E-Paper
Advertisement

8. జెప్టో డెలివరీ కార్మికుడిపై దాడి.. చర్యలకు TGPWU డిమాండ్

8. జెప్టో డెలివరీ కార్మికుడిపై దాడి.. చర్యలకు TGPWU డిమాండ్
Advertisement

Zepto Delivery Worker: స్వేచ్ఛ బ్యూరో : నగరంలోని కార్ఖానా ప్రాంతంలో జెప్టో డెలివరీ కార్మికుడు ఆశిష్ కుమార్‌పై జరిగిన దాడిని తెలంగాణ గిగ్ అండ్ ప్లాట్‌ఫామ్ వర్కర్స్ యూనియన్(టీజీపీడబ్ల్యూయూ) తీవ్రంగా ఖండించింది. ఈ ఘటనపై నిష్పక్షపాతంగా, వేగంగా దర్యాప్తు జరిపి బాధ్యులపై కఠినమైన చట్టపరమైన చర్యలు తీసుకోవాలని యూనియన్ డిమాండ్ చేసింది.

డెలివరీ బాయ్ పై దాడి..

Advertisement

ఈనెల 3న ఆర్డర్ డెలివరీ చేసేందుకు వెళ్లిన సమయంలో కార్ఖానాలోని ఓ అపార్ట్‌మెంట్‌లో ఆశిష్ కుమార్‌పై దాడి జరిగినట్లు ఫిర్యాదులో పేర్కొన్నారని టీజీపీడబ్ల్యూయూ వ్యవస్థాపక అధ్యక్షుడు షేక్ సలావుద్దీన్ తెలిపారు. తనను బలవంతంగా ఫ్లాట్‌లోకి తీసుకెళ్లి వస్తువులతో కొట్టడంతో పాటు శారీరకంగా దాడి చేసి, అక్కడి నుంచి బయటకు వెళ్లకుండా అడ్డుకున్నారని బాధితుడు ఆరోపించినట్లు పేర్కొన్నారు. గిగ్, ప్లాట్‌ఫామ్ కార్మికులు ప్రతిరోజూ రోడ్లపై పనిచేస్తూ లక్షలాది మంది వినియోగదారులకు అవసరమైన సేవలు అందిస్తున్నారని ఆయన వెల్లడించారు.

బాధ్యులపై కఠిన చర్యలు..

Advertisement

విధులు నిర్వహిస్తున్న కార్మికులను అవమానించడం, దూషించడం లేదా శారీరకంగా దాడి చేయడం ఏమాత్రం సమర్థనీయం కాదని పేర్కొన్నారు. ఈ ఘటనపై వేగంగా, నిష్పక్షపాతంగా విచారణ జరిపి బాధ్యులపై కఠిన చర్యలు తీసుకోవాలని తెలంగాణ డీజీపీ సీవీ ఆనంద్‌తో పాటు పోలీస్ శాఖను ఆయన కోరారు. బాధితుడికి అవసరమైన రక్షణ, వైద్య, ఇతర సహాయాన్ని అందించాలని విజ్ఞప్తి చేశారు. తెలంగాణలో గిగ్, ప్లాట్‌ఫామ్ కార్మికులపై దాడులు, బెదిరింపులు, వేధింపులకు సంబంధించిన ఘటనలు తరచూ వెలుగులోకి వస్తున్నాయని సలావుద్దీన్ వెల్లడించారు. ఇలాంటి ఘటనలను అరికట్టేందుకు గిగ్ కార్మికుల కోసం ప్రత్యేక భద్రతా యంత్రాంగాన్ని ఏర్పాటు చేయాలని, అత్యవసర పరిస్థితుల్లో వేగంగా స్పందించే వ్యవస్థను తీసుకురావాలని ప్రభుత్వం, పోలీస్ శాఖను డిమాండ్ చేశారు.

ఘటనపై జెప్టో యాజమాన్యం స్పందన..

ఇదిలా ఉండగా, ఘటనపై జెప్టో యాజమాన్యం స్పందించకపోవడాన్ని కూడా టీజీపీడబ్ల్యూయూ తప్పుబట్టింది. తమ వ్యాపార కార్యకలాపాలను నిర్వహించే కార్మికుల భద్రత, గౌరవం, సంక్షేమం పట్ల ప్లాట్‌ఫామ్ కంపెనీలకు బాధ్యత ఉందని పేర్కొంది. జెప్టో యాజమాన్యం వెంటనే స్పందించి బాధిత కార్మికుడికి అవసరమైన సహాయం అందించడంతో పాటు పోలీసుల దర్యాప్తుకు పూర్తిగా సహకరించాలని డిమాండ్ చేసింది.

Also Read: రామాయంపేట బడుల్లో ఎమ్మెల్సీ మల్క హల్‌చల్.. కేజీబీవీ విద్యార్థులకు కీలక హామీ!

Tags

Related News

మునుగోడు ఎమ్మెల్యే రాజగోపాల్ రెడ్డికి షాకింగ్ న్యూస్..?

కొత్త బైక్, వాహనాలు కొనేవారికి బిగ్ అలర్ట్.. డీలర్లకు సర్కార్ వార్నింగ్?

ఇంట్లో దర్జాగా గంజాయి సాగు చేస్తున్న బీటెక్ విద్యార్థి!

హుజురాబాద్‌లో డేంజర్ బెల్స్.. పొంచి ఉన్న భారీ ప్రమాద ముప్పు!

పింఛన్ కోసం లంచం డిమాండ్ చేసిన పంచాయతీ కార్యదర్శి?

ఐబొమ్మ రవిని మించిన మరో డిజిటల్ పైరసీ నెట్‌వర్క్.. ఒక్కో సినిమాకు రూ. 20 వేలు!

ఎవరీ రేష్మా డాన్? బ్యూటీషియన్‌గా పనిచేస్తూ రౌడీయిజం.. చివరికి ఏమైందంటే?

తెలంగాణలో కొత్త పెన్షన్లు అప్లై చేసుకున్న వారికి గుడ్ న్యూస్..?

Big Stories

Advertisement
×