Illegal Bakery: డేంజర్ బెల్స్.. మీరు ఉస్మానియా బిస్కెట్లు తింటున్నారా..?

Illegal Bakery: స్వేచ్ఛ బ్యూరో: అపరిశుభ్ర వాతావరణంలో కల్తీ ముడి పదార్థాలతో ఉస్మానియా బిస్కెట్​ తోపాటు బేకరీ ఉత్పత్తులను తయారు చేస్తున్న కేంద్రంపై గోల్కొండ జోన్​ టాస్క్​ ఫోర్స్​ అధికారులు గుడిమల్కాపూర్ పోలీసులతో కలిసి దాడి చేశారు. తనిఖీలు జరిపి 12.54లక్షల రూపాయల విలువ చేసే వస్తువులు, ముడి సరుకును స్వాధీనం చేసుకున్నారు. టాస్క్​ ఫోర్స్​ అదనపు డీసీపీ అందె శ్రీనివాస రావు తెలిపిన ప్రకారం వివరాలు ఇలా ఉన్నాయి.

నాసిరకం ముడి పదార్థాలతో..

కేడీ కాలనీ నివాసి అహ్మద్ రజా (46) వ్యాపారి. ఎలాంటి లైసెన్స్​ తీసుకోకుండా అపరిశుభ్రమైన వాతావరణంలో నాసిరకం ముడి పదార్థాలతో ఉస్మానియా బిస్కెట్లు, రస్కులు, బటర్​ బన్​ తదితర వాటిని తయారు చేస్తూ కిరాణా షాపులు, హోటళ్లు, కేఫ్​ లకు సరఫరా చేస్తున్నాడు. ఈ మేరకు సమాచారాన్ని సేకరించిన టాస్క్​ ఫోర్స్ సీఐ వెంకటేశ్​, గుడిమల్కాపూర్ సీఐ రామయ్య, ఎస్​ఐలు వెంకటరమణ, సురేశ్​ తోపాటు సిబ్బందితో కలిసి తయారీ కేంద్రంపై దాడి చేశారు.

Also Read: Film industry: ఇండస్ట్రీలో విషాదం.. ఆయన లోటు తీర్చరానిది!

మైదా సీజ్..

తనిఖీలు జరిపి 60 బస్తాల మైదా పిండి, 3‌‌0 బస్తాల చక్కెర, 47 బాక్సుల పామాయిల్ బాక్సులు, 188 బాక్సుల హిమానీ బేక్​ మ్యాజిక్​ నెయ్యితోపాటు తయారు చేసి సిద్ధంగా పెట్టిన ఉస్మానియా బిస్కెట్లు, ఫ్యాన్​ బిస్కెట్లు, రస్కులు, బటర్​ బన్​ లను స్వాధీనం చేసుకున్నారు. దాంతోపాటు షుగర్​ గ్రైండింగ్ మిషన్​, స్పైరల్​ మిక్సర్​, ఓవెన్​ తదితర పరికరాలను కూడా సీజ్ చేశారు. అహ్మద్ రజాను అరెస్ట్ చేసి తదుపరి దర్యాప్తు నిమిత్తం మల్కాజిగిరి పోలీసులకు అప్పగించారు.

Also read: Kishan Reddy: సమస్యకు పరిష్కారం.. ఇందన కొరత పై క్లారిటీ ఇచ్చిన కేంద్ర మంత్రి కిషన్ రెడ్డి

Share

• 
• 
• 
• 
• 
•