తీన్మార్ మల్లన్న కాన్వాయ్‌ని ఢీకొట్టిన లారీ.. తప్పిన పెను ముప్పు!

Teenmaar Mallanna: ఎమ్మెల్సీ తీన్మార్ మల్లన్నకు తృటిలో పెను ప్రమాదం తప్పింది. యాదాద్రి భువనగిరి జిల్లాలో ఆయన చేపట్టిన పాదయాత్రలో భాగంగా కాన్వాయ్ వాహనాన్ని ఓ లారీ బలంగా ఢీకొట్టింది. అదృష్టవశాత్తూ ఆ సమయంలో ఆయన కారులో లేకపోవడంతో అందరూ ఊపిరి పీల్చుకున్నారు.

అనాజిపురం వద్ద ఏం జరిగిందంటే?

మల్లన్న మోత్కూరు నుంచి అనాజిపురం మీదుగా తిరుమలగిరి వైపు పాదయాత్రగా వెళ్తున్నారు. అనాజిపురం సమీపంలోకి రాగానే వెనుక నుంచి అతివేగంగా వచ్చిన ఓ లారీ, ఆయన కాన్వాయ్‌లోని కారును బలంగా ఢీకొట్టింది. లారీ ఢీకొట్టిన వేగానికి ఆ కారు అదుపుతప్పి, ఎదురుగా వస్తున్న మరో కారును ఢీకొట్టింది.

తీన్మార్‌ మల్లన్న కాన్వాయ్‌ని ఢీకొట్టిన లారీ

యాదాద్రి జిల్లా మోత్కూరు మండలం అనాజిపురం వద్ద ఎమ్మెల్సీ తీన్మార్‌ మల్లన్న కాన్వాయి వాహనం ప్రమాదానికి గురైంది. మోత్కూరు నుంచి అనాజిపురం మీదుగా తిరుమలగిరి వైపు ఆయన పాదయాత్ర సాగుతున్న క్రమంలో వెనుక నుంచి వేగంగా వచ్చిన లారీ ఆయన కారును… pic.twitter.com/24fn1zZ27q

— BIG TV Breaking News (@bigtvtelugu) November 13, 2026

పాదయాత్రలో ఉండటంతో తప్పిన ముప్పు

ప్రమాదం జరిగిన సమయంలో తీన్మార్ మల్లన్న కారులో కాకుండా, బయట ప్రజలతో కలిసి పాదయాత్రలో నడుస్తుండటంతో పెను ముప్పు తప్పింది. ఒక్కసారిగా జరిగిన ఈ ఘటనతో అక్కడ కాసేపు ఉద్రిక్తత నెలకొంది. కార్యకర్తలు, స్థానికులు వెంటనే అప్రమత్తమై సహాయక చర్యలు చేపట్టారు.

Also Read: నాడు చదువుకు పండుగ.. నేడు దండుగ.. ఫీజు బకాయిలపై వైఎస్ షర్మిల ధ్వజం