Couple: డిన్నర్.. ఆ జంట జీవితాన్ని మార్చింది.. 13 కోట్లు సొంతం, అదెలా?

Couple: ఓ జంట బయటకు డిన్నర్‌కి వెళ్లింది. ఏమనుకుందో తెలీదుగానీ వెళ్లే దారిలో 250 రూపాయలు పెట్టి లాటరీ టికెట్ కొనుగోలు చేసింది. సరదాగా కొన్న ఆ టికెట్‌లో మహాలక్ష్మి ఉంటుందని ఊహించుకోలేకపోయింది. సుమారుగా 13 కోట్ల రూపాయలు గెలుచుకుంది. అమెరికాలోని న్యూజెర్సీలో ఈ వ్యవహారం వెలుగుచూసింది.

ఐడియా జీవితాన్ని మారుస్తుందని ఓ సిమ్ కార్డు కంపెనీ ప్రధాన స్లోగన్. ఆ మాటేమోగానీ ఈ దంపతుల ఐడియా వారి జీవితాన్ని మార్చేసింది. ఏకంగా కోటీశ్వరులు అయిపోయారు. దాదాపు 13 కోట్ల రూపాయలను దక్కించుకున్నారు. అదే అమెరికా కరెన్సీలో అయితే 1.5 మిలియన్లు డాలర్లు అన్నమాట.

న్యూజెర్సీలో నివసిస్తున్న ఓ జంట డిన్నర్ కోసం బయటకు వెళ్లింది. నట్లీ టౌన్‌షిప్‌లో లక్కీ 7 డెలిలో వైన్ ఫర్ లైఫ్! స్క్రాచ్-ఆఫ్ గేమ్ కోసం టిక్కెట్‌ను జంట కొనుగోలు చేసింది. ఆ టికెట్ విలువ కేవలం 250 రూపాయలు మాత్రమే. ఆ జంటకు అదృష్టం వరించింది. 1.5 మిలియన్ డాలర్లు లాటరీ వారి సొంతమైంది. భారతీయ కరెన్సీలో దాదాపు రూ. 13 కోట్లు అన్నమాట.

లాటరీ గెలిచిన తర్వాత ఆ జంట షాక్‌లో ఉంది. జంటలో ఒకరి పట్టుదల వల్ల లాటరీ గెలుచుకున్నామని, లేకుంటే జరిగేది కాదని చెబుతోంది. తొలుత తనకు అంతగా నచ్చలేదని తెలిపింది. ఇది నిజంగా మా జీవితాలను మార్చిందని అంటోంది. ఆ టికెట్ కొనే విషయంలో వారిద్దరి మధ్య చిన్నవాదన జరిగింది.

ALSO READ: లోకల్ ట్రైన్ నుంచి జారిపడి ఐదుగురు మృతి

ఒకరు పట్టణంలో కొనాలని, మరొకరు అక్కడేవున్న షాపులో కొందామని పట్టుబట్టారు. 10 డాలర్ల టికెట్‌తో పాటు రెండింటిని 3 డాలర్ల టికెట్లు కొనుగోలు చేశారు. మొదటి టికెట్‌ను స్క్రాచ్ చేయగా వారి ఆనందానికి అవధులు లేకుండా పోయాయి. ఊహించని విధంగా 1.5 మిలియన్ డాలర్లను సొంతం చేసుకున్నారు.

ఈ గేమ్‌లో టాప్-3 లాటరీ ప్రైజ్ మనీ గెలుపొందడంతోవారు డబ్బు తీసుకోకుండా ‘అన్యుటీ ఎంపిక’ స్కీమ్‌ను ఎంపిక చేసుకున్నారు. దీని ప్రకారం 25 సంవత్సరాల పాటు ఏడాదికొకసారి చెల్లింపులు అందుకుంటుంది ఈ జంట. 25 ఏళ్లు పూర్తి అయ్యేసరికి 1.5 మిలియన్ డాలర్లు ఆ జంట చేతికి రానుంది.

లాటరీ నిర్వాహకులు చెప్పిన వివరాలు మేరకు న్యూజెర్సీ లాటరీ 1970లో ప్రారంభించబడినప్పటి నుండి ఇప్పటివరకు ఆ రాష్ట్రానికి దాదాపు 33.7 బిలియన్లను అందినట్టు తెలిపింది. లాటరీ మొదలు పెట్టిన నుంచి ఆ సంస్థ ఇప్పటివరకు లాభాల్లో నడుస్తోంది కూడా.