JaggaReddy: ఈ ఫోటో చూసి అవాక్కయ్యేవాళ్లు కొందరైతే.. ఈయన ఎవరో పోల్చుకోలేని వాళ్లు మరికొందరు. కాస్త జాగ్రత్తగా చూస్తే గానీ ఈ ఫోటోలో ఉన్న లీడర్ ను కరెక్ట్ గా గుర్తుపట్టలేరు. ఎందుకంటే.. ఆయన ఇలాంటి గెటప్ లో కనిపించేది అత్యంత అరుదు. ఎప్పుడూ గుబురు గడ్డం.. పెద్ద జుట్టుతోనే ఉంటారు. ఫైర్ బ్రాండ్ నేతగా నిత్యం న్యూస్ లో తెగ వైరల్ అవుతుంటారు. ఆయనే సంగారెడ్డి కాంగ్రెస్ ఎమ్మెల్యే జగ్గారెడ్డి.
అవునండీ బాబూ. ఈ ఫోటోలో ఉన్నది జగ్గన్నే. తిరుమలకు వెళ్లి గడ్డం, మీసం, జుట్టు తీసేశారు. ఇలా గుండుతో, క్లీన్ షేవ్ లో కనిపించారు. అందుకే వెంటనే గుర్తుపట్టలేకపోతున్నారు.
ఏడాదికి ఒకసారి తిరుమల వస్తారు జగ్గారెడ్డి. తలనీలాలు సమర్పించి శ్రీవారికి మొక్కుకుంటారు. మళ్లీ తిరుమల వచ్చే వరకూ.. జుట్టు కట్ చేయరు. అందుకే, ఎప్పుడు చూసిన పెద్ద జుట్టు, పెద్ద గడ్డంతోనే కనిపిస్తారు.
జగ్గారెడ్డి గుండుతో ఉన్న ఫోటో సోషల్ మీడియాలో తెగ వైరల్ అవుతోంది. జగ్గన్న గెటప్ మీద నెటిజన్లు కామెంట్ల మీద కామెంట్లు పెడుతున్నారు. రాజకీయాల్లో దూకుడుగా ఉండే జగ్గారెడ్డికి ఆయన గెటప్ అదనపు అడ్వాంటేజ్. ప్రస్తుతం గుండు చేయించుకోవడంతో.. మళ్లీ ఆయన పాత లుక్ లో చూడాలంటే మరికొన్ని నెలలు ఆగాల్సిందే.
Share
ED Raids: 750 కోట్ల స్కాం.. గ్రానైట్ కంపెనీలపై ఈడీ పంజా..
Raja Singh: రాజాసింగ్ ను కలిసిన చికోటి ప్రవీణ్.. ఏంటి సంగతి?
