Most Affordable Luxury Train: రైలులో ప్రయాణం అంటే సాధారణంగా సీట్లు, కొద్దిగా సౌకర్యాలు ఉంటాయని చాలా మందికి తెలుసు. అత్యాధునిక రైళ్లలో కాస్త లగ్జరీ సౌకర్యాలు లభిస్తున్నాయి. కానీ, ఇప్పుడు మనం చెప్పుకోబోయే రైలు చాలా డిఫరెంట్ గా ఉంటుంది. ఇందులో హోటల్, స్పా, బార్ కూడా ఉంటుంది. అయితే, ఈ రైలు ఇండియాలో కాకుండా జపాన్ లో నడుస్తుంది. ఇది ప్రయాణాన్ని పూర్తిగా లగ్జరీ ఎక్స్ పీరియెన్స్ ను అందిస్తుంది. ఈ రైలు పేరు ఆనియోషి లిమిటెడ్ ఎక్స్ ప్రెస్. ఇందులో స్పా, రెస్టారెంట్, బార్ లాంటి సౌకర్యాలతో ఒక లగ్జరీ హోటల్ లా అనిపిస్తుంది.
ఆనియోషి లిమిటెడ్ ఎక్స్ ప్రెస్ కు సంబంధించిన వీడియోను వ్లాగర్ విపన్దీప్ కౌర్ షేర్ చేసింది. రైలు లోపలి దృశ్యాలను సోషల్ మీడియా వేదికగా పంచుకుంది. ఆ వీడియోలు చూసిన వారికి ఇది నిజంగా రైలా? లేక ఓ లగ్జరీ హోటలా? అనే ఆశ్చర్యం కలుగుతుంది. సీటింగ్ చాలా స్టైలిష్ గా ఉంది. జంటల కోసం ప్రత్యేకంగా రెండు సీట్లు ఒకదానికొకటి ఎదురుగా ఏర్పాటు చేశారు. పెద్ద కిటికీల ద్వారా ప్రకృతి అందాలను ఆస్వాదించే అవకాశం ఉంది. సీట్లు మృదువుగా, సౌకర్యంగా ఉండి, ప్రయాణం అంతా రిలాక్స్ గా మార్చుతున్నాయి. ప్రతి సీటుకు పక్కన చిన్న టేబుల్ కూడా ఉంది. దాని మీద ఫుడ్, డ్రింక్స్ ఉంచుకుని తినే అవకాశం ఉంటుంది.
ఇక ఈ లగ్జరీ రైల్లో ప్రైవేట్ సూట్లు కూడా ఉన్నాయి. అందులో కూర్చునే కుర్చీలు లగ్జరీగా ఉండి, మధ్యలో టేబుల్ ఉంటుంది. చిన్న మీటింగ్స్, ఫ్యామిలీతో కంఫర్ట్ గా టైమ్ గడపడానికి బాగుంటుంది. సీట్ల మధ్య పార్టిషన్లు ఉండటంతో ప్రైవసీ కూడా ఉంటుంది. ఈ రైలు జపాన్ లోని ఒసాకా, నారా, క్యోటో నగరాలను కలుపుతుంది. కేవలం 40 నిమిషాల్లో ఈ ప్రయాణం పూర్తవుతుంది. చిన్న ప్రయాణమే అయినా, ఒక ప్రత్యేక అనుభవాన్ని అందిస్తుంది.
ఈ రైలులో రెస్టారెంట్, బార్, లైబ్రరీ, సెలూన్ లాంటి సౌకర్యాలు ఉన్నాయి. బార్ లో ప్రత్యేకంగా తయారు చేసిన స్వీట్స్, డ్రింక్స్ అందిస్తారు. గిఫ్ట్ లు కూడా కొనుగోలు చేసే అవకాశం ఉంది. బాత్రూమ్ కూడా అత్యాధునికంగా, శుభ్రంగా ఉన్నాయి.
ఇక ఈ రైలు ఇంత లగ్జరీ ఉన్నప్పటికీ, టికెట్ ధర కేవలం రూ. 500 కావడం విశేషం. తక్కువ ధరలో ఇంత మంచి ఎక్స్ పీరియెన్స్ అందించడం ఈ రైలు ప్రత్యేకత. ఈ రైలు సాధారణ ప్రయాణం కంటే ఎక్కువగా, లగ్జరీ అనుభవాన్ని ఇస్తుంది. హోటల్, రెస్టారెంట్, బార్ తో పాటు సకల సౌకర్యాలు ఉండే ఈ రైలు, ప్రయాణాన్ని మరింత ఆనందకరంగా మారుస్తుంది. ఇలాంటి రైళ్లు మనదేశంలో కూడా వస్తే బాగుంటుందని నెటిజన్లు కామెంట్స్ చేస్తున్నారు.
Read Also: విమానాల్లో చేస్తున్నట్లే.. ఆ రైళ్లలో కూడా అది తప్పనిసరి చేయండి.. కోర్టు కీలక వ్యాఖ్యలు!
Share
Anantapur Crime News: భర్తను కిరాతకంగా చంపి.. ఇంటి ముందే పాతిపెట్టిన భార్య!
Shubman Gill Apartment: రకుల్ ప్రీత్ సింగ్ ఇంటినే కొనేసిన గిల్..ఎన్ని కోట్లంటే ?
