KTR vs Jupally Krishna Rao War: కేటీఆర్ కథే వేరు..

War Of Words Between KTR vs JUPALLI(Telangana Politics):

కల్వకుంట్ల తారకరామారావు.. మాజీ మంత్రి.. బీఆర్ఎస్‌ పార్టీలో నెంబర్ టూ.. మొన్నమొన్నటి వరకు మంత్రిగా ఫుల్ బిజీగా ఉండేవారు. ఇప్పుడు అధికారం పోవడంతో కొత్త పని జాబ్‌లో జాయిన్ అయ్యారు. మరి సాలరీ ఎంత వస్తుందో తెలీదు కానీ..
రాత్రనక.. పగలనక… మరోస్టైల్‌లో చెప్పాలంటే.. రేయింబవళ్లు కష్టపడుతున్నారు ఈ కొత్త జాబ్‌లో.. ఇంతకీ ఆయన కొత్త జాబ్ ఏంటో తెలుసా.. అధికార పక్షంపై బురద జల్లడం.. యస్.. ప్రస్తుతం కేటీఆర్ తీరు చూస్తుంటే ఇలానే కనిపిస్తోంది. ఈ మధ్య కేటీఆర్ మళ్లీ ఒకప్పటి ట్విట్టర్‌.. ప్రస్తుతం ఎక్స్‌లో యాక్టివ్ అయ్యారు. వరుస ట్వీట్స్‌ చేస్తున్నారు.. అయితే ఇవన్నీ తమ పార్టీపై బురద జల్లే పనులే అంటున్నారు అధికార పార్టీ నేతలు.. కేటీఆర్ తీరు చూస్తుంటే అబద్ధాన్ని పది సార్లు చెప్తే.. అదే నిజమవుతుంది.. అనే స్టైల్‌లో కనిపిస్తోంది.

ఆయన లెటెస్ట్‌గా ఒక ట్వీట్ చేశారు. అందులో నాలుగు పాయింట్స్ పెట్టారు. రేవంత్ తనపై అర్థం లేని ఆరోపణలు చేస్తున్నారు. 10 వేల కోట్ల కోవిడ్ డ్రగ్ కాంట్రాక్ట్‌ తన బంధువుకు వచ్చిందని. సెక్రటేరియట్ కింద నిజాం నగలను దాచుకున్నారు. కేంద్ర హోంమంత్రి అమిత్‌ షా ఫేక్ వీడియో సర్క్యూలేట్ చేస్తున్నారు. ఆఖరికి సీఎం పదవిలో ఉండి ఓయూ ఫేక్ సర్క్యూలర్ పోస్ట్ చేశారు. ఇలా సాగిపోయింది ఆయన ట్వీట్.. చివరలో అసలు రేవంత్‌ను ఎందుకు అరెస్ట్ చేయవద్దో చెప్పండి అని కూడా అన్నారు.
ఇది చదివిన వారు.. అయ్య బాబోయ్.. సీఎం రేవంత్ ఇన్ని ఆరోపణలు చేశారా? అని అనిపిస్తోంది. బట్ రియాలిటీ మాత్రం మరోలా ఉంది.

అమిత్‌ షా ఫేక్ వీడియో ఎడిట్ చేసింది.. వైరల్ చేసింది.. సీఎం రేవంత్ రెడ్డినా..? ఈ విషయం కేటీఆర్‌ ఎలా కన్ఫామ్ చేశారన్నది కేటీఆరే చెప్పాలి.. ఇక ఓయూ ఫేక్ సర్క్యూలర్ గురించి అయితే ఎంత తక్కువ చెప్పుకుంటే అంత తక్కువ..ఎందుకంటే ఈ కేసులో ఫేక్ సర్క్యూలర్‌ వైరల్‌ చేసిన ఆ పార్టీ నేత క్రిశాంక్‌ ఇప్పటికే జైలుకు వెళ్లి వచ్చాడు. అయినా ఈ ప్రచారాన్ని మాత్రం మానడం లేదు కేటీఆర్ గారు. ఆఖరికి బీఆర్ఎస్‌ నేతలు చూపించిన సర్క్యూలర్‌ ఫేక్‌ అని ఓయూ అనౌన్స్ చేసినా.. ఆయన అస్సలు ఒప్పుకోవడం లేదు.

