Sama Rammohan Reddy: మక్తల్ నియోజకవర్గానికి చెందిన బీజేపీ నేత మహాదేవప్ప ఆత్మహత్య వ్యవహారం ఇప్పుడు రాజకీయంగా పెను దుమారం రేపుతోంది. ఈ ఘటనపై తెలంగాణ ప్రదేశ్ కాంగ్రెస్ కమిటీ (టీపీసీసీ) మీడియా & కమ్యూనికేషన్స్ చైర్మన్ సామ రామ్మోహన్ రెడ్డి తీవ్రస్థాయిలో స్పందించారు. మహాదేవప్ప ఆత్మహత్యకు బీజేపీ నేతలు రాంచందర్ రావు, డీకే అరుణలే బాధ్యత వహించాలని ఆయన డిమాండ్ చేశారు. సాధారణంగా అధికార పార్టీ నుంచి ఒత్తిడి ఎదురైతే ఏ నాయకుడైనా తన సొంత పార్టీ నేతల దగ్గరికి వెళ్లి రక్షణ కోరుకుంటారని, కానీ ఇక్కడ సొంత పార్టీ నాయకుల ఒత్తిడి తట్టుకోలేకనే మహాదేవప్ప బలవన్మరణానికి పాల్పడటం విచారకరమని పేర్కొన్నారు.
మహాదేవప్ప మరణాన్ని బీజేపీ నేతలు తమ రాజకీయ లబ్ధి కోసం వాడుకోవాలని చూడటం వారి దిగజారుడు తనానికి నిదర్శనమని రామ్మోహన్ రెడ్డి విమర్శించారు. రాజకీయ పబ్బం గడుపుకోవడానికి ఒక నేత మరణాన్ని అడ్డం పెట్టుకోవడం సరికాదన్నారు. అసలు మహాదేవప్పకు బీ-ఫారం ఇచ్చిన తర్వాత ఏం జరిగిందో, ఆయనపై ఎలాంటి ఒత్తిళ్లు వచ్చాయో బీజేపీ నేతలే బహిరంగంగా సమాధానం చెప్పాలని ఆయన డిమాండ్ చేశారు. ఈ మరణానికి గల అసలైన కారణాలు బయటకు రావాలని, అప్పుడే మహాదేవప్ప కుటుంబానికి న్యాయం జరుగుతుందని ఆయన స్పష్టం చేశారు.
మక్తల్ నియోజకవర్గ బీజేపీలో కీలక నేతగా ఉన్న మహాదేవప్ప ఇటీవల ఆత్మహత్య చేసుకోవడం స్థానికంగా కలకలం సృష్టించింది. టికెట్ కేటాయింపులు లేదా పార్టీ అంతర్గత వ్యవహారాల్లో సీనియర్ నాయకుల నుంచి తీవ్రమైన ఒత్తిడి రావడం వల్లే ఆయన ఈ నిర్ణయం తీసుకున్నట్లు ప్రచారం జరుగుతోంది. బీజేపీ నాయకులు దీనిని అధికార పార్టీ వేధింపులుగా చిత్రీకరించే ప్రయత్నం చేయగా, కాంగ్రెస్ మాత్రం ఇది బీజేపీ నేతల అంతర్గత గొడవల వల్ల జరిగిన మరణమని ఆరోపిస్తోంది. ఈ నేపథ్యంలో రాజకీయ ఆరోపణలు, ప్రత్యారోపణలతో మక్తల్ ప్రాంతం వేడెక్కింది.
Read Also: Cm revanth : తెలంగాణకు పాకిన కల్తీ నెయ్యి అంశం.. ఇచ్చి పడేసిన సీఎం!
Share
Child Marriage: ప్రాణం పోయాల్సిన తల్లే.. ప్రాణ సంకటంగా మారింది.. రూ. 2 లక్షలకు కూతురిని విక్రయించిన కసాయి తల్లి!
Mrunal Thakur: మృణాల్ పై పువ్వుల వర్షం కురిపించిన సిద్ధాంత్.. రూమర్స్ నిజం చేస్తూ!
