Water Wastage: నీటి పొదుపుపై ముఖ్యమంత్రి రేవంత్ రెడ్డి చెప్పిన మాటలు ప్రభుత్వ కార్యాలయాల గోడలు దాటడం లేదా? నీటి ప్రతి చుక్కను ఒడిసిపట్టుకోవాలని ప్రభుత్వం సూచిస్తున్న వేళ.. ఆచరణలో మాత్రం నిర్లక్ష్యం కనిపిస్తోంది. మేడ్చల్ ఎస్‌ఆర్‌ఓ కార్యాలయం వద్ద కార్యాలయం పై ఉన్న నీటి ట్యాంక్ నుంచి నీరు నిండిపోయి పొంగిపొర్లుతున్న దృశ్యం అధికారుల పనితీరుకు అద్దం పడుతోంది.
ఓవైపు ఎల్‌నినో ప్రభావంతో నీటి లభ్యతపై ఆందోళనలు వ్యక్తమవుతుంటే.. మరోవైపు అందుబాటులో ఉన్న నీటిని ఇలా వృథా చేయడం ఎంతవరకు సమంజసం? అని స్థానికులు ప్రశ్నిస్తున్నారు. ప్రజలకు నీటి పొదుపుపై పాఠాలు చెప్పే ప్రభుత్వ యంత్రాంగం.. ముందుగా తన కార్యాలయాల నుంచే ఆచరణ ప్రారంభించాలన్న హితవు వినిపిస్తోంది.
ప్రభుత్వ కార్యాలయంలోనే నీటి వృథాను అరికట్టలేకపోతే.. ప్రజలకు ఆదర్శంగా ఎలా నిలుస్తారన్న స్థానికులు ప్రశ్నలు తలెత్తుతున్నాయి.ఇప్పటికైనా సంబంధిత అధికారులు స్పందించి నీటి వృథాను అరికట్టడంతో పాటు, ప్రభుత్వ కార్యాలయాల్లో నీటి పొదుపును పకడ్బందీగా అమలు చేయాలని ప్రజలు కోరుతున్నారు.
Share
శివుడిని భర్తగా పొందాలనే పార్వతీ దేవి పట్టుదల... శివపత్ని ఉగ్రరూపం ఇప్పుడు ఓటీటీలో
చలికాలం స్పెషల్.. మార్కెట్లోకి ఇంటెక్స్ సరికొత్త 'గీజర్లు'.. బడ్జెట్ ధరలో అధునాతన ఫీచర్లు!
