KCR Oath updates(Latest political news telangana):
తెలంగాణ మాజీ సీఎం, బీఆర్ఎస్ అధ్యక్షుడు కేసీఆర్ ఎమ్మెల్యేగా ప్రమాణస్వీకారం చేశారు. స్పీకర్ గడ్డం ప్రసాద్ కుమార్ తన ఛాంబర్ లో ఎమ్మెల్యేగా కేసీఆర్ చేత ప్రమాణం చేయించారు. ఇటీవల జరిగిన అసెంబ్లీ ఎన్నికల్లో గజ్వేల్ నియోజకవర్గం నుంచి కేసీఆర్ ఎమ్మెల్యేగా విజయం సాధించారు.
కేసీఆర్ అసెంబ్లీ వద్దకు రాగానే బీఆర్ఎస్ ఎమ్మెల్యేలు,నేతలు స్వాగతం చెప్పారు. అసెంబ్లీకి గులాబీ రాక నేపథ్యంలో బీఆర్ఎస్ కార్యకర్తలు అక్కడకి భారీగా తరలివచ్చారు. బీఆర్ఎస్ శాసనసభ పక్ష కార్యాలయంలోనూ కేసీఆర్ ప్రత్యేక పూజలు నిర్వహించారు. ప్రతిపక్ష నేతగా బాధ్యతలు చేపట్టారు.
అసెంబ్లీ ఎన్నికల్లో గజ్వేల్, కామారెడ్డి నియోజకవర్గాల నుంచి పోటీ చేశారు. అయితే కామారెడ్డిలో ఓటమి పాలయ్యారు. గజ్వేల్ హ్యాట్రిక్ విజయం సాధించారు. ఆ తర్వాత ప్రమాదవశాత్తు ఇంట్లో ప్రమాదానికి గురయ్యారు. బాత్ రూమ్ లో జారిపడటంతో గాయపడ్డారు. ఆయన తుంటి ఎముకకు వైద్యులు శస్త్రచికిత్స చేశారు. ఈ కారణం వల్లే కేసీఆర్ ఎమ్మెల్యేగా ప్రమాణ స్వీకారం చేయలేకపోయారు. వైద్యుల సూచనతో కేసీఆర్ కొన్ని వారాలు విశ్రాంతి తీసుకున్నారు. ఇప్పుడు ఆరోగ్యం మెరుగుపడటంతో అసెంబ్లీకి వచ్చి ఎమ్మెల్యేగా ప్రమాణ స్వీకారం చేశారు. వచ్చే శాసనసభ సమావేశాలకు ఆయన హాజరయ్యే అవకాశం ఉంది.
మరోవైపు కేసీఆర్ ప్రమాణ స్వీకారానికి ముగ్గురు బీఆర్ఎస్ ఎమ్మెల్యేలు డుమ్మా కొట్టారు. ముఖ్యంగా ఇటీవల సీఎం రేవంత్ రెడ్డిని కలిసిన దుబ్బాక ఎమ్మెల్యే కొత్త ప్రభాకర్ రెడ్డి, జహీరాబాద్ ఎమ్మెల్యే మాణిక్ రావు హాజరు కాలేదు. అలాగే సికింద్రాబాద్ ఎమ్మెల్యే పద్మారావు కూడా కేసీఆర్ ప్రమాణ స్వీకారానికి డుమ్మా కొట్టారు.
Share
Nirmala Sitharaman : రామనీలం చీరతో బడ్జెట్ ప్రసంగం.. కారణమిదేనా..?
Rooftop Solar : కోటి ఇళ్లకు ఉచిత విద్యుత్తు..!
