Super Star Krishna: సూపర్ స్టార్ కృష్ణ. టాలీవుడ్ జేమ్స్ బాండ్. తెలుగువారి అల్లూరి. ప్రస్తుతం సినిమాలు చేయకున్నా.. ఆయన స్టార్ డమ్ అలానే ఉంది. సూపర్ స్టార్ వారసత్వం ఆయన తనయుడు మహేశ్ బాబుకు వచ్చింది. అలాంటి, సీనియర్ సూపర్ స్టార్ అస్వస్థతకు గురయ్యారు. గట్టమనేని కృష్ణ.. శ్వాస సంబంధిత సమస్యతో బాధపడుతూ ఆసుపత్రిలో చేరారు. గచ్చిబౌలిలోుని కాంటినెంటర్ హాస్పిటల్ లో ఆయనకు చికిత్స అందిస్తున్నారు.
కృష్ణ ఆరోగ్యం నిలకడగానే ఉందంటున్నారు డాక్టర్లు. చికిత్స కొనసాగుతోందని.. త్వరలోనే డిశ్చార్జి చేస్తామని చెబుతున్నారు. ఆదివారమే ఆయన హాస్పిటల్ లో చేరినా.. విషయం సోమవారం వెలుగుచూసింది. చలికాలం కావున శ్వాస తీసుకోవడంలో ఇబ్బంది పడుతున్నట్టు తెలుస్తోంది.
వయసు మీదపడటంతో కృష్ణ ఆరోగ్యంపై అభిమానులు ఆందోళన వ్యక్తం చేస్తున్నారు. ఆయన తొందరగా కోలుకోవాలంటూ ప్రార్థనలు చేస్తున్నారు. గెట్ వెల్ సూన్ అంటూ నెటిజన్లు పోస్టులు పెడుతున్నారు.
Share
Rameswaram : రామేశ్వరంలో సముద్ర స్నానానికి, గోవాలో స్నానానికి తేడా ఏంటి?
