భారతీయ రైల్వే ద్వారా నిత్యం కోట్లాది మంది ప్రయాణీకులు రాకపోకలు కొనసాగిస్తారు. తక్కువ ఖర్చుతో ఆహ్లాదకరమైన ప్రయాణాలు కొనసాగిస్తారు. అయితే, కొన్ని సందర్భాల్లో కన్ఫార్మ్ టికెట్లు దొరకడం చాలా కష్టం అవుతుంది. ముఖ్యంగా పండుగలు, సెలవు దినాల్లో రద్దీ కారణంగా కన్ఫార్మ్ టికెట్లు లభించవు. ఈ నేపథ్యంలో ప్రయాణీకుల సౌలభ్యం కోసం IRCTC ‘మాస్టర్ లిస్ట్’ అనే ఫీచర్ ను అందుబాటులోకి తీసుకొచ్చింది. ఇది టికెట్ బుకింగ్ సమయాన్ని చాలా వరకు తగ్గిస్తుంది. కన్ఫార్మ్ టికెట్ పొందే అవకాశాలను మరింత పెంచుతుంది.
ఆన్‌ లైన్‌ లో టిక్కెట్లు బుక్ చేసుకునేటప్పుడు, ఎక్కువ టైమ్ ప్రయాణీకుల పేర్లు, వయస్సు, లింగం సహా ఇతర సమాచారాన్ని ఫిల్ చేసేందుకు ఉపయోగిస్తారు. అప్పటికే చాలా మంది టికెట్లు బుక్ చేసుకోవడం వల్ల కన్ఫార్మ్ టికెట్ లభించదు. ఈ నేపథ్యంలో ‘మాస్టర్ లిస్ట్’ ఫీచర్ ప్రయాణీకుల వివరాలను ముందే ఫిల్ చేసి పెట్టుకోవచ్చు. టికెట్ బుక్ చేసుకునే సమయంలో మాస్టర్ లిస్టులోఆల్రెడీ ఉన్న వివరాలను నేరుగా ఉపయోగించుకోవచ్చు. చాలా సమయం ఆదా అవుతుంది. ఈజీగా కన్ఫార్మ్ టికెట్ పొందే అవకాశం ఉంటుంది. మాస్టర్ లిస్ట్ అనేది టికెట్ బుకింగ్ ప్రక్రియను వేగవంతంగా పూర్తి చేయడానికి ఉపయోగపడటంతో పాటు కన్ఫార్మ్ టికెట్ దొరికేలా చేస్తుంది.
⦿ ముందుగా IRCTC వెబ్ సైట్ లేదంటే మొబైల్ యాప్‌ ను ఓపెన్ చేయాలి.
⦿ ముందుగా సైట్ లోకి లాగిన్ కావాలి.
⦿ మై అకౌంట్ లోకి వెళ్లి మై ప్రొఫైల్‌ ను సెలెక్ట్ చేసుకోవాలి.
⦿ ఇందులో మాస్టర్ లిస్ట్ ను యాడ్ చేయండి లేదంటే సవరించండి అనే ఆప్షన్ కనిపిస్తుంది.
⦿ ఇందులో ప్రయాణీకుడి పేరు, పుట్టిన తేదీ, లింగం, మొబైల్ నంబర్, ఆధార్ నంబర్ లాంటి వివరాలను నమోదు చేయండి.
⦿ ఆధార్ ధృవీకరణ పూర్తయిన తర్వాత, ప్రయాణీకుడి సమాచారం మాస్టర్ లిస్ట్ కు యాడ్ అవుతుంది.
ఒకసారి మాస్టర్ లిస్టులో ప్రయాణీకుడి వివరాలను నమోదు చేస్తే, టికెట్ బుక్ చేసుకున్న ప్రతిసారీ సదరు ప్రయాణీకుడి వివరాలను ఎంటర్ చేయాల్సిన అవసరం లేదు. మాస్టర్ లిస్ట్ నుంచి పేరును ఎంచుకుని, వెంటనే బుకింగ్‌ను పూర్తి చేసుకోవచ్చు.ఇలా చేయడం వల్ల బుకింగ్ ప్రక్రియ వేగంగా ఉంటుంది. కన్ఫార్మ్ చేయబడిన టికెట్ పొందే అవకాశాలు పెరుగుతాయి. వెయిటింగ్ లిస్ట్ ఇబ్బంది తగ్గుతుంది.
IRCTC వాలెట్‌ తో లేదంటే QR కోడ్‌ ను స్కాన్ చేయడం ద్వారా చెల్లిస్తే, టైమ్ మరింత సేవ్ అవుతుంది. అలా కాకుండా కార్డు ద్వారా చెల్లింపు చేయడం ద్వారా ఎక్కువ సమయం పడుతుంది. కన్ఫార్మ్ టికెట్ పొందే అవకాశం తగ్గుతుంది. టికెట్ బుకింగ్ సమయంలో టికెట్ కన్ఫార్మ్ అవుతుందో? లేదో? కొన్ని సెకన్ల సమయం నిర్ణయిస్తుంది. సో, ప్రతి సెకెన్ ఇంపార్టెంట్ అనే విషయాన్ని మర్చిపోకూడదు.
Read Also: షాకింగ్.. 6 గంటల పాటు IRCTC వెబ్ సైట్ డౌన్.. కారణం ఏంటంటే?
Share
Kurnool Bus Fire: కర్నూలు బస్సు ప్రమాదంలో మూడో వాహనం ప్రమేయం.. పోలీసులకు కీలక ఆధారాలు
ChatGPT - OpenAI: షాకింగ్.. సూసైడ్ ఆలోచనలో 12లక్షల మంది ChatGPT యూజర్స్!
