Young Doctor Death: హఫీజ్‌పేటలోని ఓ ప్రైవేట్ సర్వీస్ అపార్ట్‌మెంట్‌లో 27 ఏళ్ల యువ వైద్యురాలు అనుమానాస్పద స్థితిలో ప్రాణాలు కోల్పోవడం తీవ్ర కలకలం రేపింది. సంగారెడ్డికి చెందిన ఈమె, మహబూబ్‌నగర్‌లో ఎంబీబీఎస్ పూర్తి చేసి, ఇటీవల వరంగల్‌లో పీడియాట్రిషన్‌లో పీజీ పూర్తి చేశారు.
అసలేం జరిగిందంటే?
మూడు రోజుల క్రితం ఈ యువ డాక్టర్ తన స్నేహితుడితో కలిసి వరంగల్ నుంచి హైదరాబాద్ వచ్చారు. మియాపూర్ పోలీస్ స్టేషన్ పరిధిలోని హఫీజ్ పేట ఆదిత్య నగర్‌లో ఉన్న ఒక సర్వీస్ అపార్ట్‌మెంట్‌లో వీరిద్దరూ గది అద్దెకు తీసుకుని బస చేశారు.
పోలీసుల వేగవంతమైన స్పందన
గత కొద్ది రోజులుగా కుమార్తె ఫోన్ కలవకపోవడంతో తీవ్ర ఆందోళనకు గురైన తల్లిదండ్రులు శుక్రవారం మియాపూర్ పోలీసులను ఆశ్రయించారు. ఆమె ఫోన్ సిగ్నల్ లొకేషన్ ఆధారంగా పోలీసులు వెంటనే రంగంలోకి దిగారు. ఆదిత్య నగర్‌లోని అపార్ట్‌మెంట్‌కు వెళ్లి చూడగా, ఆమె అప్పటికే గదిలో మృతి చెంది పడి ఉంది.
పరారీలో స్నేహితుడు.. విచారణ వేగం
ఆమెతో పాటు వచ్చిన యువకుడు ప్రస్తుతం పరారీలో ఉన్నాడని, అతని కోసం గాలిస్తున్నామని సీఐ జయరాం తెలిపారు. కాగా, ఈ ఘటనపై కేసు నమోదు చేసుకున్న మియాపూర్ పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఆ యువకుడు ఎవరు? అక్కడ ఏం జరిగింది? అనే కోణంలో సీసీటీవీ ఫుటేజ్ పరిశీలిస్తూ దర్యాప్తు వేగవంతం చేశారు.
Also Read: విశాఖ బీచ్‌లో విషాదం.. ముగ్గురు విద్యార్థులు గల్లంతు, నైట్ విజన్ కెమెరాలతో గాలింపు..
Share
నైట్క్లబ్లో దారుణం.. మహిళ దుస్తులు ఊడదీసి విచక్షణారహిత దాడి.. వీడియోలు వైరల్!
కళ్యాణలక్ష్మికి 12 ఏళ్లు.. కాంగ్రెస్‌ను ఏకిపారేసిన కేటీఆర్.. నెట్టింట ఆసక్తికర పోస్ట్!
