తెలంగాణ ప్రజలకు తాను మొదటి నుంచి చెబుతున్నానని, కడిగిన ముత్యం వల్లే బయటకు వస్తానని అప్పుడే చెప్పానన్నారు. న్యాయవ్యవస్థపై తాను పెట్టుకున్న నమ్మకం నిలబడిందన్నారు. ఇది కేవలం రాజకీయ కక్షతో పెట్టిన కేసని ఎన్నోసార్లు చెప్పానని వివరించారు. ఈ కేసు వల్ల తాను.. నా కుటుంబం కొన్ని నెలలపాటు క్షోభ అనుభవించామని పేర్కొన్నారు.
కష్ట సమయంలో అండగా నిలిచినవారికి ధన్యవాదాలు తెలిపారు కవిత. మరింత ఉత్సాహంతో ప్రజలకు మరింత సేవ చేస్తాన్నారు. నా కుటుంబానికి దూరమై ఐదు నెలలు జైలులో గడిపిన సమయాన్ని ఎవరు తిరిగిస్తారని ప్రశ్నించారు. కోర్టు తీర్పు రాకుండానే కొందరు తనపై అనుచితంగా మాట్లాడారని వ్యాఖ్యానించారు.
23 మంది నిందితులకు న్యాయస్థానం క్లీన్ చిట్, కవిత ఫస్ట్ రియాక్షన్
ఢిల్లీ మద్యం పాలసీ కేసు వ్యవహారం.. ఢిల్లీతోపాటు తెలంగాణను ఓ కుదుపు కుదిపేసింది. గత అసెంబ్లీ ఎన్నికల ముందు కల్వకుంట్ల కవిత అరెస్టు చేశారు సీబీఐ, ఈడీ అధికారులు. హైదరాబాద్ నేరుగా ఢిల్లీకి ఆమెని తరలించారు. ఈ కేసు దర్యాప్తులో భాగంగా దాదాపు 160 రోజుల పాటు తీహార్ జైలులో ఉన్నారు. ఆ తర్వాత పలుమార్లు బెయిల్ కోసం ప్రయత్నాలు చేశారు.
ఛార్జీషీట్లు పూర్తి కావడంతో ఆ తర్వాత ఆమెకి బెయిల్ వచ్చింది. ఈ కేసులో శుక్రవారం ఢిల్లీలోని రౌస్ ఎవెన్యూ కోర్టు విచారణ జరిగింది. సరైన ఆధారాలు లేని కారణంగా ఆమెతోపాటు పలువురు ఏఏపీ నేతలకు క్లీన్ చిట్ ఇచ్చింది. ఈ మేరకు ప్రత్యేక న్యాయమూర్తి జితేందర్ సింగ్ తీర్పు వెల్లడించారు. ఈ కేసులో 23 మంది నిందితులకు విముక్తి కలిగింది.
ALSO READ: సరిహద్దుల్లో ఉన్న దేవాదాయ భూమి పై సర్కార్ కీలక నిర్ణయం
కవితతోపాటు మాజీ ఢిల్లీ అరవింద్ కేజ్రీవాల్, ఆప్ నేత మనీష్ సిసోడియాలకు ఊరట లభించింది. తీర్పు సందర్భంగా న్యాయస్థానం కీలక వ్యాఖ్యలు చేసింది. సీబీఐ దర్యాప్తులో తీవ్రమైన లోపాలు ఉన్నాయని వ్యాఖ్యానించింది. వేలాది పేజీల చార్జ్షీట్లో సాక్ష్యాలకు మద్దతు లేని అంశాలున్నాయని పేర్కొంది.
మనీష్ సిసోడియా, కేజ్రీవాల్పై సరైన ఆధారాలు లేకుండా కేసులో ఇరికించారని అభిప్రాయపడింది. రాజ్యాంగ పదవిలో ఉన్న వ్యక్తిపై ఆధారాలు లేకుండా ఆరోపణలు చేయడం చట్టపరంగా సరైంది కాదని పేర్కొంది. ప్రధాన నిందితుడు కుల్దీప్సింగ్పై ఎలాంటి ఆధారాలు లేవని తేల్చేసింది. సీబీఐ దర్యాప్తు అధికారిపై శాఖాపరమైన విచారణకు న్యాయస్థానం ఆదేశించింది.
కల్వకుంట్ల కవితకు బిగ్ రిలీఫ్
ఢిల్లీ లిక్కర్ స్కామ్ కేసులో కీలక పరిణామం
కేజ్రీవాల్, సిసోడియా, కవితకు కోర్టు క్లీన్ చిట్
ఎలాంటి ఆధారాలు లేకుండా కేసులో ఇరికించారన్న రౌస్ అవెన్యూ కోర్టు
లిక్కర్ స్కామ్ కేసులో భాగంగా గతంలో దాదాపు ఐదున్నర నెలల పాటు జైలులో ఉన్న కవిత
Big relief… pic.twitter.com/yy0TU0MJa2
— BIG TV Breaking News (@bigtvtelugu) February 27, 2026
Share
KTM 990 RC R: సరికొత్త బైక్ ను లాంచ్ చేసిన KTM, ఇండియాలోకి అడుగు పెట్టేనా?
Power Peta: కృష్ణ చైతన్య దర్శకత్వంలో సందీప్ కిషన్ కొత్త సినిమా.. హీరోయిన్ ఎవరంటే?