Also Read:  ఏందమ్మా ఇది.. మద్యం మత్తులో యువతీ హల్ చల్..

అయితే కేటీఆర్ ట్వీట్‌కు కాంగ్రెస్‌ నేతలు కౌంటర్ర ట్వీట్స్‌ షురూ చేశారు. హోంమంత్రి అమిత్ షా ఫేక్ వీడియోను రేవంత్ రెడ్డి గారు సర్క్యూలేట్ చేశారని మీరు ఎలా నిర్ధారిస్తారని ప్రశ్నిస్తున్నారు. మీరేమైనా విచారణాధికారా.. లేక అమిత్ షా ఏజెంటా అంటూ రివర్స్‌ అటాక్ మొదలుపెట్టారు. కేటీఆర్‌కు ఏకంగా 9 ప్రశ్నలను సంధించారు కాంగ్రెస్‌ నేత అనిల్ ఈరపత్రి.. ఇదొక్కటే కాదు.. ఈ మధ్య కేటీఆర్ చేసే కొన్ని ఆరోపణలు చాలా చిత్రంగా ఉంటున్నాయి. ఏకంగా హత్యలను కూడా కాంగ్రెస్‌ నేతల మెడకు చుడుతున్నారు ఆయన..

మంత్రి జూపల్లి కృష్ణారావుపై కేటీఆర్ చేసిన సంచలన ఆరోపణలు ఇవి. మరి విపక్షంలో ఉన్న కేటీఆరే ఇలా మాట్లాడితే.. అధికారపక్షంలో.. అందులో మంత్రి అయినా జూపల్లి ఊరుకుంటారా.. అదే స్థాయిలో కౌంటరిచ్చారు.. మరి ఆయన ఏమన్నారో కూడా వినండి.. కౌంటర్లు.. ఎన్‌కౌంటర్లు.. మొత్తానికి డైలాగ్ వార్.. తెలంగాణ రాజకీయం ప్రస్తుతం దీని చుట్టే తిరుగుతోంది. అయితే ప్రస్తుతం బీఆర్ఎస్ నేతలు.. ముఖ్యంగా కేటీఆర్ ఈ మధ్య డోస్ పెంచేశారు. అయితే ఇవన్నీ ఆరోపణలే.. నిజానికి విపక్షానికి విమర్శలు చేయవచ్చు.. ప్రభుత్వం తప్పు చేస్తే నిలదీయవచ్చు.. విపక్షంలో ఉన్న పార్టీకి ఆ హక్కు ఉంటుంది. బట్.. ఇలా అర్థం లేని ఆరోపణలు చేయడం వల్ల వచ్చేదేంటో అనేది అర్థం కావడం లేదు.

మొత్తానికి కేటీఆర్ తీరు చూస్తుంటే ప్రజల్లో ఒక ఒపినీయర్ క్రియేట్ చేయడమే పనిగా పెట్టుకున్నట్టు తెలుస్తోంది. పదే పదే ఒకే విషయాన్ని చెప్పడం.. ట్వీట్ చేయడం చేస్తున్నారు ఆయన.. దీన్ని సోషల్ మీడియాలో వైరల్ చేస్తుంది ఆ పార్టీ సోషల్ మీడియా వింగ్.. సో.. స్లోగా ప్రజల్లో ప్రస్తుత సర్కార్.. సీఎం రేవంత్‌ రెడ్డిపై ఒక ఒపినీయన్ క్రియేట్ చేయడం దీని వెనకున్న వ్యూహాంగా కనిపిస్తోంది. అయితే తెలంగాణ ప్రజలు.. మరి అంత అమాయకులు కాదు కదా..

Share

• 
• 
• 
• 
• 
•