Moinabad Tragedy: కాలేజీలో జరిగే ఫెస్ట్ అంటే విద్యార్థులకు పండగే. స్నేహితులతో కలిసి ఆనందంగా గడపాల్సిన ఆ వేడుక, ఇద్దరు యువకుల జీవితాల్లో ఊహించని విషాదాన్ని నింపింది. రాజేంద్రనగర్ జోన్ పరిధిలోని మొయినాబాద్ వద్ద జరిగిన ఘోర ప్రమాదంలో ఇద్దరు విద్యార్థులు అక్కడిక్కడే ప్రాణాలు కోల్పోయారు.
అసలేం జరిగింది?
మొయినాబాద్‌లోని కేజీ రెడ్డి ఇంజనీరింగ్ కాలేజీలో ఫెస్ట్ ముగిసిన తర్వాత, సుమారు 10 మంది విద్యార్థులు కలిసి సమీపంలోని పొలాల వైపు వెళ్లారు. అక్కడ వారంతా కలిసి మద్యం సేవిస్తుండగా.. ఊహించని విధంగా పోలీసుల పెట్రోలింగ్ వాహనం అటుగా వచ్చింది.
భయంతో పరుగులు.. అనంత లోకాలకు..
పోలీసులను చూసి భయాందోళనకు గురైన విద్యార్థులు దొరికిపోతామనే కంగారులో చీకట్లో పరుగులు తీశారు. ఈ క్రమంలో రైతు రాజిరెడ్డి తన పొలం చుట్టూ ఏర్పాటు చేసిన విద్యుత్ తీగలను గమనించకపోవడంతో, వాటికి తగిలి షాక్‌కు గురయ్యారు. ఈ ప్రమాదంలో మోహన్‌తో పాటు మరో విద్యార్థి అక్కడిక్కడే మృతి చెందారు. సరదాగా గడపడానికి వచ్చి, భయంతో తీసిన ఒక్క పరుగు ఇద్దరి జీవితాలను బలి తీసుకోవడంతో వారి కుటుంబాల్లో తీవ్ర శోకఛాయలు అలముకున్నాయి. ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
Share
తగ్గేదెలే.. ఈ 5 రాశుల్లో పుట్టినవారు చివరి నిమిషం దాకా పోరాడుతారు
Intinti Ramayanam Shriya : పాప చాలా హాటు గురు..ఇది అస్సలు ఊహించలేదు భయ్యా..
