సెల్‌ఫోన్ ఆ యువతికి శాపమైంది.. కూతుర్ని చంపిన తల్లి, రంగారెడ్డి జిల్లాలో ఘోరం

Mother Killed Daughter: చిన్న చిన్న ఘటనలు అన్నెం పుణం తెలియని చిన్నారులు ఈ లోకాన్ని విడిచి పెట్టేలా చేస్తున్నాయి. అది తల్లిదండ్రులు తప్పా? చిన్నారులు చేసినా శాపమా? అనేది తెలీదు. సెల్‌ఫోన్ అతిగా చూస్తుందన్న కారనంగా కూతుర్ని చంపేసింది కసాయి తల్లి. సంచలన రేపిన ఈ ఘటన రంగారెడ్డి జిల్లాలో వెలుగుచూసింది.

రంగారెడ్డి జిల్లాలో ఘోరం

రంగారెడ్డి జిల్లా కొత్తూరు పురపాలక కేంద్రంలో షాకింగ్ ఘటన వెలుగులోకి వచ్చింది. హనుమాన్ టెంపుల్ కాలనీలో నివాసం ఉంటున్నారు రాజు- విజయలక్ష్మి దంపతులు. ఈ జంటకు సువర్ణ అనే 14 ఏళ్ల కూతురు ఉంది. స్థానిక ప్రభుత్వ ఉన్నత పాఠశాలలో 9వ తరగతి చదువుతోంది ఆ యువతి. చదువులో ఎప్పుడు ఫస్ట్ ఉండే సువర్ణ, ఇంట్లో మొబైల్ ఫోన్ చీటికి మాటికి చూసేది. యువతి కల్లుకు బానిసైన తల్లి, కుమార్తెతో నిత్యం గొడవ పడేవాడు.

సెల్ ఫోన్ చిచ్చు.. కూతుర్ని చంపిన తల్లి

ఈనెల 27న మంగళవారం సాయంత్రం సెల్‌ఫోన్ పదే పదే చూస్తుందని తల్లి-కూతురు గొడవ పడ్డారు. దీంతో ఆగ్రహానికి గురైన తల్లి, కూతుర్ని గొంతు నులిమి చంపేసింది. ఈ ఘటనను ఆత్మహత్యగా చిత్రీకరించేందుకు పెద్ద స్కెచ్ వేసింది. బాలిక మెడకు చీర చుట్టి.. భర్తకు ఫోన్‌ చేసి ఇంటికి రప్పించింది విజయలక్ష్మి. తల్లిదండ్రులు ఇద్దరు ప్రభుత్వ ఆసుపత్రికి తరలించారు. అప్పటికే సువర్ణ ఈ లోకాన్ని విడిచిపెట్టింది. ఇటీవలే చిన్నారి పుష్పవతి కావడంతో కడుపునొప్పి బలవన్మరణానికి పాల్పడి ఉంటుందని భావించాడు కన్నతండ్రి.

ALSO READ: అతివేగం కొంప ముంచింది.. పల్టీలు కొట్టిన టయోటా ఇన్నోవా, రంగారెడ్డి జిల్లాలో ఘోర ప్రమాదం

ఈ ఘటనపై పోలీసులు కేసు నమోదు చేసి దర్యాప్తు చేయడంతో అసలు విషయాలు వెలుగులోకి వచ్చాయి. దర్యాప్తులో భాగంగా సువర్ణ తల్లిపై పోలీసులకు అనుమానం వచ్చింది. పోస్టుమార్టం రిపోర్ట్‌ ఆధారంగా ఈ కేసు హత్య కేసుగా మార్చారు పోలీసులు. దీంతో మరోసారి విజయలక్ష్మిని పోలీసులు తమదైన శైలిలో విచారించడంతో అసలు విషయాలు వెల్లడయ్యాయి. ఫోన్‌ అతిగా మాట్లాడుతోందని, మాట వినట్లేదని భావించిన కూతుర్ని చంపినట్లు విచారణలో అంగీకరించింది కసాయి తల్లి. ఈ విషయాన్ని పోలీసులు మీడియాకు వివరించారు.