Vizag Best Place: రోజంతా పని ఒత్తిడిలో తలమునకలై, సాయంత్రానికి ఓ చల్లటి గాలి కోసం తహతహలాడే మనం రాత్రివేళకి విశాఖ బీచ్ చేరితే? అలల ఆహ్వానం, చందమామ వెలుగు, వెచ్చని ఇసుక, ఆహ్లాదకరమైన గాలి.. ఇవన్నీ కలిస్తే జీవితం ఎంత అందంగా ఉందో గుర్తొస్తుంది. ప్రత్యేకంగా చెబితే, రామకృష్ణ బీచ్ (RK Beach) రాత్రివేళలలో మారిపోయే అందం గురించి ఒక్కసారి చెప్పడం సాధ్యపడదు. ఓ మంచి రొమాంటిక్ ఫీలింగ్, ఒక ఫుడ్ ఫెస్టివల్ టచ్, ఓ కుటుంబ ఆహ్లాదం.. అన్నీ ఒకేచోట అనుభవించాలంటే విశాఖ బీచ్‌ను రాత్రివేళలో తప్పకుండా చూడాలి. ఇంతకు అక్కడ ఎవరికీ తెలియని ఆ రహస్యాలు ఏమిటో తెలుసుకుందాం.
రాత్రి బీచ్ డైనింగ్‌కు గ్రీన్ సిగ్నల్..
ఇటీవల విశాఖ నగర పాలక సంస్థ, పోలీస్ విభాగాల అనుమతులతో రాత్రి డైనింగ్ సెట్‌అప్‌కు పచ్చ జెండా లభించింది. దీని వల్ల బీచ్ పక్కన రాత్రివేళకు కూడా ఫుడ్ ట్రక్కులు, కేఫ్‌లు పనిచేస్తున్నాయి. ఫ్యామిలీలు, యువత, ప్రయాణికులు.. అందరూ బీచ్ పక్కన కూర్చుని, సముద్రం చప్పుడు వింటూ, చందమామను చూస్తూ డిన్నర్ చేయడం ఓ కొత్త ఎక్స్‌పీరియెన్స్‌గా మారిపోయింది.
చెప్పలేని వాతావరణం..
ఇక్కడి వాతావరణం గురించి ఎంత చెప్పినా తక్కువే. ఓ వైపు గాలి లో అప్పడాల వాసన.. ఇంకోవైపు సముద్రపు ఉప్పటి వాసన.. నడుమ చిన్నగా మైక్ లో స్లో మ్యూజిక్.. ఇసుకపై చిన్న టేబుల్ మీద ముత్యాల్లా మెరిసే ఫిష్ ఫ్రై, సిజ్లర్స్, ఇవన్నీ తినడం అంటే.. అదేదో సినిమా సీన్‌లో ఉన్న ఫీలింగ్ రావాల్సిందే.
ఫుడ్ ఐటెమ్స్.. నోరూరించే సముద్ర రుచులు
ఈ బీచ్ డైనింగ్ కు స్పెషల్ అట్రాక్షన్ ఇక్కడ దొరికే ఫ్రెష్ ఫిష్ ఐటెమ్స్. రొయ్యల ఫ్రై, గ్రిల్డ్ ఫిష్, బంగడ ఫ్రై, చేప పకోడి, మసాలా క్లామ్స్ లాంటి సముద్ర ఫుడ్‌కి విశాఖ రుచి ప్రత్యేకంగా ఉంటుంది. ఏదైనా కేక్ కట్ చేయాలి, ఫ్రెండ్‌తో కబుర్లు చెప్పుకోవాలి, కుటుంబంతో పిక్నిక్ ప్లాన్ చేయాలి అంటే అన్నింటికీ ఇది బెస్ట్ ప్లేస్.
ఫోటో షూట్స్, రీల్స్‌కి బెస్ట్ లొకేషన్!
ఇక్కడి లైటింగ్, అలల బ్యాక్‌గ్రౌండ్, చందమామ వెలుగుతో కలిసిన బీచ్ కాంతులు ఇవన్నీ కలిసి సోషల్ మీడియా రీల్స్, ఫోటోలు తీయడానికి అద్భుతమైన స్పాట్‌ని తయారు చేస్తాయి. చాలా మంది బీచ్ పక్కనే కెమెరా సెటప్ చేసి బ్రిడల్ ఫోటో షూట్స్, కవుల కవితల వీడియోలు, ఎన్నో చేశారంటే నమ్మాల్సిందే.
సేఫ్టీ? టెన్షన్ వద్దు!
రాత్రివేళల్లో సందర్శకుల భద్రత దృష్టిలో ఉంచుకుని పోలీసులు రెగ్యులర్‌గా పట్రోలింగ్ చేస్తున్నారు. ఫుడ్ హైజీన్, ట్రాఫిక్ కంట్రోల్, బీచ్‌కి పరిసర పరిశుభ్రత.. అన్నింటిపై సిటీ మున్సిపాలిటీ ప్రత్యేక జాగ్రత్తలు తీసుకుంటోంది. అలాగే చిన్నారులకు అనుకూలంగా ఉండేలా ప్రత్యేక సీటింగ్ ఏర్పాట్లు కూడా జరుగుతున్నాయి.
Also Read: Visakha Tour: విశాఖ ట్రిప్ ప్లాన్ చేస్తున్నారా? ఈ హోటల్ గురించి తప్పక తెలుసుకోండి!
మళ్లీ మళ్లీ వెళ్లాలనిపించే అనుభవం!
ఒకసారి రాత్రి బీచ్‌లో డిన్నర్ చేశాక, మళ్లీ అదే ఫీలింగ్ కోసం మనసు వెంపర్లాడుతుంది. ఇంతకన్నా బెటర్ సీరియస్‌గా ఇంకేం కావాలి? అనిపిస్తుంది. కొన్ని ప్రదేశాలు మన హృదయానికి దగ్గరపడతాయి కదా.. విశాఖ రామకృష్ణ బీచ్ కూడా అలాంటి చోటే అంటారు స్థానికులు, సందర్శకులు.
ఎప్పుడెప్పుడు వెళ్లొచ్చు?
సాధారణంగా రాత్రి 10 గంటల వరకూ ఫుడ్ ట్రక్కులు అందుబాటులో ఉంటాయి. శనివారం, ఆదివారాల్లో అయితే 11 గంటల వరకూ బిజీగా ఉంటుంది. ఎక్కువ రద్దీ కావడం వల్ల వాహనాలను కొంచెం దూరంగా పార్క్ చేయాల్సి రావచ్చు. కానీ అంతకన్నా విలువైన అనుభవం అక్కడే ఎదురు చూస్తోందని చెప్పవచ్చు. ఇంతకీ మీరు కూడా అలల మధ్య డిన్నర్ చేసే అనుభవం కోసం సిద్ధమవుతున్నారా? అయితే రాత్రి RK బీచ్ దాకా మీ ప్రయాణం ప్రారంభించండి. చందమామ కాంతిలో మరిచిపోలేని డైనింగ్ ఎక్స్‌పీరియన్స్ మీకోసం ఎదురుచూస్తోంది!
Share
Manchu Vishnu: అన్ని కోట్లతో సినిమా తీసి.. VFX వర్క్ కొరియర్ చెయ్యడం ఏమిటీ? విష్ణు వివరణ ఇదే
OTT Movies : ఓటీటీల్లో మిస్ అవ్వకుండా చూడాల్సిన సినిమాలు.. ఆ రెండు వెరీ స్పెషల్..
