Grand Canyon of India: త్వరలో ఏపీకి కొత్త వరల్డ్ టూరిజం హబ్..!

Grand Canyon of India: ఏపీలోని కడప జిల్లాలో దాగిన రత్నం గండికోట, ‘భారతదేశ గ్రాండ్ కాన్యన్’గా ఫేమస్‌ అయింది. ఈ స్థలం త్వరలో పర్యాటక రంగంలో సందడి చేయనుంది. పెన్నా నది ఒడ్డున అదిరిపోయే గండికోట కోట, ఎర్రమల కొండల్లోని అందమైన లోయ ఈ ప్రాంతాన్ని స్పెషల్ చేస్తాయి. ప్రభుత్వం నుంచి భారీ ఫండ్స్, అంతర్జాతీయ గుర్తింపుతో ఈ చారిత్రక స్పాట్ ప్రపంచ పర్యాటక హబ్‌గా మారేందుకు రెడీ అవుతోంది.

ప్రకృతి, చరిత్ర కలిసిన అద్భుతం
గండికోటలోని పెన్నా నది లోయ ఎర్రటి రాళ్లతో అమెరికా గ్రాండ్ కాన్యన్‌ను గుర్తు చేస్తుంది. 1,670 అడుగుల ఎత్తులో ఉన్న గండికోట కోటలో 101 బురుజులు, మూడు లేయర్ల గోడలు చరిత్రను చెబుతాయి. గజ్జల కొండ గేట్‌వే వచ్చినవాళ్లను ఆహ్వానిస్తుంది. 1123లో కాకతీయ సామంతుడు బిల్డ్ చేసిన ఈ కోట కాకతీయ, విజయనగర, గోల్కొండ సుల్తానుల రోజుల్లో కీలకంగా ఉండేది. 1652లో ఫ్రెంచ్ ట్రావెలర్ టావెర్నియర్ దీన్ని హంపీతో పోల్చాడు. రంగనాథ స్వామి ఆలయం, జుమ్మా మసీదు, మాధవరాయ ఆలయం, రాణీ మహల్ వంటివి హిందూ, ఇస్లామిక్ ఆర్కిటెక్చర్ మిక్స్‌ను చూపిస్తాయి.

చరిత్రలో గొప్ప గాథ
గండికోట కేవలం సైనిక కేంద్రం మాత్రమే కాదు, కాకతీయ, విజయనగర, కుతుబ్ షాహీ రాజుల కాలంలో కల్చర్, అడ్మినిస్ట్రేషన్ హబ్‌గా వెలిగింది. పెమ్మసాని నాయకులు 300 ఏళ్లు కళలు, నిర్మాణాలను ప్రోత్సహించారు. ఇటీవల చరిత్రకారుడు తవ్వా ఓబుల్ రెడ్డి 16వ శతాబ్దపు రాగి శాసనాన్ని కనుక్కోవడం దీని గత గ్లోరీని మరింత బయటపెట్టింది. ఈ లోయ భారతదేశంలోని 32 జాతీయ భౌగోళిక స్మారకాల్లో ఒకటి, యునెస్కో వారసత్వ స్థానం కోసం కూడా లిస్ట్‌లో ఉంది.

పర్యాటకంలో కొత్త ఊపు
కేంద్రం 2025 జనవరిలో గండికోటను వరల్డ్ క్లాస్ డెస్టినేషన్‌గా మార్చేందుకు ₹177 కోట్లు కేటాయించింది. అందులో ₹77.91 కోట్లతో కోట, లోయను అభివృద్ధి చేస్తున్నారు. రోడ్లు, లైటింగ్, హోటళ్లు, 12వ శతాబ్దపు కోట అందాలను మెరుగుపరచడం ఈ ప్లాన్‌లో ఉన్నాయి. 2021లో స్వదేశ్ దర్శన్ స్కీమ్‌లో చెప్పిన రోప్‌వే లోయ అందాలను చూపించనుంది, కానీ ఇది కాస్త స్లోగా సాగుతోంది.

ALSO READ: శివరాత్రి సమయంలోనే కనిపించే లింగాలు.. ఆ ప్రదేశం అంత శక్తివంతమైనదా?

ఏటా జనవరిలో జరిగే గండికోట ఫెస్టివల్ చరిత్ర నాటకాలు, జానపద కళలు, లోకల్ ఫుడ్‌తో వేలాది మందిని ఆకర్షిస్తోంది. కడప కలెక్టర్ శ్రీధర్ చెరుకూరి చెప్పినట్టు, ఒబెరాయ్ గ్రూప్ వంటి హాస్పిటాలిటీ బిగ్ షాట్స్ 2025 ఫిబ్రవరిలో అధికారులతో మీట్ అయ్యి టూరిజం ప్రాజెక్టుల గురించి మాట్లాడారు.

సాహసికులకు, చరిత్ర ప్రియులకు కేరాఫ్ అడ్రస్
గండికోట చరిత్ర లవర్స్, అడ్వెంచర్ సీకర్స్, ఫొటోగ్రాఫర్లకు పర్ఫెక్ట్ డెస్టినేషన్. కోటలోని నిర్మాణాలు చరిత్రలో మునిగిపోయేలా చేస్తాయి, లోయలో ట్రెక్కింగ్ అడ్వెంచర్ థ్రిల్ ఇస్తుంది. 61 కిమీ దూరంలో బేలం గుహలు, పెన్నా నది అందాలు ఎక్స్‌ట్రా బోనస్. కడప నుంచి 77 కిమీ, హైదరాబాద్ నుంచి 300 కిమీ దూరంలో ఉన్న గండికోట రోడ్ ట్రిప్స్, రైలు ట్రావెల్‌కి బెస్ట్ ఛాయిస్.