Kaleshwaram Report: ఘోష్​ కమిషన్​ నివేదికపై తీర్పు రిజర్వ్​.. వచ్చే నెల 8న..!

Kaleshwaram Report: స్వేచ్ఛ బ్యూరో: కాళేశ్వరం ప్రాజెక్టుపై రిటైర్డ్​ జడ్జి జస్టిస్​ పీ.సీ.ఘోష్​ కమిషన్​ నివేదికపై దాఖలైన పిటిషన్లపై విచారణ పూర్తి చేసిన హైకోర్టు తీర్పును రిజర్వ్​ చేసింది. వచ్చే నెల 8న తుది తీర్పును వెలువరిస్తామని తెలిపింది. కాళేశ్వరం ప్రాజెక్టులో భాగంగా నిర్మించిన మేడిగడ్డ బ్యారేజీ పిల్లర్లు గత అసెంబ్లీ ఎన్నికలకు ముందు కుంగిపోయిన విషయం తెలిసిందే. కాంగ్రెస్​ అధికారంలోకి వచ్చాక దీనిపై సమగ్ర విచారణకు పీ.సీ.ఘోష్​ కమిషన్​ ను నియమించింది. విస్తృత స్థాయిలో విచారణ జరిపిన కమిషన్​ నివేదికను రూపొందించి ప్రభుత్వానికి ఇచ్చింది. కాగా, ఈ నివేదికను కొట్టి వేయాలంటూ మాజీ ముఖ్యమంత్రి కేసీఆర్​, మంత్రులు కేటీఆర్​, హరీష్​ రావు, ఐఏఎస్​ అధికారులు స్మితా సబర్వాల్​, ఎస్​కే జోషిలు వేర్వేరుగా హైకోర్టులో పిటిషన్లు దాఖలు చేశారు.

జీవో కూడా విడుదల..

వీటిపై హైకోర్టులో గురువారం కూడా విచారణ జరిగింది. ఈ క్రమంలో పిటిషనర్ల తరపున వాదనలు వినిపించిన న్యాయవాది దామా శేషాద్రి నాయుడు కేసీఆర్​(KCR), హరీష్​ రావు(Harish Rao)లను లక్ష్యంగా చేసుకుని ఈ నివేదికను తయారు చేశారని పేర్కొన్నారు. ఇప్పటికే ఇద్దరిపై దుష్ప్రచారం చేనశారని చెప్పారు. పిల్లర్లు కూలిపోయాయని కమిషన్ ను నియమించిన ప్రభుత్వం ఇదే ప్రాజెక్టు నుంచి హైదరాబాద్ కు తాగునీరు సరఫరాకు ప్రణాళికను రూపొందించిందని చెప్పారు. మల్లన్నసాగర్​ నుంచి హైదరాబాద్​ కు నీళ్లను తీసుకొచ్చేలా జీవో కూడా విడుదల చేసిందన్నారు. ఊహించని వర్షాలతో వచ్చిన భారీ వరదల వల్ల మేడిగడ్డ బ్యారేజీలోని ఒక పిల్లర్​ మాత్రమే స్వల్పంగా కుంగిపోయిందన్నారు. నిజానికి ఈ బ్యారేజీ నిర్మాణం కోసం మొత్తం 220 పిల్లర్లను కట్టినట్టు చెప్పారు. కాళేశ్వరం ప్రాజెక్టు వల్ల రాష్ట్రంలో సాగు విస్తీర్ణం, పంటల దిగుబడి గణనీయంగా పెరిగిందని తెలిపారు. ఇప్పటికే దీనిపై ప్రభుత్వం తరపు న్యాయవాదులు తమ వాదనలు వినిపించారు.

Also Read: Indian Railways Checks: రైళ్లలో మద్యం, గుట్కా అమ్మకాలు.. షాకిచ్చిన రైల్వే అధికారులు!

ఎంక్వయిరీస్ యాక్ట్​ ప్రకారం

నిపుణుల సలహాలు, సూచనలు పాటించకుండా మాజీ ముఖ్యమంత్రి కేసీఆర్​ సొంతంగా తీసుకున్న నిర్ణయాల వల్లే మేడిగడ్డ బ్యారేజీ పిల్లర్లు కుంగిపోయాయన్నారు. కేబినెట్​‌లో ఆమోదం తీసుకోకుండానే కొన్ని పనులు పూర్తి చేశారని చెప్పారు. అధికారులు కూడా వాస్తవంగా తాము నిర్వర్తించాల్సిన విధులను నిర్వర్తించ లేదన్నారు. కమిషన్​ ఆఫ్​ ఎంక్వయిరీస్ యాక్ట్​ ప్రకారం నోటీసు ఇవ్వలేదని పేర్కొనటం సమంజసం కాదన్నారు. అందరికీ నోటీసులు ఇచ్చే కమిషన్​ విచారించినట్టు తెలిపారు. నోటీసుల్లో సెక్షన్​ ను పేర్కొనంత మాత్రాన కమిషన్​ ఆఫ్​ ఎంక్వయిరీస్​ చట్టాన్నిఉల్లంఘించారనటం సమంజసం కాదని చెప్పారు. ఇరుపక్షాల వాదనలు ముగిసిన నేపథ్యంలో తీర్పును ఏప్రిల్​ 8వ తేదీకి రిజర్వ్​ చేస్తూ హైకోర్టు నిర్ణయం తీసుకుంది.

Also Read: Kakatiya University: కాకతీయ యూనివర్సిటీలో అక్రమ దందా.. ఎంక్వైరీలో వెలువడిన సంచలనాలు..?

Share

• 
• 
• 
• 
• 
•