Weather Report: మరో 4 రోజులు వర్షాలు.. తెలుగు రాష్ట్రాలకు రెయిన్ అలర్ట్..

Weather Report in telugu states(Telugu news live today): తెలుగు రాష్ట్రాలను రుతుపవనాలు పూర్తిగా కమ్మేశాయి. లేట్‌గా అయినా లేటెస్ట్‌గా.. రెండు రోజులుగా మంచి వర్షాలు పడుతున్నాయి. హైదరాబాద్‌లో వేళాపాళా లేకుండా ఆగిఆగి వాన కురుస్తోంది. గతంలో మాదిరి ఒకేసారి కుంభవృష్టి కాకుండా.. ఓ మోస్తారుగా వరుణుడు కరుణిస్తున్నాడు. హైదరాబాద్‌తో పాటే తెలంగాణ వ్యాప్తంగా వానలే వానలు. మరో మూడు నాలుగు రోజుల పాటు వానలు పడుతాయని వాతావరణ శాఖ చెబుతోంది.

అటు, ఏపీలోనూ వానలు ఊపందుకున్నాయి. మోస్తరు వర్షాలతో పాటు అక్కడక్కడా భారీ వర్షాలు పడుతున్నాయి. కొన్ని ప్రాంతాల్లో భారీ వానలకు అవకాశం ఉందంటున్నారు. ప్రధానంగా ఉత్తరాంధ్రలోని జిల్లాలకు వాన ముసురు పట్టుకుంది. కొన్ని ప్రాంతాల్లో పగలు మబ్బులు కమ్మేస్తాయని.. రాత్రికి వర్షం కురుస్తుందని వివరించారు. ఇక కృష్ణాజిల్లా మచిలీపట్నంలో తెల్లవారు జాము నుండి భారీ వర్షం కురుస్తోంది. వర్షానికి నగరంలోని లోతట్టు ప్రాంతాలు జలమయమయ్యాయి. ప్రధాన రహదారిలో మోకాళ్ల లోతు నీళ్లు చేరాయి.ఎటు చూసినా వర్షపు నీరే దర్శనమిచ్చింది.

Share

• 
• 
• 
• 
• 
•