ప్రయాణీకులకు గుడ్ న్యూస్, ఏపీ మీదుగా వీక్లీ స్పెషల్ రైళ్లు!

Indian Railway- Weekly Express Trains: భారతీయ రైల్వే ప్రయాణికుల సౌకర్యాన్ని మరింత మెరుగుపరిచేందుకు ఎప్పటికప్పుడు కీలక నిర్ణయాలు తీసుకుంటుంది. ఇందులో భాగంగా ఏప్రిల్ నుంచి ఏపీ మీదుగా ఒడిశాకు మెరుగైన రైల్వే కనెక్టివిటీ కల్పించాలని భావిస్తోంది. ఇందుకోసం రెండు కొత్త వీక్లీ ఎక్స్‌ ప్రెస్ రైళ్లను ప్రారంభించనుంది. ఈ కొత్త సర్వీసులు తూర్పు భారతాన్ని దక్షిణ భారతంతో కలపనున్నాయి. సుదూర ప్రయాణాలను మరింత సులభంగా మార్చనున్నాయి.

త్వరలో అందుబాటులోకి కొత్త వీక్లీ ఎక్స్ ప్రెస్ రైళ్లు

మొదటి రైలు సంత్రాగాచి – యలహంక – సంత్రాగాచి ఏసీ ఎక్స్‌ ప్రెస్. ఈ రైలు ఏప్రిల్ 2 నుంచి ప్రారంభమవుతుంది. ప్రతి గురువారం మధ్యాహ్నం 12:50 గంటలకు సంత్రాగాచి నుండిచి బయలుదేరి, శనివారం తెల్లవారుజామున యలహంక చేరుకుంటుంది. తిరుగు ప్రయాణం ఏప్రిల్ 4 నుంచి ప్రతి శనివారం యలహంక నుండి ప్రారంభమవుతుంది. ఈ రైలు ప్రధానంగా కర్ణాటకకు వెళ్లే ప్రయాణికులకు ఉపయోగపడుతుంది.

ఇక మరో రైలు షాలిమార్ – ఎంజీఆర్ చెన్నై – షాలిమార్ వీక్లీ ఎక్స్‌ ప్రెస్. ఇది ఏప్రిల్ 6 నుంచి నడుస్తుంది. ప్రతి సోమవారం మధ్యాహ్నం 2:45 గంటలకు షాలిమార్ నుండి బయలుదేరి, మరుసటి రోజు మధ్యాహ్నం చెన్నై సెంట్రల్ చేరుకుంటుంది. తిరుగు ప్రయాణం ఏప్రిల్ 7 నుంచి ప్రతి మంగళవారం చెన్నై నుండి ప్రారంభమవుతుంది. చెన్నై వెళ్లే ప్రయాణికులకు మంచి ఆప్షన్‌గా ఉంటుంది.

రెండు రైళ్లు ఏపీ మీదుగా ప్రయాణం

ఈ రెండు రైళ్ల ప్రారంభంతో బెంగాల్, ఒడిశా, ఆంధ్రప్రదేశ్, తమిళనాడు రాష్ట్రాల మధ్య రవాణా మరింత మెరుగుపడుతుంది. ముఖ్యంగా పండుగలు, సెలవుల సమయంలో ప్రయాణికుల రద్దీ ఎక్కువగా ఉండే సందర్భాల్లో ఈ అదనపు రైళ్లు చాలా ఉపయోగపడతాయి. ఈ కొత్త రైళ్లు ముఖ్యంగా ఒడిశాలోని ప్రధాన నగరాలు, పట్టణాలకు ఉపయోగపడనున్నాయి. భద్రక్, కటక్, భువనేశ్వర్, ఖుర్దా రోడ్, బ్రహ్మపూర్ వంటి కీలక స్టేషన్లలో ఇవి ఆగుతాయి. దీంతో ఈ ప్రాంతాల్లో నివసించే ప్రజలకు చెన్నై, కర్ణాటక, ఏపీ లాంటి ప్రాంతాలకు ప్రయాణించడం మరింత సౌకర్యవంతంగా మారుతుంది.

అలాగే, ఈ రెండు రైళ్ల మార్గాలు ఈస్ట్ కోస్ట్ రైల్వే పరిధిలోని ముఖ్యమైన నగరాలను కలుపుతూ వెళ్తాయి. ప్రయాణికులకు సౌకర్యవంతమైన ప్రయాణాన్ని అందిస్తాయి. కొత్త రైళ్లు ప్రారంభమవడంతో ట్రైన్ టికెట్లు పొందడం కూడా కొంతవరకు ఈజీ అవుతుంది. భారతీయ రైల్వే తీసుకున్న ఈ నిర్ణయం ప్రయాణికులకు ఎంతో మేలు చేయనుంది. ముఖ్యంగా ఒడిశా నుంచి సౌత్ ఇండియాకు వెళ్లే వారికి మంచి అవకాశం కానుంది.