DA Update for Telangana RTC Employees: తెలంగాణ ఆర్టీసీ ఉద్యోగులకు సంస్థ యాజమాన్యం గుడ్ న్యూస్ చెప్పింది. 43.2 శాతం కరవు భత్యం (Dearness Allowance) చెల్లించేందుకు యాజమాన్యం అంగీకరించింది. వేతన సవరణ తర్వాత ఉండే మూతవేతనంపై ఉద్యోగుల డీఏను లెక్కించి.. దానిని జీతంలో భాగంగా చెల్లించనున్నారు అధికారులు. హెచ్ఆర్ఏ(HRA – House Rent Allowance)లో కోత విధించడంతో నిరాశలో ఉన్న ఉద్యోగులకు దీంతో కాస్త ఊరట లభించినట్లైంది. జీతం పెరిగినా.. ఆశించిన స్థాయిలో చేతికి రాకపోవడంతో ఉద్యోగులు నిరాశ చెందారు. ఈ మేరకు ప్రభుత్వం త్వరలోనే ఉత్తర్వులను జారీ చేయనున్నట్లు తెలుస్తోంది.
ప్రభుత్వ ఉద్యోగులకు నాలుగు విడతల డీఏ బకాయిలు పేరుకుపోయి ఉండగా.. ఆర్టీసీ ఉద్యోగులకు అన్ని విడతల డీఏలను చెల్లిస్తుండటం విశేషమనే చెప్పాలి. ఏడు విడతల డీఏ బకాయిలు పేరుకుపోయి ఉండగా.. కార్మిక సంఘాలు, ఆర్టీసీ ఎండీ సజ్జనార్ కృషితో తక్కువ సమయంలోనే ప్రభుత్వం డీఏ బకాయిలను చెల్లించింది.
Also Read: అమ్మో ఎండలు.. తెలంగాణలో 2 డిగ్రీల మేర పెరగనున్న ఉష్ణోగ్రతలు
ప్రస్తుతం తెలంగాణ ఆర్టీసీ ఉద్యోగుల డీఏ 82.6 శాతం ఉన్నా.. 2017 ఏప్రిల్ నాటి వేతన సవరణనే అమల్లోకి తీసుకొస్తుంది. దీంతో ఉద్యోగుల 31.1 శాతం డీఏ మూలవేతనంలో కలిసిపోతుంది. అంటే ఇంకా 51.5 శాతం డీఏ బకాయిలుంటాయి. దీనిని న్యూట్రలైజ్ చేసి కొత్త డీఏను 43.2 శాతంగా ఖరారు చేశారు. ఈ మొత్తాన్ని ఆర్టీసీ ఉద్యోగులకు చెల్లిస్తే.. మొత్తం డీఏ బకాయిలు క్లియర్ అవుతాయి.