E-Paper
Advertisement

ప్రపంచంలోనే అత్యంత పొడవైన రైలు.. ఇంజిన్ ఒక ఊరిలో, చివరి బోగి మరో ఊరిలో.. ఎన్ని కి.మీ అంటే?

ప్రపంచంలోనే అత్యంత పొడవైన రైలు.. ఇంజిన్ ఒక ఊరిలో, చివరి బోగి మరో ఊరిలో.. ఎన్ని కి.మీ అంటే?
Advertisement

World Longest Train: దాదాపు 7.6 కిలోమీటర్ల పొడవు, 696 వ్యాగన్లతో కూడిన ఒక భారీ గూడ్స్ రైలును విజయవంతంగా పరీక్షించి దక్షిణాఫ్రికా ప్రపంచ రైల్వే చరిత్రలో సరికొత్త మైలురాయిని చేరుకుంది. ఆ దేశ ప్రభుత్వ రవాణా అండ్ లాజిస్టిక్స్ సంస్థ అయిన ‘ట్రాన్స్‌నెట్’ (Transnet) ఈ అద్భుత ఘనతను సాధించింది. దక్షిణాఫ్రికా పశ్చిమ తీరంలోని సల్దాన్హా బే నుంచి దేశ అంతర్భాగంలోని ఇనుప ఖనిజం గనుల వరకు 860 కిలోమీటర్ల మేర ఈ రైలు తన ప్రయాణాన్ని పూర్తి చేసుకుంది. రెండు రోజుల పాటు సాగిన ఈ ట్రయల్ రన్‌లో వ్యాగన్లన్నింటినీ ఖాళీగానే నడిపారు.

సాధారణంగా గూడ్స్ రైళ్లు కేవలం 0.8 నుండి 2.4 కిలోమీటర్ల పొడవు మాత్రమే ఉంటాయి. వాటితో పోలిస్తే 7.6 కిలోమీటర్ల (4.7 మైళ్లు) పొడవున్న ఈ రైలు భారీ సరుకు రవాణా విభాగంలో ఒక కొత్త బెంచ్‌మార్క్‌ను సృష్టించింది. ఈ ప్రయోగం ద్వారా దక్షిణాఫ్రికా గత 25 ఏళ్లుగా చెక్కుచెదరకుండా ఉన్న ప్రపంచ రికార్డును తిరగరాసింది. 2001లో పశ్చిమ ఆస్ట్రేలియాలో ఒక గని నుండి ఓడరేవుకు ఇనుప ఖనిజాన్ని తరలించిన 7.24 కిలోమీటర్ల (4.5 మైళ్లు) పొడవైన రైలు పేరిట ఇప్పటివరకు ఈ రికార్డు ఉండేది. దీనిని దక్షిణాఫ్రికా తిరరాయడం విశేషం.

Advertisement

అయితే దీనిని కేవలం ఒక రికార్డు కోసమే కాకుండా తమ అవసరాల కోసం ఈ పొడవైన రైలును నిర్మించినట్లు ట్రాన్స్‌నెట్ సంస్థ స్పష్టం చేసింది. సుదూర ప్రాంతాలకు ఖనిజాలు, ఇతర సరుకులను సమర్థవంతంగా రవాణా చేసే సామర్థ్యాన్ని పెంచుకోవడానికి ఈ అనుభవం ఎంతో ఉపయోగపడుతుందని ట్రాన్స్‌నెట్ ఫ్రైట్ రైల్ చీఫ్ ఎగ్జిక్యూటివ్ రస్సెల్ బాట్జీస్ తెలిపారు. ప్రయాణ సమయంలో రైలు పనితీరును నిశితంగా పరిశీలించినట్లు పేర్కొన్నారు. ముందుగా వేసుకున్న అంచనాలతో వాస్తవ ఫలితాలను పోల్చి చూసేందుకు ఈ డేటాను ఉపయోగిస్తామన్నారు.

Also Read: నర్సు ఉద్యోగానికి గుడ్ బై.. 7 నెలల్లోనే రూ.1.75 కోట్ల సంపాదన.. కంటెంట్ క్రియేషన్ పవర్ అంటే ఇదీ!

Advertisement

అయితే ఈ రైలులో సాధారణ ప్రయాణికులకు ఎలాంటి అనుమతి లేదు. ఇది ప్యాసింజర్ సర్వీస్ కాదని.. కేవలం దేశ సరుకు రవాణా సామర్థ్యాన్ని, ముఖ్యంగా సుదూర ప్రాంతాలకు ఖనిజాలను తరలించే శక్తిని పరీక్షించడానికి మాత్రమేనని అధికారులు పేర్కొన్నారు. ఏదేమైనా ఈ రైలు మాత్రం ప్రపంచవ్యాప్తంగా ఉన్న రైలు ప్రయాణికుల దృష్టిని ఆకర్షించింది. అత్యంత ప్రతిష్టాత్మకమైన ఇంజనీరింగ్ నైపుణ్యాన్ని కళ్లకు కట్టినట్లు చూపించింది. రైలు పొడవు, దాని శక్తి సామర్థ్యం, సరుకు రవాణా పరిమితులను అధిగమించడంలో దక్షిణాఫ్రికా సాధించిన ఈ విజయం.. ప్రపంచ రైల్వే రంగానికి కొత్త దిశానిర్దేశం చేస్తోంది.

Also Read: భారతీయులకు ఫ్రీ ఎంట్రీ రద్దు.. వీసా రూల్స్ మార్చేసిన మలేసియా.. కారణం ఏంటంటే?

Tags

Related News

భారతీయులకు ఫ్రీ ఎంట్రీ రద్దు.. వీసా రూల్స్ మార్చేసిన మలేసియా.. కారణం ఏంటంటే?

రైల్వే గ్రూప్ బుకింగ్ రూల్స్ ఛేంజ్.. ఇక ఎన్ని బెర్తులైనా బుక్ చేసుకోవచ్చా?

అక్వాన్ తుఫాను ఎఫెక్ట్.. 69 రైళ్లు రద్దు.. మీ ట్రైన్ కూడా ఉందా?

ఆర్మీ వాహనానికి ఫైన్.. మహిళా అధికారిణిపై వేటు! అసలేం జరిగింది?

సముద్రం కాదు.. కానీ, సముద్రంలా కనిపిస్తుంది.. నల్లగొండలో ఈ అద్భుతం చూశారా?

దర్వేశిపురం ఎల్లమ్మ ఆలయానికి మహర్దశ.. రూ.15 కోట్లతో భారీ అభివృద్ధి!

ఇప్పుడంటే టెక్నాలజీ ఉంది.. పూర్వం ఎల్ నినోను ఎలా ఎదుర్కొనేవారు? ఎలా బతికి బట్టకట్టేవారో తెలుసా?

Big Stories

Advertisement
×