ఉద్యోగం ఇప్పిస్తానని చెప్పి నేపాల్ ఏజెంట్ దారుణం.. ఏం చేసాడంటే..?

Russia War: కన్నకొడుకు ఎక్కడున్నాడో.. ఎలా ఉన్నాడో తెలియని పరిస్థితి.. ఎప్పుడు ఏ వార్త వినాల్సి వస్తుందోనన్న భయం.. ఇదీ రష్యాలో చిక్కుకున్న యువకుడి తల్లి అప్పలకొండ ఆవేదన. ఉపాధి కోసం తన కొడుకు రష్యా వెళ్లాడు. అయితే అక్కడ ఉద్యోగం ఇప్పిస్తానని నమ్మించిన నేపాల్‌కు చెందిన ఓ ఏజెంట్ చేతిలో మోసపోయినట్లు కుటుంబ సభ్యులు చెబుతున్నారు. మరో ముగ్గురితో కలిసి మొత్తం నలుగురిని ఉద్యోగాల పేరుతో తీసుకెళ్లినట్లు తెలిపారు.

ఆవేదన వ్యక్తం..

మొదట్లో ప్రతి 15 రోజులకు ఒకసారి కొడుకు ఫోన్ చేసి మాట్లాడేవాడని అప్పలకొండ చెబుతున్నారు. కానీ ఇప్పుడు పరిస్థితి మారిపోయింది. చివరిసారిగా ఆదివారం వీడియోతో పాటు ఫోన్‌లో మెసేజ్ వచ్చిందని.. ఆ తర్వాత ఎలాంటి సమాచారం లేదని ఆవేదన వ్యక్తం చేస్తున్నారు. తన కొడుకు రష్యాలో యుద్ధ పరిస్థితుల్లో చిక్కుకుపోయాడని.. ఎలాగైనా అక్కడి నుంచి బయటపడేసి ఇంటికి తీసుకురావాలని వేడుకుంటున్నారు. ఇప్పటికే స్థానిక పోలీసులకు, ఎమ్మార్వోకు ఫిర్యాదు చేసినట్లు చెబుతున్నారు.

ఉద్యోగం కోసం..

ఓవరాల్ గా ఉద్యోగం కోసం విదేశాలకు వెళ్లిన కొడుకు.. యుద్ధంలో చిక్కుకోవడంతో ఆ తల్లి పడుతున్న వేదన అంతా ఇంతా కాదు. బిడ్డ క్షేమంగా తిరిగి రావాలని కళ్లల్లో ఒత్తులు వేసుకుని ఎదురుచూస్తోంది. ప్రభుత్వం చొరవ తీసుకుని తన కొడుకును స్వదేశానికి తీసుకురావాలని వేడుకుంటోంది.

Also Read: వియత్నాంలో కావ్య కళ్యాణ్ రామ్ బ్యాచిలర్ పార్టీ.. ఫోటోలు వైరల్!