KTR: తెలంగాణ రాష్ట్ర ఆవిర్భావంలో మాజీ సీఎం కేసీఆర్ పాత్రను ఆయన తనయుడు, మాజీ మంత్రి కేటీఆర్ గుర్తు చేశారు. కేసీఆర్ లేకుంటే తెలంగాణ రాష్ట్రం ఏర్పడేది కాదంటూ ఆయన స్పష్టం చేశారు. స్వరాష్ట్ర సాధనలో కేసీఆర్ చేసిన పోరాటం, త్యాగాలను స్మరించుకోవాల్సిన అవసరం ఉందన్నారు.
కేసీఆర్ 2009లో చేపట్టిన ఆమరణ నిరాహార దీక్ష వల్లే కేంద్రం దిగివచ్చిందని పేర్కొన్నారు. కేసీఆర్ దీక్ష కారణంగానే కేంద్ర ప్రభుత్వం డిసెంబర్ 9న తెలంగాణ రాష్ట్ర ఏర్పాటు ప్రక్రియ ప్రారంభిస్తున్నట్లు ప్రకటన చేసిందన్నారు. ఈ ప్రకటన తెలంగాణ ప్రజల ఆత్మగౌరవానికి దక్కిన విజయంగా అభివర్ణించారు. ప్రతి సంవత్సరం డిసెంబర్ 9న దీక్షా దివస్ ను తెలంగాణ ప్రజలు ఆత్మగౌరవ పండుగలా జరుపుకోవాలని కేటీఆర్ పిలుపునిచ్చారు. రాష్ట్ర సాధన కోసం కేసీఆర్ పడిన శ్రమను, ప్రజలు చేసిన ఉద్యమాన్ని ఈ సందర్భంగా గుర్తు చేసుకోవాలన్నారు.
కొత్త సచివాలయంలో తెలంగాణ తల్లి విగ్రహాన్ని మళ్లీ ప్రతిష్ఠిస్తామని కేటీఆర్ ఈ సందర్భంగా హామీ ఇచ్చారు. తెలంగాణ తల్లి విగ్రహం రాష్ట్ర ప్రజల ఆకాంక్షలకు, చరిత్రకు ప్రతీక అని తెలిపారు. గతంలో జరిగిన పొరపాట్లను సరిదిద్దుతామన్నారు. తమ ప్రభుత్వం త్వరలోనే ఈ దిశగా చర్యలు తీసుకుంటుందని చెప్పారు. రాష్ట్ర చరిత్ర, సంస్కృతిని కాపాడటంలో బీఆర్ఎస్ పార్టీ ఎప్పుడూ ముందుంటుందని కేటీఆర్ చెప్పారు.
ALSO READ: Top 20 News: ‘జీరో ఎకౌంట్’ సమర్పించని కారణంగా నామినేషన్ రద్దు…. వృద్ధాప్యం వల్ల రైతుల ఇబ్బంది
Share
Vaikunta Dwara Darshan: వైకుంఠ ద్వార దర్శనానికి పోటెత్తిన రిజిస్ట్రేషన్లు.. వామ్మో తొలి రోజే అన్ని లక్షలా!
Andhra King Taluka Collections: ఆంధ్ర కింగ్ తాలుకా.. రెండు రోజుల కలెక్షన్స్ ఎంతంటే!
