TGSRTC: ఆర్టీసీ ప్రయాణికులకు గుడ్ న్యూస్.. మొబైల్‌లోనే TGSRTC టికెట్లు, సిటీ బస్ పాసులు..

TGSRTC: తెలంగాణ ఆర్టీసీ (TGSRTC) ప్రయాణికులకు రవాణా శాఖ మంత్రి పొన్నం ప్రభాకర్ ఒక తీపి కబురు అందించారు. ప్రయాణాలకు మరింత సులభతరం చేస్తూ, ఆధునిక సాంకేతికతను జోడించి “మీ టికెట్ మొబైల్” (Mee Ticket) యాప్‌ను ప్రభుత్వం అధికారికంగా ప్రారంభించింది. ప్రయాణికులు ఇకపై బస్టాండ్‌ల వద్ద క్యూలో నిలబడాల్సిన అవసరం లేకుండా, తమ అరచేతిలోనే ఉన్న మొబైల్ ద్వారా నిమిషాల్లో టికెట్లను బుక్ చేసుకునే సదుపాయం అందుబాటులోకి వచ్చింది.

ఈ యాప్ ద్వారా ప్రయాణికులు కేవలం సుదూర ప్రాంతాలకే కాకుండా, ప్రధాన నగరాల మధ్య నడిచే ఇంటర్‌సిటీ బస్సులకు కూడా ముందస్తు రిజర్వేషన్ చేసుకోవచ్చు. ప్రస్తుతం సుమారు 1,710 బస్సు సర్వీసులను ఈ డిజిటల్ ప్లాట్‌ఫారమ్‌కు అనుసంధానించారు. దీనివల్ల పండుగలు, సెలవు దినాల్లో రద్దీని తట్టుకోవడమే కాకుండా, ప్రయాణికులు తమకు నచ్చిన సీటును ముందే ఎంచుకునే వీలు కలుగుతుంది. నగదు రహిత లావాదేవీలను ప్రోత్సహించడంలో భాగంగా ఈ నిర్ణయం తీసుకున్నట్లు ప్రభుత్వం తెలిపింది.

సాధారణ ప్రయాణికులతో పాటు గ్రామీణ ప్రాంత ప్రజలకు కూడా చేరువయ్యేలా ఈ యాప్‌ను అత్యంత సరళంగా రూపొందించారు. కేవలం టికెట్ బుకింగ్ మాత్రమే కాకుండా, బస్సు ఎక్కడుంది? (Live Tracking), షెడ్యూల్ సమయాలు వంటి వివరాలను కూడా ఇందులో పొందుపరిచారు. ప్రభుత్వ మీసేవ సేవలకు అనుబంధంగా ఈ మొబైల్ అప్లికేషన్ పనిచేయడం వల్ల భద్రత, విశ్వసనీయత విషయంలో ప్రయాణికులకు పూర్తి భరోసా లభిస్తుంది.

Also Read: సీఎం రేవంత్‌ రెడ్డిని కేసీఆర్‌తో పోల్చిన ఎంపీ ఈటల రాజేందర్.. ఎమన్నారంటే..?

రాష్ట్రవ్యాప్తంగా ఆర్టీసీని లాభాల బాట పట్టించడంతో పాటు, ప్రయాణికులకు అత్యాధునిక సౌకర్యాలు కల్పించడమే లక్ష్యంగా ఈ వినూత్న మార్పులు చేపడుతున్నారు. త్వరలోనే మరిన్ని సర్వీసులను ఈ యాప్‌లో చేర్చడమే కాకుండా, ప్రయాణికుల ఫీడ్‌బ్యాక్ ఆధారంగా అదనపు ఫీచర్లను జోడించనున్నారు. ప్రయాణ రంగంలో వస్తున్న ఈ డిజిటల్ విప్లవం వల్ల సామాన్యుడి ప్రయాణం మరింత వేగవంతం, సురక్షితం కానుంది.

ఆర్టీసీ ప్రయాణికులకు గుడ్ న్యూస్

ఇక మీసేవ మొబైల్ యాప్‌లో TGSRTC టికెట్ల బుకింగ్

“మీ టికెట్ మొబైల్” యాప్‌ను ఆవిష్కరించిన మంత్రి పొన్నం ప్రభాకర్

డిజిటల్ గా సుదూర, ఇంటర్‌సిటీ బస్ టికెట్ల బుకింగ్ సౌకర్యం

యాప్ లో మొత్తం 1,710 బస్ సేవలు

Good news for RTC passengers

TGSRTC ticket… pic.twitter.com/eAQ4rzA0oI

— BIG TV Breaking News (@bigtvtelugu) February 24, 2026