Jaggareddy clarification: తెలంగాణ కాంగ్రెస్ సీనియర్ నేత జగ్గారెడ్డి ముక్కుసూటిగా మాట్లాడే నేత. ఈ విషయంలో ఎవరేమనున్నా పట్టించుకోరు. చెప్పాల్సిన నాలుగు మాటలు సుత్తి లేకుండా ఓపెన్గా చెబుతారు. అందుకే జగ్గారెడ్డి ఏం చెప్పినా నమ్ముతారు కూడా. సమస్య ఏంటో తెలీదుగానీ ఆయన చేసిన ప్రకటన రాజకీయ వర్గాల్లో ఆసక్తికరమైన చర్చ జరుగుతోంది? ఇంతకీ ఆయనేమన్నారు?
సంగారెడ్డి పేరు ఎత్తితే చాలు.. కాంగ్రెస్ నేత జగ్గారెడ్డి పేరు వినిపిస్తుంది. ఆ విధంగా మార్చుకున్నారాయన. దాదాపు ఆరు పదుల వయసుకు దగ్గరవుతున్న ఆయన, రాజకీయాలకు దూరంగా ఉండాలని నిర్ణయించారు. ఈ విషయాన్ని దసరా రోజున బయటపెట్టారు.
వచ్చే శాసనసభ ఎన్నికల్లో తాను పోటీ చేయనని మనసులోని మాట బయటపెట్టారు జగ్గారెడ్డి. కాకపోతే దానికి ఓ మెలిక పెట్టారు. ఎన్నికల బరిలో తాను దిగనని, భార్య నిర్మలారెడ్డి అవకాశం ఇవ్వాలన్నది ఆయన ఆలోచన. తప్పదనుకుంటే తన అనుచరుడు ఆంజనేయలకు అవకాశం కల్పిస్తానని వెల్లడించారు.
దీనిపై సీఎం రేవంత్రెడ్డి, పీసీసీ అధ్యక్షుడు మహేష్కుమార్తో మాట్లాడుతానని చెప్పుకొచ్చారు జగ్గారెడ్డి. వున్నట్లుండి జగ్గారెడ్డి నిర్ణయం వెనుక అసలేం జరుగుతోంది? దీనిపై ప్రత్యర్థులు ఆరా తీయడం మొదలుపెట్టేశారు. ఒకవిధంగా చెప్పాలంటే సంగారెడ్డి నియోజకవర్గంలో ఆయన ప్రత్యర్థులు ఫుల్ హ్యాపీగా ఫీలవుతున్నారు.
ALSO READ: మూసీ కాంట్రాక్ట్పై తప్పుడు ప్రచారం… మన్నె క్రిశాంక్కు లీగల్ నోటీసులు
గడిచిన ఎన్నికల్లో తన ఓటమికి బీఆర్ఎస్ కారణమన్నారు జగ్గారెడ్డి. ఓటు కోసం వేలకు వేలు ఆ పార్టీ ఖర్చు చేస్తున్నారన్నది ఆయన మాట. తన వద్ద డబ్బులు లేవని, అందువల్లే ఓటమి పాలయ్యానని చెప్పుకొచ్చారు. మొత్తానికి తన వైపు నుంచి క్లారిటీ ఇచ్చేశారు జగ్గారెడ్డి.
Share
Brahmamudi Serial Today October 14th: ‘బ్రహ్మముడి’ సీరియల్: కనకం ఇంట్లోంచి వెళ్లిపోయిన రాజ్ - కావ్యను కన్వీన్స్ చేసిన అపర్ణ
Gita Jayanti Express: ఎక్స్ప్రెస్ రైలులో మంటలు.. తప్పిన పెను ప్రమాదం
