Gold Loan Fraud: సూర్యాపేట జిల్లాలో ఓ షాకింగ్ ఘటన అందరిని ఆలోచింపచేసింది. ఓ బ్యాంకులోనే నకిలీ బంగారం తాకట్టు పెట్టి దాదాపుగా రూ.21 లక్షలను అప్రైజర్ కాజేసాడు. దీంతో ఈ వార్త జిల్లావ్యాప్తంగా కలకలం రేపుతుంది. ఇక వివరాల్లోకి వెలితే ఇలా ఉన్నాయి.
సూర్యాపేట జిల్లాలో భార్య, స్నేహితుడితో కలిసి పక్కా ప్లాన్ ప్రకారం భారీ దందాకు తెరలేపారు. సూర్యాపేటకు చెందిన ఉపేందర్ అనే వ్యక్తి తెలంగాణ గ్రామీణ వికాస్ బ్యాంకులో అప్రైజర్గా విధులు నిర్వహిస్తున్నాడు. గోల్డ్ లోన్ కోసం వచ్చే ఆభరణాల నాణ్యతను నిర్ధారించే బాధ్యత ఆయనదే అయితే.. గత ఏడు నెలల క్రితం భార్య శైలజ, స్నేహితుడు సతీశ్తో కలిసి బ్యాంకులో నకిలీ బంగారు ఆభరణాలు తాకట్టు పెట్లారు.
అయితే ఉద్యోగి అప్రైజర్ ఇచ్చిన నివేదిక ఆధారంగా బ్యాంకు రూ.21 లక్షల రుణం మంజూరు చేసింది. దీంతో మూడు నెలల క్రితం కొత్త మేనేజర్ బాధ్యతలు చేపట్టడంతో అసలు బాగోతం వెలుగులోకి వచ్చింది. బ్యాంకులోని బంగారాన్ని మరో అప్రైజర్తో తనిఖీ చేయించగా అందులో నకిలీ బంగారంగా నిర్ధారణ అయింది. దీంతో వెంటనే ఆ అధికారి పోలీసులకు ఫిర్యాదు చేసారు. దీంతో రంఘంలకి దిగిన పోలీసులు విచారణ చేపట్టారు. ప్రస్తుతం పరారీలో ఉన్న ప్రధాన నిందితుడు ఉపేందర్ కోసం గాలిస్తున్నారు.
Also read: ఆరు నెలలకే ప్రపంచ రికార్డు.. బుడిబుడి అడుగుల్లో బుల్లి సంచలనం!