డార్లింగ్ ప్రభాస్‌కే ప్రాంక్ కాల్ చేసిన KTR.. నెట్టింట నవ్వులు పూయిస్తున్న వీడియో!

KTR Prabhas: రాజకీయాల హడావుడిని కాసేపు పక్కన పెట్టి BRS వర్కింగ్ ప్రెసిడెంట్ కేటీఆర్ ఇటీవల చిన్నారులతో కలిసి సరదాగా సందడి చేశారు. ‘ది అండర్ 18 వరల్డ్’ అనే పాడ్‌కాస్ట్‌లో పాల్గొన్న ఆయన, యంగ్ పాడ్‌కాస్టర్లతో కలిసి పాన్ ఇండియా స్టార్ ప్రభాస్‌కు చేసిన ఒక ప్రాంక్ కాల్ ఇప్పుడు సోషల్ మీడియాను ఊపేస్తోంది. కేటీఆర్ సమయస్ఫూర్తి, ప్రభాస్ రెస్పాన్స్ నెటిజన్లను విపరీతంగా ఆకట్టుకుంటున్నాయి.

షాక్ ఇచ్చిన డార్లింగ్ ప్రభాస్!

ఈ పాడ్‌కాస్ట్ సంభాషణలో భాగంగా కేటీఆర్, పిల్లలతో కలిసి ప్రభాస్‌కు ఫోన్ కలపగా ఒక సరదా డ్రామా జరిగింది. కేటీఆర్ డయల్ చేసి, అక్కడ ఉన్న ఒక చిన్నారికి ఫోన్ ఇచ్చారు. ఆ పాప చాలా గంభీరంగా ఫోన్ మాట్లాడి ‘నాకు రోడ్డుపై ఈ ఫోన్ దొరికింది, ఇంతకీ మీరు ఎవరు మాట్లాడుతున్నారు?’ అని ప్రభాస్‌ను ప్రశ్నించింది. అవతలి నుంచి మాట్లాడుతోంది డార్లింగ్ ప్రభాస్ కావడం, అపరిచిత గొంతుతో అలా అడగ్గానే ఆయన ఏమాత్రం ఆలోచించకుండా నవ్వుతూనే వెంటనే కాల్ కట్ చేశారు. దీంతో కేటీఆర్ సరదాగా తలపట్టుకుని గట్టిగా నవ్వేశారు.

ప్రభాస్‌కు ప్రాంక్ కాల్ చేసిన KTR

‘ది అండర్ 18 వరల్డ్’ పాడ్‌కాస్ట్‌లో బీఆర్ఎస్ వర్కింగ్ ప్రెసిడెంట్ కేటీఆర్, పిల్లలతో కలిసి హీరో ప్రభాస్‌కు చేసిన ప్రాంక్ కాల్ నెట్టింట నవ్వులు పూయిస్తోంది. కేటీఆర్ కాల్ చేయగా ఒక బాలిక ఫోన్ తీసుకుని, 'రోడ్డుపై ఫోన్ దొరికింది, ఎవరు మాట్లాడేది?'… pic.twitter.com/DgdyqC3lPz

— BigTV APP (@BigtvApp) September 11, 2026

అసలు విషయం చెప్పిన కేటీఆర్

ట్విస్ట్ నచ్చడంతో కేటీఆర్ స్వయంగా మళ్లీ ప్రభాస్‌కు ఫోన్ చేశారు. కాల్ ఎత్తగానే ప్రభాస్‌కి క్షమాపణలు చెబుతూ.. అది తమ పిల్లలు చేసిన సరదా ప్రాంక్ అని వివరించారు. విషయం తెలుసుకున్న ప్రభాస్ కూడా ఎంతో సరదాగా నవ్వుతూ మాట్లాడారు. రాజకీయ నాయకులకు, సినిమాలకు ఉండే బిజీ లైఫ్‌లో ఇలాంటి సరదా ఘట్టాలు అరుదుగా చూస్తామని నెటిజన్లు కామెంట్లు పెడుతున్నారు. ప్రస్తుతం ఈ వీడియో నెట్టింట విపరీతంగా ట్రెండ్ అవుతోంది.

Also Read: 22A మహా కుంభకోణం.. కాంగ్రెస్ ప్రభుత్వంపై కేటీఆర్, హరీశ్‌రావు తీవ్ర విమర్శలు!