Hyderabad City: అతివేగం ప్రమాదకరం అని పదేపదే పోలీసులు మైకులతో చెప్పినా వాహనదారులు ఏమాత్రం పట్టించుకోలేదు. వేగంగా వెళ్లే క్రమంలో ప్రమాదానికి గురవుతున్నాయి. సరిగ్గా అలాంటి ఘటన హైదరాబాద్ సిటీలో చోటు చేసుకుంది. కారు బోల్తాపడడమే కాదు.. చివరకు నుజ్జునుజ్జు అయ్యింది.
మెహిదీపట్నం నుంచి రాజేంద్రనగర్‌కు వెళ్లే పీవీఎన్ఆర్ ఎక్స్‌ప్రెస్‌వేపై ఘోర రోడ్డు ప్రమాదం చోటు చేసుకుంది. మెహదీపట్నం నుంచి ఆరాంఘర్ వెళ్తుండగా పిల్లర్ నంబర్ 170 వద్ద ఈ ఘటన జరిగింది. ఫ్లైఓవర్‌పై వాహనాలు వేగంగా వెళ్తుండగా ఒక్కసారిగా సడన్ బ్రేక్ వేసిన కియా కారును వెనుక నుంచి మరో కారు బలంగా ఢీ కొట్టింది. స్పీడ్‌ను కంట్రోల్ చేయలేకపోవడంతో అదుపు తప్పి డివైడర్‌ను ఢీ కొట్టింది.
ఫలితంగా కియా కారు నుజ్జునుజ్జు అయ్యింది. ఈ ఘటనలో కియా కారు డ్రైవర్ ప్రాణాపాయం నుంచి త్రుటిలో తప్పించుకున్నాడు. తీవ్ర గాయాలైన ఆయన్ని కారు నుంచి బయటకు తీశారు వాహనదారులు. వాహనం రోడ్డుకు అడ్డంగా పడడంతో రాకపోకలకు తీవ్ర అంతరాయం ఏర్పడింది. ఈ ఘటనపై సమాచారం అందుకున్న వెంటనే పోలీసులు, స్థానికులతో కలిసి కారును సైడుకు తొలగించారు.
ఆ తర్వాత ట్రాఫిక్ క్లియర్ చేశారు. దాదాపు గంటసేపు పైగానే వాహనాలు నిలిచిపోయాయి. మరొక కారు కుడివైపు బ్యాక్ సైడ్ డ్యామేజ్ అయ్యింది. మరొక కారు పూర్తిగా నుజ్జు నుజ్జు అయ్యింది. వాహనంలోని వ్యక్తులు ఎవరు? ఎక్కడి నుంచి ఎక్కడికి వెళ్తున్నారు? అనేది ఇంకా తెలియాల్సివుంది. ఈ ఘటనపై పోలీసులు కేసు నమోదు చేశారు.
ALSO READ: గోడకి కన్నం వేసి.. జ్యూవెలరీ షాపునే దోచేశారు, మేడ్చల్‌లో కలకలం
#Roadaccident on #Hyderabad’s PVNR Expressway in Rajendranagar.
A #Kiacar lost control and overturned multiple times near Pillar No. 170, leaving the vehicle completely mangled.
The driver sustained serious injuries but survived the crash.
The car fell across the road,… pic.twitter.com/qPWrwpRnjX
— NewsMeter (@NewsMeter_In) November 10, 2026
Share
వోక్స్ వ్యాగన్ కార్లపై భారీ డిస్కౌంట్లు.. టిగువాన్పై ఏకంగా రూ.6 లక్షల తగ్గింపు!
7 నెలలుగా జాబ్ లేదు.. 55 ఇంటర్వ్యూలు, ఒక్క ఆఫర్ కూడా లేదు
